Levítico 16:4 - Li Santil hu

⁴ Tento nak tixqꞌue chirix li rakꞌ lino li kꞌaxtesinbil re li Dios, li narocsi laj tij. Tixqꞌue li rakꞌ li nim rok. Tixqꞌue ajcuiꞌ lix ta lix cue̱x. Tixqꞌue lix cꞌa̱mal xsaꞌ ut tixqꞌue ajcuiꞌ lix tꞌicr xbacꞌbal xjolom. Li tꞌicr aꞌin ac kꞌaxtesinbil re li Dios. Joꞌcan nak ta̱ati̱nk xbe̱n cua, tojoꞌnak tixqꞌue li rakꞌ chirix.

Q'eqchi Bible

⁴ Tento tixk'e li loq'laj jut-aq' chirix, a' li yiib'anb'il rik'in liin, wanq li xyach' yiib'anb'il rik'in liin; tixk'e ajwi' xk'aamal xsa' ut xb'ak'b'al xjolom liin. Li aq'ej a'in a'an loq'; jo'kan naq toj xb'enwa taa'atinq, toja' naq tixk'e chirix.

Levítico 16:4 ပူးပေါင်းရင်းမြစ်များ

Éxodo 30:20

Nak teꞌoc saꞌ li tabernáculo tento nak teꞌchꞌajok re nak incꞌaꞌ teꞌca̱mk. Joꞌcan ajcuiꞌ nak teꞌoc chiru li artal chixcꞌatbal li mayej chicuu la̱in li Ka̱cuaꞌ.

Hebreos 7:26

Li Ka̱cuaꞌ Jesucristo, aꞌan li tzꞌakal xyucuaꞌil aj tij. Ut aꞌan li natenkꞌan ke chi tzꞌakal. Moco juntakꞌe̱t ta lix yuꞌam riqꞌuineb laj ma̱c. Li Jesucristo santo ut ma̱cꞌaꞌ xma̱c. Aꞌan co̱ saꞌ choxa ut aran quiqꞌueheꞌ xnimal xlokꞌal.

Levítico 6:10

Laj tij tixqꞌue li akꞌej lino chirix. Tixqꞌue lix ta lix cue̱x. Nak ac x-osoꞌ xcꞌatic li mayej, ta̱risi li cha li cuan saꞌ xbe̱n li artal ut tixqꞌue chixcꞌatk li artal.

Hebreos 10:22

Joꞌcan nak chikaqꞌue kib rubel xcuanquil li Dios chi anchal kachꞌo̱l ut chi ma̱cꞌaꞌak kaxiu xban nak nakecꞌa nak ma̱cꞌaꞌ chic li kama̱c. Chꞌajbil chic li ka̱m xban xquiqꞌuel li Jesucristo ut cubsinbil chic kahaꞌ.

Hebreos 2:14

Ya̱l nak la̱o ut li Jesucristo junaj li kachoxahil Yucuaꞌ. Li Jesucristo quitzꞌejcualoꞌ joꞌ la̱o. Quicuan xquiqꞌuel. Quicuan xbakel ut xtibel. Li Jesucristo quicam. Riqꞌuin lix camic, li Ka̱cuaꞌ Jesucristo quixsach xcuanquil laj tza, xban nak saꞌ xcꞌabaꞌ laj tza nak cuan li ca̱mc.

Filipenses 2:7

Quixcanab ban lix lokꞌal nak quicꞌulun saꞌ ruchichꞌochꞌ. Tzꞌakal cui̱nk joꞌ la̱o nak quiyoꞌla saꞌ ruchichꞌochꞌ ut quicꞌanjelac saꞌ kaya̱nk.

San Lucas 1:35

Li ángel quixye re: —Riqꞌuin xcuanquil li Santil Musikꞌej tatcana̱k chi yaj aj ixk. Lix cuanquil li nimajcual Dios ta̱cua̱nk a̱cuiqꞌuin. Ut li cꞌulaꞌal li ta̱yoꞌla̱k, aꞌan santo ut tzꞌakal ralal li Dios.

Isaías 53:2

Li Ka̱cuaꞌ quiraj nak laj cꞌanjel chiru ta̱qꞌui̱k joꞌ jun xtux cheꞌ li cuan xxeꞌ saꞌ li chaki chꞌochꞌ. Moco chꞌinaꞌus ta na-iloc chi moco xchakꞌal ta ru. Takil ru abanan ma̱cꞌaꞌ takaj re.

Levítico 16:24

Ut saꞌ ajcuiꞌ li naꞌajej aꞌan ta̱ati̱nk ut tixqꞌue li rakꞌ jun chic chirix. Ut ta̱e̱lk chak saꞌ li Santil Naꞌajej re tixqꞌue lix cꞌatbil mayej re xtojbal rix lix ma̱c aꞌan ut re ajcuiꞌ xtojbal rix lix ma̱queb li tenamit.

Éxodo 40:12

Tojoꞌnak ta̱cꞌameb laj Aarón rochbeneb li ralal chiru li oqueba̱l re li tabernáculo. Ut aran ta̱chꞌajeb riqꞌuin haꞌ.

Éxodo 29:4

Chirix aꞌan ta̱cꞌameb laj Aarón rochben li ralal saꞌ li oqueba̱l re li tabernáculo ut ta̱qꞌueheb chi ati̱nc.

Éxodo 28:2

Ta̱yi̱b li rakꞌ laj Aarón la̱ cuas chi cha̱bil xyi̱banquil. Riqꞌuin li rakꞌ aꞌan ta̱cꞌutu̱nk nak aꞌan laj tij ut lokꞌ lix cꞌanjel.

Levítico 16:23

Ut chirix aꞌan, ta̱oc laj Aarón saꞌ li tabernáculo. Ta̱risi li rakꞌ lino li quixqꞌue chirix nak qui-oc saꞌ li Lokꞌlaj Santil Naꞌajej ut tixcanab aran.

Levítico 16:32

Laj tij, li xakabanbil chokꞌ xyucuaꞌileb laj tij saꞌ xnaꞌaj lix yucuaꞌ ut qꞌuebil saꞌ xjolom li aceite, aꞌan li ta̱qꞌuehok re li mayej re xtojbal rix lix ma̱queb li tenamit. Aꞌan ta̱rocsi li rakꞌeb laj tij yi̱banbil riqꞌuin lino, li ac kꞌaxtesinbil chiru li Ka̱cuaꞌ Dios.

Ezequiel 9:2

Ut quicuil nak queꞌchal cuakibeb li cui̱nk cuan chak lix chꞌi̱chꞌeb re camsi̱nc saꞌ rukꞌeb. Eb aꞌan queꞌoc saꞌ li oqueba̱l li cuan saꞌ li norte. Saꞌ xya̱nkeb li cuakib chi cui̱nk quichal jun chic li cui̱nk lino li rakꞌ. Saꞌ xcꞌa̱mal xsaꞌ quixcꞌam chak li cꞌaꞌru ta̱cꞌanjelak re tzꞌi̱bac. Ut nak ac xeꞌoc, coxeꞌxakli̱k chiru li artal yi̱banbil riqꞌuin bronce.

Ezequiel 44:19

Teꞌrisi li rakꞌ li cuan chirixeb nak xeꞌcꞌanjelac saꞌ li templo nak toj ma̱jiꞌ nequeꞌxic saꞌ li neba̱l li cuanqueb cuiꞌ li tenamit. Teꞌxcanab li rakꞌ li teꞌrisi chi saꞌ li templo saꞌ eb li naꞌajej santo. Teꞌxqꞌue jalan rakꞌeb chirix re nak incꞌaꞌ teꞌxsantobresi li tenamit riqꞌuin li rakꞌeb.

Levítico 6:3

Cui tixtau junak cꞌaꞌak re ru chi tzꞌektzꞌo ut ta̱ticꞌtiꞌik ut tixye nak incꞌaꞌ quixtau, riqꞌuineb chixjunil li cꞌaꞌak re ru aꞌin tixba̱nu, ta̱ma̱cobk chiru li Dios.