Levítico 18:20 - Li Santil hu

²⁰ Junak cui̱nk incꞌaꞌ naru naxchꞌic rib riqꞌuin li rixakil li ras ri̱tzꞌin. Cui tixba̱nu li ma̱usilal aꞌan, tixmux rib.

Q'eqchi Bible

²⁰ “Matyoklaak chi xk'atq li rixaqil laawas aawiitz'in, chi moko tatwanq rik'in li ixq a'an, re naq ink'a' taamux aawib'.

Levítico 18:20 ပူးပေါင်းရင်းမြစ်များ

Levítico 20:10

Cui junak cui̱nk naxchꞌic rib riqꞌuin li rixakil li ras ri̱tzꞌin, li cui̱nk ut li ixk teꞌcamsi̱k xban nak queꞌxmux ru lix sumlajiqueb.

Éxodo 20:14

Mexmuxuc caxa̱r.

Hebreos 13:4

Us li sumla̱c aban tento che-oxlokꞌi le̱ sumlajic. Ma̱cꞌaꞌ cꞌaꞌru chebalakꞌi cuiꞌ e̱rib. Li Dios ta̱rakok a̱tin saꞌ xbe̱neb li nequeꞌxmux ru lix sumlajiqueb, joꞌ ajcuiꞌ saꞌ xbe̱neb laj coꞌbe̱t laj yumbe̱t.

1 Corintios 6:9

¿Ma incꞌaꞌ nequenau nak eb li incꞌaꞌ ti̱queb xchꞌo̱l incꞌaꞌ teꞌre̱chani lix nimajcual cuanquilal li Dios? Me̱balakꞌi e̱rib. Eb laj coꞌbe̱t ut eb laj yumbe̱t incꞌaꞌ teꞌre̱chani lix nimajcual cuanquilal li Dios, chi moco li nequeꞌlokꞌonin re li jalanil dios, chi moco eb laj muxul caxa̱r. Ut eb li cui̱nk li nequeꞌma̱cob riqꞌuineb li rech cui̱nkilal incꞌaꞌ ajcuiꞌ teꞌre̱chani lix nimajcual cuanquilal li Dios. Joꞌcan nak me̱balakꞌi e̱rib chi xcꞌoxlanquil nak us yo̱quex cui toj yo̱quex chixba̱nunquil li ma̱usilal aꞌin.

Deuteronomio 5:18

Mexmuxuc caxa̱r.

Gálatas 5:19

Cutan saken cꞌaꞌru li incꞌaꞌ us li nakarahi ru xba̱nunquil kajunes. Aꞌan eb aꞌin: muxuc caxa̱r, coꞌbe̱tac yumbe̱tac, ut li xuta̱nalil naꞌleb,

Romanos 2:22

La̱at nacaye nak incꞌaꞌ us li muxuc caxa̱r. ¿Cꞌaꞌut nak toj nacatmuxuc caxa̱r la̱at? Cui xicꞌ nacacuil eb li yi̱banbil dios, ¿cꞌaꞌut nak nacatxic chi elkꞌac saꞌ li rochocheb?

Malaquías 3:5

Li Ka̱cuaꞌ li nimajcual Dios quixye: —La̱in tincha̱lk chi rakoc a̱tin saꞌ e̱be̱n. La̱in tinyehok re nak cuan xma̱queb li nequeꞌtu̱lac, joꞌqueb ajcuiꞌ li nequeꞌmuxuc caxa̱r, joꞌqueb ajcuiꞌ li nequeꞌxpatzꞌ lin cꞌabaꞌ yal riqꞌuin ticꞌtiꞌ. Ut la̱in ajcuiꞌ tinyehok re nak cuan ajcuiꞌ xma̱queb li incꞌaꞌ nequeꞌxtoj chi tzꞌakal laj cꞌanjel, joꞌqueb ajcuiꞌ li nequeꞌrahobtesin reheb li xma̱lcaꞌan ut eb li nequeꞌrahobtesin reheb li ma̱cꞌaꞌ xnaꞌ xyucuaꞌ, joꞌqueb ajcuiꞌ li nequeꞌxba̱nu raylal reheb li jalaneb xtenamit, chi moco nequeꞌxxucua cuu la̱in, chan li Ka̱cuaꞌ li kꞌaxal nim xcuanquil.

Proverbios 6:25

Me̱ra ruheb li ixk aꞌan yal xban lix chꞌinaꞌusaleb. Ut me̱qꞌue e̱rib chixbalakꞌiheb yal xban li riloba̱leb.

2 Samuel 11:27

Nak quinumeꞌ lix rahil xchꞌo̱l, laj David quixtakla xcꞌambal lix Betsabé saꞌ rochoch. Ut lix Betsabé quicana chokꞌ rixakil laj David. Quiyoꞌla jun lix cꞌulaꞌal chꞌina te̱lom. Abanan incꞌaꞌ quicuulac chiru li Ka̱cuaꞌ li cꞌaꞌru quixba̱nu laj David.

Deuteronomio 22:25

Abanan cui junak cui̱nk tixtau saꞌ cꞌaleba̱l junak xkaꞌal ac tzꞌa̱manbil ut tixchap chi pue̱rs ut ta̱cua̱nk riqꞌuin, li cui̱nk aꞌan ta̱camsi̱k.

Deuteronomio 22:22

Cui junak cui̱nk natauheꞌ chi cua̱rc riqꞌuin junak ixk ac sumsu, teꞌcamsi̱k chi xcabichaleb. Chi joꞌcaꞌin ta̱sachma̱nk li ma̱usilal saꞌ e̱ya̱nk la̱ex aj Israel.

Números 5:13

Ma̱re li ixk ta̱cua̱nk riqꞌuin junak cui̱nk chi incꞌaꞌ naxnau lix be̱lom ut ma̱ ani ta̱naꞌok re xban nak ma̱ ani ta̱ilok re.

Ezequiel 18:6

Incꞌaꞌ naxlokꞌoniheb li yi̱banbil dios li cuanqueb Israel, chi moco naxcuaꞌ li tzacae̱mk mayejanbil saꞌ li tzu̱l. Incꞌaꞌ naxchꞌic rib riqꞌuin rixakil li ras ri̱tzꞌin, chi moco nacuan riqꞌuin li rixakil nak yo̱ xyajel re li po.