Levítico 18:30 - Li Santil hu

³⁰ Joꞌcan nak la̱ex cheba̱nuhak li cꞌaꞌru nequexinchakꞌrabi cuiꞌ. Me̱tzol xba̱nunquil li ma̱usilal li queꞌxba̱nu li tenamit li cuanqueb aran nak toj ma̱jiꞌ nequex-oc la̱ex. Me̱mux e̱rib chixba̱nunquil aꞌan. La̱in li Ka̱cuaꞌ le̱ Dios xinyehoc re aꞌin.

Q'eqchi Bible

³⁰ Jo'kan b'i' paab'omaq linchaq'rab' ut mext'ane'k sa' li yib' aj b'aanuhom li xb'aanumank xb'enwa cheru laa'ex, chi moko chetz'ajni eerib' rik'in a'an. Laa'in li Qaawa' leeYos”.

Levítico 18:30 ပူးပေါင်းရင်းမြစ်များ

Levítico 20:23

Me̱tzol e̱rib chixba̱nunquil li cꞌaꞌru nequeꞌxba̱nu li jalan xtenamiteb. La̱in tincuisiheb aꞌan saꞌ li naꞌajej li tex-oc cuiꞌ la̱ex. Eb aꞌan queꞌxba̱nu li ma̱usilal aꞌin. Joꞌcan nak xebintzꞌekta̱na.

Levítico 22:9

Chixjunileb laj tij teꞌxba̱nu li chakꞌrab li quinqꞌue reheb. Cui incꞌaꞌ teꞌxba̱nu teꞌma̱cobk ut teꞌca̱mk xban nak teꞌxkꞌet li chakꞌrab. La̱in li Ka̱cuaꞌ. La̱in ninsantobresin reheb.

Deuteronomio 11:1

Cherahak biꞌ li Ka̱cuaꞌ le̱ Dios ut te̱ba̱nu li cꞌaꞌru naxye saꞌ li chakꞌrab ut le̱ taklanquil xban. Junelic te̱ba̱nu li cꞌaꞌru naxye ut li cꞌaꞌru tenebanbil saꞌ e̱be̱n xba̱nunquil.

Levítico 18:29

Li ani tixba̱nu eb li ma̱usilal aꞌin ta̱isi̱k saꞌ xya̱nkeb laj Israel.

Levítico 19:1

Li Ka̱cuaꞌ Dios quia̱tinac riqꞌuin laj Moisés ut quixye re:

Deuteronomio 12:30

Nak ac cua̱nkex chic saꞌ li naꞌajej ut nak ac xeꞌsacheꞌ ruheb, me̱qꞌue e̱rib chi balakꞌi̱c xbaneb. Me̱patzꞌi lix jalanil dios ut me̱ye nak te̱lokꞌoniheb li jalanil dios joꞌ nak nequeꞌxlokꞌoni eb aꞌan.

Deuteronomio 12:31

Nak texlokꞌoni̱nk chiru li Ka̱cuaꞌ le̱ Dios, me̱ba̱nu li incꞌaꞌ us joꞌ nequeꞌxba̱nu li jalan xtenamiteb nak nequeꞌxlokꞌoni lix yi̱banbil dioseb. Nequeꞌxba̱nu li ma̱usilal toj retal nak nequeꞌxcꞌat li ralal xcꞌajol chokꞌ xmayejeb chiru lix jalanil dios.

Jueces 20:6

Joꞌcan nak la̱in xinseti li camenak ut xintakla saꞌ le̱ tenamit re nak te̱nau nak arin Israel xcuan camsi̱nc ut xcuan ma̱usilal.

1 Reyes 14:24

Eb li ixk ut eb li cui̱nk kꞌaxal cuiꞌchic yibru queꞌxba̱nu chiribileb rib re xqꞌuebal xlokꞌal lix dioseb li queꞌxyi̱b. Queꞌxba̱nu joꞌ queꞌxba̱nu li jalan xtenamiteb li incꞌaꞌ nequeꞌxpa̱b li Dios, li queꞌisi̱c xban li Ka̱cuaꞌ saꞌ li naꞌajej li queꞌoc cuiꞌ eb laj Israel.

1 Reyes 21:26

Kꞌaxal yibru li quixba̱nu laj Acab nak quixlokꞌoniheb li yi̱banbil dios joꞌ queꞌxba̱nu eb laj amorreo li queꞌisi̱c xban li Ka̱cuaꞌ saꞌ lix tenamiteb laj Israel.

Esdras 9:1

Ut chirix chic aꞌan, eb laj cꞌamol be saꞌ xya̱nkeb laj Israel queꞌcuulac cuiqꞌuin ut queꞌxye cue: —Cuanqueb aj Israel yo̱queb chixjunajinquil ribeb riqꞌuineb li jalaneb xtenamit. Saꞌ xya̱nkeb aꞌan cuanqueb laj tij ut laj levita. Yo̱queb chixjunajinquil ribeb riqꞌuineb laj cananeo, eb laj heteo, eb laj ferezeo, eb laj jebuseo, eb laj amonita, eb laj moabita, eb laj Egipto ut eb laj amorreo ut yo̱queb chixba̱nunquil li ma̱usilal nequeꞌxba̱nu eb aꞌan.