Levítico 16:30 - Li Santil hu

³⁰ Saꞌ li cutan aꞌan texmayejak re xtojbal rix le̱ ma̱c. Ut ta̱cuyekꞌ le̱ ma̱c xban li Ka̱cuaꞌ ut cuybilak sachbilak chic le̱ ma̱c.

Q'eqchi Bible

³⁰ xb'aan naq sa' li kutan a'an taawanq xtojb'al rix leemaak, ut saqaq chik eeru chiru li Qaawa'.

Levítico 16:30 ပူးပေါင်းရင်းမြစ်များ

Jeremías 33:8

La̱in tincuisi lix ma̱usilaleb. Tincuy li ma̱c li queꞌxba̱nu chicuu ut tincuy ajcuiꞌ xma̱queb nak queꞌxkꞌetkꞌeti ribeb chicuu.

Efesios 5:26

Li Jesucristo quixmayeja rib re xsantobresinquileb laj pa̱banel riqꞌuin nak teꞌxcꞌul li cubi haꞌ saꞌ xcꞌabaꞌ li Cristo ut riqꞌuin li ra̱tin li Dios.

Salmos 51:2

Chacuisiheb taxak lin ma̱usilal ut chati̱cobresi taxak lin chꞌo̱l re nak ma̱cꞌaꞌak chic inma̱c.

Tito 2:14

Aꞌan quixkꞌaxtesi rib chi ca̱mc saꞌ kacꞌabaꞌ la̱o re nak tocolekꞌ chiru li ma̱usilal. Quixba̱nu aꞌan re xti̱cobresinquil li kachꞌo̱l ut re nak chikaqꞌuehak kachꞌo̱l chixba̱nunquil li us.

Salmos 51:10

Chajal taxak li cua̱m ut ta̱ti̱cobresi taxak lin chꞌo̱l. Cha-acꞌobresi taxak lin cꞌaꞌux re nak cha̱bilak chic lin naꞌleb.

Salmos 51:7

Chati̱cobresi taxak inchꞌo̱l re nak ma̱cꞌaꞌak chic inma̱c. Isi li ma̱c li cuan saꞌ li cua̱m re nak ta̱cana̱k chi sak ru joꞌ li ratzꞌam que.

Levítico 23:27

—Saꞌ li laje̱b xbe li xcuuk po, aꞌan li cutan nak te̱qꞌue le̱ mayej re xtojbal rix le̱ ma̱c. Te̱chꞌutub e̱rib ut te̱ba̱nu li lokꞌlaj ninkꞌe. Te̱ba̱nu le̱ ayu̱n ut te̱cꞌat le̱ mayej re xqꞌuebal xlokꞌal li Ka̱cuaꞌ.

Levítico 23:28

Ma̱ jun li cꞌanjel te̱ba̱nu chiru li cutan aꞌan xban nak aꞌan jun cutan re xtojbal rix le̱ ma̱c. Te̱ba̱nu chi joꞌcan re nak li Ka̱cuaꞌ le̱ Dios tixcuy le̱ ma̱c.