Levítico 18:24 - Li Santil hu

²⁴ Me̱mux e̱rib xba̱nunquil li cꞌaꞌak re ru aꞌin xban nak aꞌan incꞌaꞌ us. Aꞌan lix ma̱usilaleb li tenamit li tincuisi saꞌ li naꞌajej li tex-oc cuiꞌ.

Q'eqchi Bible

²⁴ “Meetz'ajni eerib' rik'in xb'aanunkil a k'a'aq re ru a'in. Sa' xk'ab'a' a'an xe'xtz'ajni rib' li tenamit li te'wisi laa'in cheru laa'ex.

Levítico 18:24 ပူးပေါင်းရင်းမြစ်များ

Deuteronomio 18:12

Li Ka̱cuaꞌ xicꞌ narileb li nequeꞌxba̱nu li yibru naꞌleb aꞌin. Aꞌan xma̱queb li cristian li cuanqueb saꞌ li naꞌajej li tex-oc cuiꞌ. Joꞌcan nak li Ka̱cuaꞌ le̱ Dios ta̱risiheb saꞌ li naꞌajej aꞌan.

Levítico 18:30

Joꞌcan nak la̱ex cheba̱nuhak li cꞌaꞌru nequexinchakꞌrabi cuiꞌ. Me̱tzol xba̱nunquil li ma̱usilal li queꞌxba̱nu li tenamit li cuanqueb aran nak toj ma̱jiꞌ nequex-oc la̱ex. Me̱mux e̱rib chixba̱nunquil aꞌan. La̱in li Ka̱cuaꞌ le̱ Dios xinyehoc re aꞌin.

1 Corintios 3:17

Li rochoch li Dios aꞌan santo. Cui ani naxtiquib li jachoc ib saꞌ e̱ya̱nk, li jun aꞌan yo̱ chixjucꞌbal rochoch li Dios xban nak la̱ex aj pa̱banel rochochex chic li Dios. Ut li Dios tixsach li ani naxtiquib xjachbal ruheb laj pa̱banel.

Jeremías 44:4

Nabal sut quintaklaheb li profeta, laj cꞌanjel chicuu, riqꞌuineb. Eb li profeta queꞌxye reheb nak incꞌaꞌ teꞌxba̱nu li yibru naꞌleb aꞌin, li incꞌaꞌ nacuulac chicuu.

Deuteronomio 12:31

Nak texlokꞌoni̱nk chiru li Ka̱cuaꞌ le̱ Dios, me̱ba̱nu li incꞌaꞌ us joꞌ nequeꞌxba̱nu li jalan xtenamiteb nak nequeꞌxlokꞌoni lix yi̱banbil dioseb. Nequeꞌxba̱nu li ma̱usilal toj retal nak nequeꞌxcꞌat li ralal xcꞌajol chokꞌ xmayejeb chiru lix jalanil dios.

Levítico 18:3

Texcua̱nk saꞌ xya̱lal ut incꞌaꞌ te̱ba̱nu joꞌ nequeꞌxba̱nu li cuanqueb saꞌ li tenamit Egipto li quexcuan cuiꞌ chak. Chi moco te̱ba̱nu joꞌ nequeꞌxba̱nu li cuanqueb saꞌ li naꞌajej Canaán li yo̱quin cuiꞌ che̱cꞌambal. Chi moco te̱tzol e̱rib chixba̱nunquil li cꞌaꞌru naxye saꞌ lix chakꞌrabeb.

Génesis 15:16

Li xca̱ xte̱pal la̱ cualal a̱cꞌajol teꞌsukꞌi̱k chak saꞌ li naꞌajej aꞌin. Abanan toj ta̱numta̱k li ma̱usilal teꞌxba̱nu laj amorreo, tojoꞌnak tinmakꞌ li naꞌajej aꞌin chiruheb, chan li Dios re laj Abram.

Números 35:34

Me̱mux ru li naꞌajej li texcua̱nk cuiꞌ xban nak la̱in li Ka̱cuaꞌ tincua̱nk aran. La̱in tincua̱nk e̱riqꞌuin la̱ex aj Israel, chan li Dios.

Deuteronomio 9:4

Nak li Ka̱cuaꞌ le̱ Dios ta̱risiheb li cristian aꞌan saꞌ li tenamit li xic cuiꞌ e̱re, me̱ye nak xban xti̱quilal le̱ chꞌo̱l nak li Dios tixqꞌue chere̱chani li naꞌajej aꞌan. Li Dios xrisiheb aꞌan xban lix ma̱usilaleb.

1 Reyes 9:7

cui te̱ba̱nu chi joꞌcan la̱in texcuisi che̱junilex la̱ex aj Israel saꞌ li chꞌochꞌ li xinqꞌue e̱re. Ut li templo aꞌin li xinsantobresi chokꞌ re inlokꞌoninquil tinsach ru. Ut le̱ tenamit Israel ta̱hobekꞌ ut ta̱seꞌe̱k xbaneb li jalan tenamiteb.

Esdras 9:1

Ut chirix chic aꞌan, eb laj cꞌamol be saꞌ xya̱nkeb laj Israel queꞌcuulac cuiqꞌuin ut queꞌxye cue: —Cuanqueb aj Israel yo̱queb chixjunajinquil ribeb riqꞌuineb li jalaneb xtenamit. Saꞌ xya̱nkeb aꞌan cuanqueb laj tij ut laj levita. Yo̱queb chixjunajinquil ribeb riqꞌuineb laj cananeo, eb laj heteo, eb laj ferezeo, eb laj jebuseo, eb laj amonita, eb laj moabita, eb laj Egipto ut eb laj amorreo ut yo̱queb chixba̱nunquil li ma̱usilal nequeꞌxba̱nu eb aꞌan.

Salmos 106:39

Queꞌxmux ajcuiꞌ ribeb aꞌan xban li ma̱usilal queꞌxba̱nu. Chanchan queꞌcoꞌbe̱tac queꞌyumbe̱tac xban nak queꞌxtzꞌekta̱na li tzꞌakal Dios ut queꞌxlokꞌoni li yi̱banbil dios.

Deuteronomio 9:5

Moco xban ta xti̱quilal le̱ chꞌo̱l nak li Dios tixqꞌue chere̱chani li naꞌajej aꞌan. Ta̱risiheb ban xban nak kꞌaxal yibru lix naꞌlebeb ut xban ajcuiꞌ nak tento tixba̱nu li cꞌaꞌru quixyechiꞌi riqꞌuin juramento reheb le̱ xeꞌto̱nil yucuaꞌ, laj Abraham, laj Isaac, ut laj Jacob.

Jueces 20:5

Chiru li kꞌojyi̱n aꞌan, eb laj Gabaa queꞌxsut li cab li cuanco cuiꞌ. Queꞌraj raj incamsinquil. Ut queꞌxba̱nu raylal re li cuixakil toj retal queꞌxcamsi.

Jueces 20:6

Joꞌcan nak la̱in xinseti li camenak ut xintakla saꞌ le̱ tenamit re nak te̱nau nak arin Israel xcuan camsi̱nc ut xcuan ma̱usilal.

Jueces 20:10

Laje̱tk chi cui̱nk takisi saꞌ xya̱nkeb li ju̱nk ciento chi cui̱nk re nak teꞌxic chixsicꞌbal li tzacae̱mk. Ut li jun chꞌol chic teꞌxic saꞌ li tenamit Gabaa chi pletic toj retal teꞌxqꞌueheb laj Gabaa chixtojbal li ma̱usilal xeꞌxba̱nu saꞌ li tenamit Israel, chanqueb.

2 Crónicas 33:2

Laj Manasés quixba̱nu li incꞌaꞌ us chiru li Ka̱cuaꞌ. Quixba̱nu li ma̱usilal li queꞌxba̱nu li tenamit li queꞌisi̱c xban li Ka̱cuaꞌ nak eb laj Israel queꞌoc saꞌ li naꞌajej aꞌan.

Ezequiel 36:17

—At ralal cui̱nk, nak eb laj Israel cuanqueb saꞌ lix chꞌochꞌeb queꞌxmux ru li naꞌajej xban li ma̱usilal queꞌxba̱nu. Chanchaneb jun li ixk nak yo̱ chixcꞌulbal lix yajel re li po.