Levítico 16:28 - Li Santil hu

²⁸ Li ani ta̱cꞌatok reheb lix tibel li xul aꞌan, tento nak ta̱ati̱nk ut tixpuchꞌ li rakꞌ. Chirix aꞌan naru na-oc saꞌ li naꞌajej li cuanqueb cuiꞌ lix muheba̱leb laj Israel.

Q'eqchi Bible

²⁸ Li poyanam li taak'atoq re a'in, tento tixpuch' li raq' ut taa'atinq; toja' naq taaruuq chi ok sa' li na'ajej.

Levítico 16:28 ပူးပေါင်းရင်းမြစ်များ

Números 19:7

Chirix aꞌan laj tij tixpuchꞌ li rakꞌ ut ta̱ati̱nk. Ut ta̱oc cuiꞌchic saꞌ li naꞌajej li cuan cuiꞌ lix muheba̱leb. Abanan muxbilak ru nak toj ta̱ecuu̱k.

Números 19:8

Joꞌcan ajcuiꞌ ani ta̱cꞌatok re li cuacax, tento nak tixpuchꞌ li rakꞌ ut ta̱ati̱nk. Ut aꞌan muxbilak ajcuiꞌ ru toj ta̱ecuu̱k.

Levítico 11:24

Cuanqueb li xul camenak incꞌaꞌ naru te̱chꞌeꞌ. Cui te̱chꞌeꞌ, te̱mux e̱rib ut muxbil chic ru texcana̱k toj ta̱oc li kꞌojyi̱n.

Levítico 11:25

Li ani tixcuaclesi li camenak xul aꞌin, tento nak tixpuchꞌ li rakꞌ ut li jun aꞌan muxbil chic ru ta̱cana̱k toj ta̱oc li kꞌojyi̱n.

Levítico 11:40

Ut cui junak tixtiu xtibel li camenak xul, li jun aꞌan tento nak tixpuchꞌ li rakꞌ. Abanan muxbilak ru ta̱cana̱k toj ta̱oc li kꞌojyi̱n. Ut li ani tixpako li camenak xul tixmux rib. Tento nak tixpuchꞌ li rakꞌ ut muxbilak ru ta̱cana̱k toj ta̱oc li kꞌojyi̱n.

Levítico 15:5

Ut muxbilak ru li ani ta̱chꞌeꞌok re li cuarib aꞌan. Tento nak ta̱ati̱nk ut tixpuchꞌ li rakꞌ ut muxbil ru ta̱cana̱k toj ta̱oc li kꞌojyi̱n.

Levítico 16:26

Ut li cui̱nk li ta̱cꞌamok re li chiba̱t saꞌ li chaki chꞌochꞌ bar ma̱cꞌaꞌ cristian, tento nak tixpuchꞌ li rakꞌ ut ta̱ati̱nk. Tojoꞌnak ta̱oc cuiꞌchic saꞌ li naꞌajej li cuanqueb cuiꞌ lix muheba̱leb laj Israel.

Números 8:7

Joꞌcaꞌin ta̱ba̱nu re xsantobresinquileb. Ta̱rachrachi saꞌ xbe̱neb li haꞌ li nacꞌanjelac re santobresi̱nc ut ta̱ye reheb nak teꞌxjo li rismaleb ut teꞌxpuchꞌ li rakꞌeb re nak teꞌcana̱k chi santobresinbil.

Números 19:10

Tento nak tixpuchꞌ li rakꞌ li cui̱nk li ta̱xocok re lix chahil li cuacax. Ut muxbilak ru li cui̱nk aꞌan toj ta̱oc li kꞌojyi̱n. Aꞌin jun li chakꞌrab li te̱ba̱nu chalen anakcuan ut chi junelic, la̱ex aj Israel, joꞌ eb ajcuiꞌ li jalan xtenamiteb li cuanqueb saꞌ e̱ya̱nk.

San Juan 13:10

Li Jesús quixye reheb: —Li ani ac x-atin, caꞌaj chic xchꞌajbal li rok ta̱raj, xban nak ac chꞌajbil. Ac sak chic ru. Joꞌcan ajcuiꞌ la̱ex. La̱ex ac ti̱c e̱chꞌo̱l xban nak ac xine̱pa̱b. Abanan moco che̱junilex ta ti̱c e̱chꞌo̱l. Cuan jun saꞌ e̱ya̱nk incꞌaꞌ ti̱c xchꞌo̱l, chan.