Levítico 17:4 - Li Santil hu

⁴ ut cui incꞌaꞌ tixcꞌam chiru li oqueba̱l re li tabernáculo re tixmayeja chiru li Ka̱cuaꞌ, li cui̱nk aꞌan cua̱nk xma̱c xban nak quicamsin. Ta̱cana̱k joꞌ jun aj camsinel. Tento nak ta̱isi̱k saꞌ xya̱nkeb laj Israel xban nak quirisi xquiqꞌuel li xul.

Q'eqchi Bible

⁴ wi ink'a' tixk'am chaq sa' rokeb'aal li Loq'laj Muheb'aal re xmayejankil re li Qaawa' chiru li xLoq'laj Na'aj, li winq a'an wanq xmaak xb'aan naq xkamsink. Tento taa'isiiq sa' xyanqeb' li rech tenamitul, xb'aan naq xhoy xkik'el li xul.

Levítico 17:4 ပူးပေါင်းရင်းမြစ်များ

San Juan 14:6

Li Jesús quixye re: —La̱in aj cꞌamol be che̱ru. La̱in ninchꞌolob lix ya̱lal li Dios ut la̱in ninqꞌuehoc junelic yuꞌam. Ma̱ ani ta̱ru̱k ta̱oc riqꞌuin lin Yucuaꞌ cui incꞌaꞌ tinixpa̱b la̱in.

San Juan 10:9

La̱in li oqueba̱l. Chixjunileb li nequeꞌpa̱ban cue la̱in, teꞌcolekꞌ ut la̱in tin-ilok reheb. Chanchaneb li carner li nequeꞌoc ut nequeꞌel ut nequeꞌxtau lix cuaheb.

San Juan 10:7

Joꞌcan nak li Jesús quixye cuiꞌchic reheb: —Relic chi ya̱l ninye e̱re, La̱in li oqueba̱l reheb li teꞌpa̱ba̱nk cue.

Ezequiel 20:40

Abanan mokon che̱junilex la̱ex aj Israel tine̱lokꞌoni saꞌ lin santil naꞌajej saꞌ li tzu̱l Sión li cuan aran Israel. Ta̱sahokꞌ inchꞌo̱l e̱riqꞌuin xban nak che̱junilex texcꞌanjelak chicuu. La̱in tinye e̱re nak te̱cꞌam le̱ mayej chicuu ut la̱in tincꞌul. Te̱cꞌam chak cue li xbe̱n ru le̱ racui̱mk ut li cꞌaꞌru lokꞌ che̱ru.

Isaías 66:3

Eb aꞌan queꞌxsicꞌ ru li cꞌaꞌru queꞌraj xba̱nunquil ut aꞌ chic li ma̱usilal queꞌxra. Incꞌaꞌ tincꞌul lix mayejeb. Cui teꞌxcamsi li toro re teꞌxmayeja chicuu, chanchan nak teꞌxcamsi li ras ri̱tzꞌin. Ut cui teꞌxcamsi li carner, chanchan nak teꞌxtok xcux li tzꞌiꞌ. Ut nak teꞌxmayeja li ru li trigo, chanchan nak teꞌxmayeja xquiqꞌuel li a̱k chicuu. Nak teꞌxcꞌat lix pom chicuu, chanchan nak yo̱queb chixlokꞌoninquil li jalanil dios.

Génesis 17:14

Cui junak cui̱nk incꞌaꞌ tixcꞌul li circuncisión, aꞌan tzꞌekta̱nanbilak xban nak aꞌan xkꞌet lin chakꞌrab, chan li Dios.

Romanos 5:20

Li chakꞌrab quiqꞌueheꞌ re xcꞌutbal nak numtajenak li ma̱c. Ut nak quinumta li ma̱c, kꞌaxal cuiꞌchic quinumta li rusilal li Dios saꞌ xbe̱n li ma̱c.

Romanos 5:13

Nak toj ma̱jiꞌ quiqꞌueheꞌ li chakꞌrab re laj Moisés, ac cuan li ma̱c saꞌ ruchichꞌochꞌ. Aban incꞌaꞌ nayeman nak cuanqueb xma̱c xban nak toj ma̱cꞌaꞌ li chakꞌrab re xcꞌutbal chiruheb nak aꞌan eb aj ma̱c.

Romanos 4:6

Laj David quixye nak us xak re li naxma̱tani xti̱quilal xchꞌo̱l riqꞌuin li Dios chi ma̱cuaꞌ xban xyehom xba̱nuhom. Yal chi ma̱tan ban naxcꞌul lix ti̱quilal xchꞌo̱l.

Salmos 32:2

Us xak re li ani incꞌaꞌ nabalakꞌic, li nayeheꞌ re xban li Dios nak ma̱cꞌaꞌ xma̱c.

Levítico 20:18

Cui junak cui̱nk tixchꞌic rib riqꞌuin junak ixk nak yo̱ xyajel re li po, yo̱queb chixcꞌutbal xxuta̱neb. Ut li ixk xqꞌue chi naꞌecꞌ li cꞌaꞌru yo̱ chixcꞌulbal. Chixcabichaleb teꞌisi̱k saꞌ xya̱nkeb laj Israel.

Levítico 20:16

Cui junak ixk tixchꞌic rib riqꞌuin junak xul, li ixk aꞌan ta̱camsi̱k ut ta̱camsi̱k ajcuiꞌ li xul. Ut eb aꞌan cuanqueb xma̱c nak teꞌcamsi̱k.

Levítico 20:3

La̱in tinjoskꞌokꞌ saꞌ xbe̱n li cui̱nk li tixqꞌue li ralal xcꞌajol chokꞌ xmayej re xlokꞌoninquil li yi̱banbil dios Moloc. Riqꞌuin aꞌan teꞌxmux ru lin tabernáculo ut teꞌxmux ajcuiꞌ ru lin santil cꞌabaꞌ. Cui teꞌxba̱nu chi joꞌcan, la̱in tincuisiheb saꞌ xya̱nkeb laj Israel.

Levítico 18:29

Li ani tixba̱nu eb li ma̱usilal aꞌin ta̱isi̱k saꞌ xya̱nkeb laj Israel.

Levítico 17:14

Li quicꞌ, aꞌan xyuꞌam ut xmetzꞌe̱u li tibelej. Joꞌcan nak li Ka̱cuaꞌ quixye reheb laj Israel nak incꞌaꞌ naru teꞌxtzaca li quicꞌ. Cui junak tixtzaca li quicꞌ, li jun aꞌan ta̱isi̱k saꞌ xya̱nkeb laj Israel.

Levítico 17:10

Cui junak aj Israel, malaj ut junak jalan xtenamit cua̱nk saꞌ e̱ya̱nk, tixtiu li quicꞌ, la̱in tinjoskꞌokꞌ riqꞌuin ut tincuisi aꞌan saꞌ e̱ya̱nk la̱ex aj Israel.

Levítico 7:18

Incꞌaꞌ naru xtzacanquil li tib li ac oxib cutan xmayejanquil. Cui natzaca̱c, li mayej aꞌan incꞌaꞌ ta̱cꞌulekꞌ. Ta̱tzꞌekta̱na̱k xban li Dios. Ut li ani ta̱tzaca̱nk re cua̱nk xma̱c chiru li Dios.

Levítico 1:3

Cui cuacax teꞌxqꞌue chokꞌ xcꞌatbil mayej, tento nak teꞌxqꞌue li toro tzꞌakalak re ru. Ut teꞌxqꞌue joꞌ na-ala saꞌ xchꞌo̱leb. Teꞌxcꞌam lix mayej chiru li Ka̱cuaꞌ saꞌ li oqueba̱l re li tabernáculo li nequeꞌxchꞌutub cuiꞌ ribeb li tenamit chixlokꞌoninquil li Dios.

Éxodo 12:19

Cuukub cutan tzꞌakal ma̱cꞌaꞌak li caxlan cua li cuan xchꞌamal saꞌ le̱ rochoch. Li ani ta̱cuaꞌok li caxlan cua li cuan xchꞌamal usta yal numecꞌ yo̱ saꞌ e̱ya̱nk, aꞌan ta̱isi̱k saꞌ e̱ya̱nk la̱ex aj Israel.

Éxodo 12:15

Chiru cuukub cutan yo̱kex chi ninkꞌei̱k. Saꞌ li xbe̱n cutan te̱risi saꞌ le̱ rochoch chixjunil li naxqꞌue chi si̱pocꞌ li caxlan cua. Re li cuukub cutan li caxlan cua li te̱cuaꞌ, aꞌan xcomon li ma̱cꞌaꞌ xchꞌamal. Ut cui junak cristian tixcuaꞌ li caxlan cua xcomon li cuan xchꞌamal, li cristian aꞌan ta̱isi̱k saꞌ e̱ya̱nk.

Levítico 17:3

Yalak ani reheb laj Israel tixcamsi junak toro, junak carner toj sa̱j, malaj ut junak chiba̱t chi saꞌ li naꞌajej li cuanqueb cuiꞌ li muheba̱leb malaj ut chirix,

Levítico 17:5

Li chakꞌrab aꞌin qꞌuebil reheb laj Israel re nak incꞌaꞌ teꞌmayejak yalak bar saꞌ li cꞌaleba̱l. Teꞌxcꞌam riqꞌuin laj tij lix mayejeb re xcꞌambaleb rib saꞌ usilal riqꞌuin li Dios. Ut laj tij tixmayeja li xul chiru li Dios chiru li oqueba̱l re li tabernáculo saꞌ xcꞌabaꞌeb li cristian.

Levítico 17:9

Cui ut incꞌaꞌ tixcꞌam saꞌ li oqueba̱l re li tabernáculo re tixmayeja chiru li Dios, li jun aꞌan ta̱isi̱k saꞌ e̱ya̱nk la̱ex aj Israel.

Éxodo 30:33

Cui ani tixyi̱b jun chic li aceite joꞌ aꞌin, li jun aꞌan ta̱isi̱k saꞌ xya̱nkeb laj Israel. Ut cui ani tixqꞌue saꞌ xbe̱n junak li ma̱cuaꞌ aj tij, aꞌan ta̱isi̱k ajcuiꞌ saꞌ xya̱nkeb laj Israel.

Éxodo 30:38

Cui ani tixyi̱b junak chic incienso joꞌ aꞌin yal re ta̱rutzꞌ, li jun aꞌan ta̱isi̱k saꞌ xya̱nkeb laj Israel.

Levítico 3:2

Li ani tixqꞌue lix mayej cuacax, tento nak tixqꞌue li rukꞌ saꞌ xjolom ut tixcamsi saꞌ li oqueba̱l re li tabernáculo. Ut eb laj tij teꞌxrachrachi lix quiqꞌuel saꞌ xbe̱n li artal ut chixjun sutam.

Deuteronomio 21:8

At Ka̱cuaꞌ, chacuy xma̱queb la̱ tenamit Israel li cacuisiheb chak Egipto. Ma̱qꞌue taxak saꞌ kabe̱n lix camic li cui̱nk aꞌin li ma̱cꞌaꞌ xma̱c. Ut riqꞌuin li teꞌxba̱nu tojbil chic rix lix camic li cui̱nk.”