Levítico 18:16 - Li Santil hu

¹⁶ Junak cui̱nk incꞌaꞌ naru naxchꞌic rib riqꞌuin li rixakil li ras. Incꞌaꞌ naru tixcꞌut xxuta̱n li ras.

Q'eqchi Bible

¹⁶ “Maamux xwankilal laawas aawiitz'in rik'in xmuxb'al li rixaqil.

Levítico 18:16 ပူးပေါင်းရင်းမြစ်များ

Deuteronomio 25:5

Cui cuibak cui̱nk cuanqueb saꞌ jun chi cab, ut li jun ta̱ca̱mk ut tixcanab li rixakil chi ma̱cꞌaꞌ ralal xcꞌajol, li ixk aꞌan tento ta̱cꞌamekꞌ xban li ri̱tzꞌin li camenak re nak ta̱cua̱nk ralal xcꞌajol saꞌ xcꞌabaꞌ li camenak. Incꞌaꞌ ta̱sumla̱k li ixk riqꞌuin junak ma̱cuaꞌ xcomon li camenak.

Levítico 20:21

Cui junak cui̱nk tixchꞌic rib riqꞌuin li rixakil li ras malaj ut li rixakil li ri̱tzꞌin, li cuib aꞌan teꞌca̱mk chi ma̱cꞌaꞌ ralal xcꞌajoleb. Li cui̱nk aꞌan quixmux rib ut quixcꞌut xxuta̱n li ras malaj ut li ri̱tzꞌin.

San Marcos 12:19

—At tzolonel, laj Moisés quixtzꞌi̱ba jun kachakꞌrabinquil ut quixye chi joꞌcaꞌin: Cui junak cui̱nk ta̱ca̱mk ut tixcanab li rixakil chi ma̱cꞌaꞌ ralal xcꞌajol, tento nak ta̱cꞌamekꞌ li rixakil xban li ri̱tzꞌin li camenak re nak ta̱cua̱nk ralal xcꞌajol saꞌ xcꞌabaꞌ li camenak.

San Mateo 22:24

Queꞌxye re li Jesús: —At tzolonel, laj Moisés quixtzꞌi̱ba jun li chakꞌrab ut quixye chi joꞌcaꞌin: Cui junak cui̱nk ta̱ca̱mk ut tixcanab li rixakil chi ma̱cꞌaꞌ ralal xcꞌajol, ta̱cꞌamekꞌ li rixakil xban li ri̱tzꞌin li camenak re nak ta̱cua̱nk ralal xcꞌajol saꞌ xcꞌabaꞌ li camenak.

San Lucas 3:19

Ut laj Herodes, li nataklan saꞌ li tenamit Galilea, quikꞌuseꞌ chi cau xban laj Juan xban nak quixcꞌam chokꞌ rixakil lix Herodías, li rixakil laj Felipe li ri̱tzꞌin. Ut quikꞌuseꞌ ajcuiꞌ riqꞌuin chixjunil li ma̱usilal naxba̱nu.

San Marcos 6:17

Quixye chi joꞌcan xban nak aꞌan quitaklan re xchapbal laj Juan. Queꞌxbacꞌ ut queꞌxqꞌue saꞌ tzꞌalam. Quixba̱nu chi joꞌcan xban nak joꞌcan quiraj lix Herodías. Lix Herodías aꞌan rixakil laj Felipe, ri̱tzꞌin laj Herodes ut laj Herodes quixcꞌam chokꞌ rixakil.