Levítico 16:3 - Li Santil hu

³ Nak ta̱oc laj Aarón cuan cuiꞌ li tabernáculo, tento nak tixcꞌam jun cuacax te̱lom li ta̱mayeja̱k re xtzꞌa̱manquil xcuybal li ma̱c. Ut tixcꞌam ajcuiꞌ jun li carner te̱lom chokꞌ re li cꞌatbil mayej.

Q'eqchi Bible

³ Laj Aharón tento taa'ok sa' li tijob'aal rochb'eenaq junaq saaj wakax jo' mayej chirix li maak ut junaq karneer re taayeechi'imanq jo' k'atb'il mayej.

Levítico 16:3 ပူးပေါင်းရင်းမြစ်များ

Levítico 4:3

Cui nama̱cob junak li xbe̱nil aj tij, lix ma̱c nacana saꞌ xbe̱neb li tenamit. Tento nak li xbe̱nil aj tij tixmayeja jun li toro toj sa̱j ut tzꞌakal re ru. Joꞌcaꞌin nak tixtoj rix lix ma̱c chiru li Ka̱cuaꞌ.

Hebreos 9:7

Aban saꞌ lix cab tasal caꞌaj cuiꞌ li xyucuaꞌil aj tij na-oc jun sut chiru li jun chihab. Ut nak na-oc saꞌ li Lokꞌlaj Santil Naꞌajej aꞌan, naxcꞌam xquiqꞌuel li xul ut naxmayeja re ta̱cuyekꞌ lix ma̱c aꞌan ut re ajcuiꞌ nak ta̱cuyekꞌ xma̱queb li tenamit.

Levítico 8:18

Chirix aꞌan laj Moisés quixcꞌam chak li carner te̱lom li ta̱qꞌuehekꞌ chokꞌ cꞌatbil mayej. Ut laj Aarón ut eb li ralal queꞌxqꞌue li rukꞌ saꞌ xjolom li carner.

Levítico 1:10

Cui carner malaj ut chiba̱t li tixqꞌue chokꞌ cꞌatbil mayej, tento nak tixqꞌue junak te̱lom tzꞌakalak re ru.

Hebreos 9:12

Li Ka̱cuaꞌ Jesucristo co̱ saꞌ li Lokꞌlaj Santil Naꞌajej saꞌ choxa. Aꞌan incꞌaꞌ quixmayeja xquiqꞌuel li chiba̱t chi moco ral cuacax. Quixmayeja ban lix lokꞌlaj quiqꞌuel. Jun sut ajcuiꞌ quixmayeja rib re xqꞌuebal li kacolbal chi junelic.

Levítico 9:3

Ta̱ye reheb laj Israel nak teꞌxqꞌue jun li te̱lom chiba̱t re xtzꞌa̱manquil xcuybal lix ma̱queb. Teꞌxqꞌue ajcuiꞌ jun li toro ut jun li carner re teꞌxcꞌat chokꞌ xmayej. Jun chihab cua̱nk reheb ut tzꞌakalakeb re ru.

Levítico 8:14

Chirix aꞌan laj Moisés quixcꞌam chak li toro li toj sa̱j li ta̱mayeja̱k re xtzꞌa̱manquil xcuybal lix ma̱queb. Ut laj Aarón ut eb li ralal queꞌxqꞌue li rukꞌ saꞌ xjolom li xul.

Levítico 1:3

Cui cuacax teꞌxqꞌue chokꞌ xcꞌatbil mayej, tento nak teꞌxqꞌue li toro tzꞌakalak re ru. Ut teꞌxqꞌue joꞌ na-ala saꞌ xchꞌo̱leb. Teꞌxcꞌam lix mayej chiru li Ka̱cuaꞌ saꞌ li oqueba̱l re li tabernáculo li nequeꞌxchꞌutub cuiꞌ ribeb li tenamit chixlokꞌoninquil li Dios.

Levítico 4:1

Li Ka̱cuaꞌ quixye re laj Moisés: —Tat-a̱tinak riqꞌuineb li ralal xcꞌajol laj Israel ut ta̱ye reheb chi joꞌcaꞌin: Cui junak nama̱cob chi incꞌaꞌ naxnau xya̱lal lin chakꞌrab tento nak tixba̱nu chi joꞌcaꞌin.

Levítico 16:6

Ut laj Aarón tixmayeja li cuacax toro re xtojbal rix lix ma̱c aꞌan ut re ajcuiꞌ xtojbal rix lix ma̱queb li cuanqueb saꞌ li rochoch.

Levítico 9:2

Quixye re laj Aarón: —Chap jun li toro toj sa̱j ut ta̱mayeja re xtzꞌa̱manquil xcuybal le̱ ma̱c. Ut ta̱chap jun li te̱lom carner ut ta̱cꞌat re le̱ mayej. Tzꞌakalakeb re ru li ta̱qꞌue.