Levítico 17:15 - Li Santil hu

¹⁵ Cui junak naxtzaca xtibel li xul li yal nacam xjunes malaj ut quicamsi̱c xban joskꞌ aj xul, li jun aꞌan xmux rib, usta aj Israel usta jalan xtenamit. Tento nak ta̱ati̱nk ut tixpuchꞌ li rakꞌ. Ut muxbil ru ta̱cana̱k toj ta̱oc li kꞌojyi̱n. Riqꞌuin aꞌan santobresinbilak chic.

Q'eqchi Bible

¹⁵ “Yalaq ani sa' xyanqeb' laj Israel malaj aj ab'l tenamit taatzekanq re xtib'el kamenaqil xul malaj ut t'upinb'il xb'aan junaq josq' aj xul, tento tixpuch' li raq' ut taa'atinq. Ut taayeemanq naq tz'ajn ru toj reetal taa'ok li q'oqyink. Toj moqon chik taakanaaq chi ch'ajob'resinb'il.

Levítico 17:15 ပူးပေါင်းရင်းမြစ်များ

Deuteronomio 14:21

Incꞌaꞌ naru te̱tzaca xtibel li xul li nacam yal xjunes. Naru te̱qꞌue reheb li jalaneb xtenamit li cuanqueb saꞌ e̱ya̱nk ut eb aꞌan naru teꞌxtzaca. Malaj ut naru te̱cꞌayi reheb li jalan xtenamit li yo̱queb chi numecꞌ saꞌ le̱ naꞌaj. Incꞌaꞌ naru te̱tzaca xtibel li xul aꞌan xban nak la̱ex jun santil tenamit chiru li Ka̱cuaꞌ le̱ Dios. Ut me̱chik xtibel li chꞌina chiba̱t saꞌ xyaꞌal xtuꞌ lix naꞌ.

Levítico 22:8

Incꞌaꞌ naru tixtzaca xtibel li xul li yal xcam chi joꞌcan, chi moco tixtzaca xtibel li xul li quicamsi̱c xban joskꞌ aj xul. Cui tixtzaca, tixmux rib. La̱in li Ka̱cuaꞌ ninyehoc re aꞌin.

Éxodo 22:31

La̱ex lin tenamit. Joꞌcan nak chexcua̱nk saꞌ santilal ut me̱tiu xtibel li xul li nacamsi̱c xbaneb li joskꞌ aj xul li cuanqueb saꞌ qꞌuicheꞌ. Qꞌuehomak ban chixtiuheb li tzꞌiꞌ.

Levítico 11:25

Li ani tixcuaclesi li camenak xul aꞌin, tento nak tixpuchꞌ li rakꞌ ut li jun aꞌan muxbil chic ru ta̱cana̱k toj ta̱oc li kꞌojyi̱n.

Apocalipsis 7:14

Ut la̱in quinchakꞌoc ut quinye re: —Ka̱cuaꞌ, la̱at nacatnaꞌoc re.— Ut aꞌan quixye cue: —Aꞌaneb aꞌin li xeꞌcuyuc chak xnumsinquil li nimla raylal xeꞌxcꞌul. Aꞌaneb li cuybil sachbil lix ma̱queb xban nak quihoyeꞌ xquiqꞌuel li Jun li chanchan carner nak quicam saꞌ xcꞌabaꞌeb.

Ezequiel 44:31

Eb laj tij incꞌaꞌ teꞌxtiu xtibel li xul li narupupic malaj ut jalan xul, cui yal camsinbil xban xul malaj ut yal nacam xjunes, chan.

Ezequiel 4:14

Ut la̱in quinye: —At Ka̱cuaꞌ, at inDios, la̱in ma̱ jun sut quinmux cuib. Chalen saꞌ incaꞌchꞌinal ut toj chalen anakcuan ma̱ jun cua xintzaca lix tibel li xul li yal quicam xjunes, chi moco li camsinbil xban joskꞌ aj xul. Ma̱ jun cua xintzaca li tzacae̱mk muxbil, chanquin.

Levítico 15:5

Ut muxbilak ru li ani ta̱chꞌeꞌok re li cuarib aꞌan. Tento nak ta̱ati̱nk ut tixpuchꞌ li rakꞌ ut muxbil ru ta̱cana̱k toj ta̱oc li kꞌojyi̱n.

Números 19:21

Aꞌin jun li chakꞌrab tento te̱ba̱nu chalen anakcuan ut chi junelic. Ut li ani narachrachin li haꞌ re santobresi̱c, tento nak tixpuchꞌ li rakꞌ. Ut li ani ta̱chꞌeꞌok re li haꞌ re santobresi̱c muxbilak chic ru ta̱cana̱k toj ta̱ecuu̱k.

Números 19:19

Li cui̱nk li incꞌaꞌ muxbil ru tixrachrachi li haꞌ saꞌ xbe̱n li muxbil ru saꞌ li rox cutan ut saꞌ li xcuuk li cutan. Saꞌ li xcuuk li cutan ta̱santobresi̱k li muxbil ru. Tento nak tixpuchꞌ li rakꞌ ut ta̱ati̱nk re nak santobresinbilak chic nak ta̱oc li kꞌojyi̱n.

Números 19:8

Joꞌcan ajcuiꞌ ani ta̱cꞌatok re li cuacax, tento nak tixpuchꞌ li rakꞌ ut ta̱ati̱nk. Ut aꞌan muxbilak ajcuiꞌ ru toj ta̱ecuu̱k.

Levítico 15:21

Li ani ta̱chꞌeꞌok re lix cuarib li ixk nak yo̱ xyajel re li po, tento nak ta̱ati̱nk ut tixpuchꞌ li rakꞌ ut muxbilak ru toj ta̱oc li kꞌojyi̱n.

Levítico 15:10

Cui junak naxchꞌeꞌ li cꞌaꞌak re ru quicuan rubel li cui̱nk aꞌan, li ani xchꞌeꞌoc re muxbil chic ru. Ut muxbil ajcuiꞌ ru li ani ta̱cꞌamok re li cꞌaꞌak re ru aꞌin. Tento nak ta̱ati̱nk ut tixpuchꞌ li rakꞌ ut muxbil ru ta̱cana̱k toj ta̱oc li kꞌojyi̱n.

Levítico 7:24

Chi moco naru teꞌxtzaca lix xe̱bul li xul li yal nacam, chi moco naru teꞌxtzaca lix xe̱bul li xul li nacamsi̱c xban joskꞌ aj xul. Naru nequeꞌxsicꞌ jalan xcꞌanjel li xe̱b aꞌan.

Levítico 11:40

Ut cui junak tixtiu xtibel li camenak xul, li jun aꞌan tento nak tixpuchꞌ li rakꞌ. Abanan muxbilak ru ta̱cana̱k toj ta̱oc li kꞌojyi̱n. Ut li ani tixpako li camenak xul tixmux rib. Tento nak tixpuchꞌ li rakꞌ ut muxbilak ru ta̱cana̱k toj ta̱oc li kꞌojyi̱n.

Éxodo 22:30

Joꞌcan ajcuiꞌ te̱ba̱nu riqꞌuin li xbe̱n ral le̱ cuacax ut riqꞌuin li xbe̱n ral le̱ carner. Cuukub cutan teꞌcua̱nk riqꞌuin lix naꞌ ut saꞌ lix cuakxak cutan te̱kꞌaxtesi cue la̱in.

Levítico 11:24

Cuanqueb li xul camenak incꞌaꞌ naru te̱chꞌeꞌ. Cui te̱chꞌeꞌ, te̱mux e̱rib ut muxbil chic ru texcana̱k toj ta̱oc li kꞌojyi̱n.

Levítico 11:27

Incꞌaꞌ naru te̱tzaca li xul li cuanqueb ca̱hib li rok cui nequeꞌbe̱c tzꞌakal saꞌ xyi li rokeb. Li ani ta̱chꞌeꞌok re junak li camenak xul xcomoneb aꞌan, muxbil chic ru ta̱cana̱k toj ta̱oc li kꞌojyi̱n.

Levítico 11:28

Li ani tixcuaclesi junak li camenak xul xcomoneb aꞌan, tento nak tixpuchꞌ li rakꞌ ut li jun aꞌan muxbil chic ru ta̱cana̱k toj ta̱oc li kꞌojyi̱n.

Levítico 11:31

Aꞌaneb aꞌin li xul li incꞌaꞌ naru te̱tzaca xcomoneb li nequeꞌbe̱c saꞌ chꞌochꞌ. Li ani ta̱chꞌeꞌok re jun li camenak xul xcomoneb aꞌan muxbil chic ru ta̱cana̱k toj ta̱oc li kꞌojyi̱n.

Levítico 11:32

Ut cui li camenak xul ta̱tꞌanekꞌ saꞌ xbe̱n li cꞌaꞌ re ru, li quinak cuiꞌ muxbilak chic ru, usta cheꞌ, usta tꞌicr, usta tzꞌu̱m, usta kꞌes ru tꞌicr ut yalak cꞌaꞌru chi cꞌanjeleba̱l. Muxbilak chic ru ta̱cana̱k toj ta̱oc li kꞌojyi̱n. Ut tento nak ta̱qꞌuehekꞌ saꞌ haꞌ re nak incꞌaꞌ chic muxbilak ru.

Levítico 11:39

Cui junak li xul ta̱ca̱mk xcomoneb li nequetiu, li ani ta̱chꞌeꞌok re tixmux rib. Ut muxbilak ru ta̱cana̱k toj ta̱oc li kꞌojyi̱n.