Levítico 18:21 - Li Santil hu

²¹ Junak cui̱nk incꞌaꞌ naru tixqꞌue li ralal xcꞌajol chokꞌ xcꞌatbil mayej chiru li yi̱banbil dios Moloc. Incꞌaꞌ ta̱risi xlokꞌal lin cꞌabaꞌ la̱in li Ka̱cuaꞌ le̱ Dios riqꞌuin xba̱nunquil aꞌin. La̱in li Ka̱cuaꞌ li yo̱quin chi yehoc re aꞌin.

Q'eqchi Bible

²¹ “Maajun laawalal aak'ajol taamayeja chiru li yos Molok. Maatz'eqtaana li xk'ab'a' laaYos chi kama' a'an. Laa'in li Qaawa'.

Levítico 18:21 ပူးပေါင်းရင်းမြစ်များ

Deuteronomio 12:31

Nak texlokꞌoni̱nk chiru li Ka̱cuaꞌ le̱ Dios, me̱ba̱nu li incꞌaꞌ us joꞌ nequeꞌxba̱nu li jalan xtenamiteb nak nequeꞌxlokꞌoni lix yi̱banbil dioseb. Nequeꞌxba̱nu li ma̱usilal toj retal nak nequeꞌxcꞌat li ralal xcꞌajol chokꞌ xmayejeb chiru lix jalanil dios.

Levítico 19:12

Me̱ba̱nu li juramento saꞌ incꞌabaꞌ la̱in chi ma̱cꞌaꞌ rajbal. Cui te̱ba̱nu chi joꞌcan te̱mux ru lin cꞌabaꞌ. La̱in li Ka̱cuaꞌ xinyehoc re aꞌin.

Deuteronomio 18:10

Ut ma̱ jun e̱re tixcꞌat lix cocꞌal chokꞌ xmayej, chi moco texkꞌehi̱nk, chi moco textu̱lak, chi moco texxic chi patzꞌoc riqꞌuineb laj tu̱l ut eb laj kꞌe.

Levítico 22:32

Me̱mux ru lin santil cꞌabaꞌ re nak ta̱cꞌutu̱nk lin santilal saꞌ xya̱nkeb laj Israel xban nak la̱in li Ka̱cuaꞌ ut la̱in ninsantobresin e̱re.

Hechos 7:43

¿Ma ma̱cuaꞌ ta biꞌ le̱ yi̱banbil dios Moloc ut Renfán quelokꞌoni? La̱ex queyi̱b li jalam u̱ch aꞌin re te̱lokꞌoni. Joꞌcan nak texincanab re nak jalan tenamit ta̱numta̱k saꞌ e̱be̱n ut texcꞌamekꞌ chi najt saꞌ jun li naꞌajej li cuan jun pacꞌal li tenamit Babilonia, chan li Ka̱cuaꞌ. (Amós 5:25-27)

Malaquías 1:12

Abanan la̱ex nequemux cuu nak nequeye nak ma̱cꞌaꞌ na-oc cuiꞌ lin artal ut nequeye nak ma̱cꞌaꞌ na-oc cuiꞌ li mayej li naqꞌueheꞌ aran.

Jeremías 19:5

Queꞌxyi̱beb li naꞌajej li najt xteram re teꞌxlokꞌoni cuiꞌ li yi̱banbil dios Baal ut aran queꞌxcꞌateb li ralal chokꞌ xmayejeb. La̱in incꞌaꞌ quintaklaheb chixba̱nunquil aꞌan, chi moco quebinye reheb nak teꞌxba̱nu. Ma̱ jokꞌe quincꞌoxla nak joꞌcan teꞌxba̱nu.

1 Reyes 11:33

Tinjach ruheb lin tenamit xban nak eb laj Israel quineꞌxtzꞌekta̱na ut queꞌxlokꞌoniheb li jalanil dios, lix Astoret lix dioseb laj Sidón, laj Quemos lix dioseb laj Moab, ut laj Moloc lix dioseb laj Amón. Incꞌaꞌ queꞌxba̱nu li cꞌaꞌru quinye reheb chi moco queꞌcuan saꞌ ti̱quilal chicuu. Incꞌaꞌ queꞌxba̱nu li cꞌaꞌru quinye saꞌ lin contrato ut saꞌ lin chakꞌrab, joꞌ quixba̱nu laj David lix yucuaꞌ laj Salomón.

1 Reyes 11:7

Ut laj Salomón quixtakla xyi̱banquil lix naꞌajeb li jalanil dios Quemos ut Moloc saꞌ li tzu̱l li cuan jun pacꞌal li tenamit Jerusalén bar na-el cuiꞌ li sakꞌe. Laj Quemos, aꞌan lix dioseb laj Moab. Ut laj Moloc aꞌan lix dioseb laj Amón, li kꞌaxal yibru nequeꞌxba̱nu nak nequeꞌxlokꞌoniheb.

Levítico 22:2

—Ta̱ye re laj Aarón ut reheb li ralal nak teꞌxqꞌue xlokꞌal li santil mayej li nequeꞌxkꞌaxtesi chicuu eb laj Israel re nak incꞌaꞌ teꞌxmux ru lin santil cꞌabaꞌ. La̱in li Ka̱cuaꞌ ninyehoc re aꞌin.

Amós 5:26

¿Ma ma̱cuaꞌ ta biꞌ le̱ yi̱banbil dios Moloc ut Quiún li xeqꞌue xlokꞌal?

Ezequiel 23:37

Queꞌxmux lix sumlajiqueb xban nak xineꞌxtzꞌekta̱na ut xeꞌxlokꞌoniheb li jalanil dios. Osoꞌjenakeb li rukꞌeb saꞌ quicꞌ. Queꞌxmayejaheb lix cocꞌaleb nak queꞌxcꞌateb chiruheb li yi̱banbil dios, usta aꞌaneb li cualal incꞌajol la̱in.

Ezequiel 20:31

Chalen anakcuan nequemux e̱rib riqꞌuin xlokꞌoninquileb li jalanil dios ut nequeqꞌue le̱ cocꞌal chokꞌ cꞌatbil mayej. Ut chirix aꞌan nequexchal chixsicꞌbal e̱naꞌleb cuiqꞌuin. La̱in li yoꞌyo̱quil Dios ninye e̱re nak la̱in incꞌaꞌ tinsume li cꞌaꞌru nequepatzꞌ.

Jeremías 7:31

Saꞌ li ru takꞌa li cuan Ben-hinom queꞌxyi̱b li artal li najt xteram saꞌ li naꞌajej Tofet ut queꞌxcꞌat chokꞌ xmayejeb li ralal xcꞌajoleb. La̱in incꞌaꞌ quinye reheb nak teꞌxba̱nu chi joꞌcan chi moco quincꞌoxla nak joꞌcan teꞌxba̱nu.

2 Reyes 23:10

Li rey Josías quixtakla xpoꞌbal li naꞌajej Tofet li cuan saꞌ li ru takꞌa saꞌ lix chꞌochꞌ laj Ben-hinom. Quixpoꞌ li naꞌajej aꞌan re nak ma̱ ani chic tixcꞌat li ralal malaj ut lix rabin chokꞌ xmayej chiru li yi̱banbil dios Moloc.

2 Reyes 21:6

Quixcꞌat li ralal chokꞌ xmayej chiruheb li yi̱banbil dios. Ut naxic riqꞌuineb laj kꞌe ut riqꞌuineb laj tu̱l chixpatzꞌbal cꞌaꞌru tixba̱nu. Cꞌajoꞌ nak quichal xjoskꞌil li Dios xban li ma̱usilal quixba̱nu.

2 Reyes 16:3

Quixba̱nu ban li incꞌaꞌ us joꞌ queꞌxba̱nu lix reyeb laj Israel toj retal quixqꞌue chokꞌ cꞌatbil mayej li ralal re xlokꞌoninquil li yi̱banbil dios. Quixba̱nu li ma̱usilal joꞌ queꞌxba̱nu li tenamit li queꞌisi̱c xban li Ka̱cuaꞌ saꞌ li naꞌajej li queꞌoc cuiꞌ eb laj Israel.

Levítico 21:6

Tento nak santakeb laj tij re nak incꞌaꞌ teꞌxcꞌut xxuta̱n lin cꞌabaꞌ xban nak aꞌaneb li nequeꞌxqꞌue li cꞌatbil mayej ut nequeꞌmayejac li caxlan cua chicuu la̱in lix Dioseb. Joꞌcan nak tento nak santakeb.

Romanos 2:24

Joꞌ naxye saꞌ li Santil Hu: Saꞌ e̱cꞌabaꞌ la̱ex aj judío, nequeꞌxmajecua li Dios li ma̱cuaꞌeb aj judío. (Isa. 52:5)

Romanos 1:23

Incꞌaꞌ nequeꞌxlokꞌoni li yoꞌyo̱quil Dios. Aꞌ chic lix jalam u̱ch li cui̱nk li nacam, aꞌan chic nequeꞌxlokꞌoni. Ut lix jalam u̱ch li xul nequeꞌxqꞌue chokꞌ xdioseb joꞌ li xul li nequeꞌrupupic ut li xul li nequeꞌbe̱c, joꞌqueb ajcuiꞌ li nequeꞌxjucuqui rib chiru chꞌochꞌ.

2 Crónicas 28:3

Ut quixcꞌat li pom saꞌ li ru takꞌa Hinom. Ut quixcꞌateb chokꞌ xmayej lix cocꞌal joꞌ queꞌxba̱nu li tenamit li queꞌisi̱c saꞌ li naꞌajej aꞌan xban li Dios nak eb li ralal xcꞌajol laj Israel queꞌoc aran.

Jeremías 32:35

Queꞌxyi̱b li naꞌajej li najt xteram re teꞌxlokꞌoni cuiꞌ li yi̱banbil dios Baal saꞌ li ru takꞌa re Ben-hinom ut re ajcuiꞌ nak teꞌxcꞌat chokꞌ xmayejeb eb li ralal xcꞌajol chiru lix dios Moloc. La̱in incꞌaꞌ quinye reheb nak teꞌxba̱nu aꞌan, chi moco quincꞌoxla nak teꞌxba̱nu li ma̱usilal aꞌan li kꞌaxal yibru nak queꞌxcꞌam xbeheb laj Judá chi ma̱cobc.

Ezequiel 20:26

Quincanabeb chixmuxbal ribeb riqꞌuin li mayej queꞌxqꞌue reheb li jalanil dios. Queꞌxqꞌue li xbe̱n ralaleb chokꞌ xcꞌatbil mayej. Quincanabeb chixba̱nunquil chi joꞌcan re nak teꞌxucuak ut teꞌxqꞌue retal nak la̱in li Ka̱cuaꞌ.

Miqueas 6:7

¿Ma ta̱sahokꞌ saꞌ xchꞌo̱l li Ka̱cuaꞌ cui takamayeja nabalak li carner chiru? ¿Ma ta̱sahokꞌ xchꞌo̱l riqꞌuin cui takamayeja chiru nabalak li aceite? ¿Ma takaqꞌue chokꞌ kamayej li xbe̱n kalal re tixcuy kama̱c nak xkakꞌet li ra̱tin? ¿Ma takamayeja li xbe̱n kalal re xtojbal rix li kama̱c?

Levítico 24:15

Ta̱ye reheb laj Israel nak li ani tixmajecua li Dios, tento nak tixtoj rix lix ma̱c.

2 Reyes 17:31

Eb laj aveo queꞌxyi̱b xjalam u̱ch laj Nibhaz ut laj Tartac. Ut eb li queꞌchal Sefarvaim queꞌxcꞌat li ralal xcꞌajoleb chokꞌ xmayejeb re xlokꞌoninquil laj Adramelec ut laj Anamelec li cuib chi xdioseb laj Sefarvaim.

Amós 2:7

Cꞌajoꞌ nak nequeꞌxrahobtesi li tenamit. Chanchan nak nequeꞌxyekꞌi saꞌ chꞌochꞌ li nebaꞌeb ut chanchan nequeꞌxyocosi ru xbeheb li tu̱laneb nak nequeꞌxram chiruheb li ti̱quilal. Li yucuaꞌbej ut li alalbej nequeꞌma̱cob riqꞌuin li jun chi ixk. Ut riqꞌuin li ma̱usilal nequeꞌxba̱nu, nequeꞌxsach xcuanquil lin santil cꞌabaꞌ.