Levítico 16:6 - Li Santil hu

⁶ Ut laj Aarón tixmayeja li cuacax toro re xtojbal rix lix ma̱c aꞌan ut re ajcuiꞌ xtojbal rix lix ma̱queb li cuanqueb saꞌ li rochoch.

Q'eqchi Bible

⁶ Toja' naq tixyeechi'i li saaj wakax jo' tz'aqal xmayej chirix li maak, re naq taakuye'q xmaak jo'wi' xmaakeb' li xjunkab'al.

Levítico 16:6 ပူးပေါင်းရင်းမြစ်များ

Hebreos 9:7

Aban saꞌ lix cab tasal caꞌaj cuiꞌ li xyucuaꞌil aj tij na-oc jun sut chiru li jun chihab. Ut nak na-oc saꞌ li Lokꞌlaj Santil Naꞌajej aꞌan, naxcꞌam xquiqꞌuel li xul ut naxmayeja re ta̱cuyekꞌ lix ma̱c aꞌan ut re ajcuiꞌ nak ta̱cuyekꞌ xma̱queb li tenamit.

Levítico 9:7

Ut laj Moisés quixye re laj Aarón: —Jilon chak riqꞌuin li artal ut ta̱qꞌue la̱ mayej re xtzꞌa̱manquil xcuybal la̱ ma̱c ut ta̱qꞌue li cꞌatbil mayej re xtojbal rix la̱ ma̱c ut lix ma̱queb li tenamit. Ta̱qꞌue lix mayejeb li tenamit re xtzꞌa̱manquil xcuybal lix ma̱queb joꞌ quixye li Ka̱cuaꞌ, chan.

Hebreos 7:27

Li Jesucristo ma̱cuaꞌ joꞌqueb lix yucuaꞌileb aj tij li queꞌcuan saꞌ xya̱nkeb laj Israel. Eb aꞌan cuulaj cuulaj nequeꞌxmayeja li xul re xtojbal rix lix ma̱queb joꞌ ajcuiꞌ lix ma̱queb li tenamit. Aban li Jesucristo jun sut ajcuiꞌ quixmayeja rib re xtojbal rix li kama̱c.

Ezequiel 43:27

Nak ac xeꞌnumeꞌ li cutan aꞌin, saꞌ li xcuakxak li cutan eb laj tij teꞌxtiquib xmayejanquil saꞌ xbe̱n li artal li xul li te̱qꞌue chokꞌ cꞌatbil mayej. Ut te̱mayeja li xul re xcꞌambal e̱rib saꞌ usilal cuiqꞌuin. Ut la̱in tincꞌul le̱ mayej chi sa saꞌ inchꞌo̱l, chan li Ka̱cuaꞌ.

Ezequiel 43:19

Te̱qꞌue jun li toro toj sa̱j reheb laj tij re xtzꞌa̱manquil xcuybal li ma̱c. Eb laj tij, aꞌaneb aj levita xcomoneb li ralal xcꞌajol laj Sadoc. Aꞌaneb li teꞌcꞌanjelak chicuu chokꞌ aj tij.

Li xHu LAJ JOB 1:5

Nak nequeꞌrakeꞌ chi ninkꞌei̱c, laj Job naxqꞌue lix cꞌatbil mayej re xsantobresinquileb li ralal xcꞌajol. Nacuacli toj ekꞌela ut naxqꞌue lix mayej aꞌ yal jarub li ralal xcꞌajol cuan. —Ma̱re eb li cualal incꞌajol queꞌma̱cob ut queꞌxmajecua li Dios saꞌ xchꞌo̱leb, chan laj Job. Ut rajlal naxba̱nu chi joꞌcan.

Hebreos 9:12

Li Ka̱cuaꞌ Jesucristo co̱ saꞌ li Lokꞌlaj Santil Naꞌajej saꞌ choxa. Aꞌan incꞌaꞌ quixmayeja xquiqꞌuel li chiba̱t chi moco ral cuacax. Quixmayeja ban lix lokꞌlaj quiqꞌuel. Jun sut ajcuiꞌ quixmayeja rib re xqꞌuebal li kacolbal chi junelic.

Levítico 16:3

Nak ta̱oc laj Aarón cuan cuiꞌ li tabernáculo, tento nak tixcꞌam jun cuacax te̱lom li ta̱mayeja̱k re xtzꞌa̱manquil xcuybal li ma̱c. Ut tixcꞌam ajcuiꞌ jun li carner te̱lom chokꞌ re li cꞌatbil mayej.

Levítico 16:7

Ut chirix aꞌan tixcꞌam li cuib chi te̱lom chiba̱t ut tixkꞌaxtesi re li Ka̱cuaꞌ chiru li oqueba̱l re li tabernáculo.