Levítico 16:26 - Li Santil hu

²⁶ Ut li cui̱nk li ta̱cꞌamok re li chiba̱t saꞌ li chaki chꞌochꞌ bar ma̱cꞌaꞌ cristian, tento nak tixpuchꞌ li rakꞌ ut ta̱ati̱nk. Tojoꞌnak ta̱oc cuiꞌchic saꞌ li naꞌajej li cuanqueb cuiꞌ lix muheba̱leb laj Israel.

Q'eqchi Bible

²⁶ ut li ani xk'amok re li chib'aat re xkanab'ankil chaq re laj Asasel, tixpuch' li raq' ut taa'atinq; toja' naq taaruuq taa'ok sa' li na'ajej.

Levítico 16:26 ပူးပေါင်းရင်းမြစ်များ

Hebreos 7:19

Ma̱ ani nacoleꞌ xban li chakꞌrab li quicuan chak junxil. Abanan cuan kayoꞌon anakcuan kꞌaxal nim xcuanquil chiru li chakꞌrab. Li kayoꞌon, aꞌan li Jesucristo. Ut xban aꞌan cua̱nko chi sum a̱tin riqꞌuin li Dios.

Levítico 16:10

Ut li chiba̱t jun li ta̱rachꞌab, laj Aarón tixkꞌaxtesi chi yoꞌyo chiru li Ka̱cuaꞌ ut chirix aꞌan tixtakla saꞌ li chaki chꞌochꞌ re xtojbal rix lix ma̱queb li tenamit.

Números 19:21

Aꞌin jun li chakꞌrab tento te̱ba̱nu chalen anakcuan ut chi junelic. Ut li ani narachrachin li haꞌ re santobresi̱c, tento nak tixpuchꞌ li rakꞌ. Ut li ani ta̱chꞌeꞌok re li haꞌ re santobresi̱c muxbilak chic ru ta̱cana̱k toj ta̱ecuu̱k.

Levítico 16:28

Li ani ta̱cꞌatok reheb lix tibel li xul aꞌan, tento nak ta̱ati̱nk ut tixpuchꞌ li rakꞌ. Chirix aꞌan naru na-oc saꞌ li naꞌajej li cuanqueb cuiꞌ lix muheba̱leb laj Israel.

Levítico 15:27

Ut muxbilak ru li ani ta̱chꞌeꞌok re li cꞌaꞌak re ru aꞌin. Tento nak ta̱ati̱nk ut tixpuchꞌ li rakꞌ. Muxbil ru ta̱cana̱k toj ta̱oc li kꞌojyi̱n.

Levítico 14:8

Li ac xqꞌuira tixpuchꞌ li rakꞌ. Tixbes chixjunil li rismal ut ta̱ati̱nk re nak incꞌaꞌ chic muxbilak ru. Ta̱oc cuiꞌchic saꞌ li tenamit, aban incꞌaꞌ ta̱oc chi ticto saꞌ lix muheba̱l. Cuukub cutan ta̱cua̱nk chirix lix muheba̱l.

Levítico 11:25

Li ani tixcuaclesi li camenak xul aꞌin, tento nak tixpuchꞌ li rakꞌ ut li jun aꞌan muxbil chic ru ta̱cana̱k toj ta̱oc li kꞌojyi̱n.

Levítico 11:40

Ut cui junak tixtiu xtibel li camenak xul, li jun aꞌan tento nak tixpuchꞌ li rakꞌ. Abanan muxbilak ru ta̱cana̱k toj ta̱oc li kꞌojyi̱n. Ut li ani tixpako li camenak xul tixmux rib. Tento nak tixpuchꞌ li rakꞌ ut muxbilak ru ta̱cana̱k toj ta̱oc li kꞌojyi̱n.

Levítico 16:8

Ut nak ac cua̱nkeb chiru li oqueba̱l re li tabernáculo, laj Aarón tixbu̱li rixeb li cuib chi chiba̱t re rilbal bar cuan li tixqꞌue chokꞌ mayej chiru li Dios ut bar cuan li ta̱rachꞌab.

Levítico 16:25

Ut tixcꞌat saꞌ li artal lix xe̱bul lix mayejeb re xtzꞌa̱manquil xcuybal lix ma̱queb.

Levítico 11:24

Cuanqueb li xul camenak incꞌaꞌ naru te̱chꞌeꞌ. Cui te̱chꞌeꞌ, te̱mux e̱rib ut muxbil chic ru texcana̱k toj ta̱oc li kꞌojyi̱n.

Levítico 11:27

Incꞌaꞌ naru te̱tzaca li xul li cuanqueb ca̱hib li rok cui nequeꞌbe̱c tzꞌakal saꞌ xyi li rokeb. Li ani ta̱chꞌeꞌok re junak li camenak xul xcomoneb aꞌan, muxbil chic ru ta̱cana̱k toj ta̱oc li kꞌojyi̱n.

Levítico 11:28

Li ani tixcuaclesi junak li camenak xul xcomoneb aꞌan, tento nak tixpuchꞌ li rakꞌ ut li jun aꞌan muxbil chic ru ta̱cana̱k toj ta̱oc li kꞌojyi̱n.

Levítico 11:31

Aꞌaneb aꞌin li xul li incꞌaꞌ naru te̱tzaca xcomoneb li nequeꞌbe̱c saꞌ chꞌochꞌ. Li ani ta̱chꞌeꞌok re jun li camenak xul xcomoneb aꞌan muxbil chic ru ta̱cana̱k toj ta̱oc li kꞌojyi̱n.

Levítico 11:32

Ut cui li camenak xul ta̱tꞌanekꞌ saꞌ xbe̱n li cꞌaꞌ re ru, li quinak cuiꞌ muxbilak chic ru, usta cheꞌ, usta tꞌicr, usta tzꞌu̱m, usta kꞌes ru tꞌicr ut yalak cꞌaꞌru chi cꞌanjeleba̱l. Muxbilak chic ru ta̱cana̱k toj ta̱oc li kꞌojyi̱n. Ut tento nak ta̱qꞌuehekꞌ saꞌ haꞌ re nak incꞌaꞌ chic muxbilak ru.

Levítico 11:39

Cui junak li xul ta̱ca̱mk xcomoneb li nequetiu, li ani ta̱chꞌeꞌok re tixmux rib. Ut muxbilak ru ta̱cana̱k toj ta̱oc li kꞌojyi̱n.