Levítico 16:24 - Li Santil hu

²⁴ Ut saꞌ ajcuiꞌ li naꞌajej aꞌan ta̱ati̱nk ut tixqꞌue li rakꞌ jun chic chirix. Ut ta̱e̱lk chak saꞌ li Santil Naꞌajej re tixqꞌue lix cꞌatbil mayej re xtojbal rix lix ma̱c aꞌan ut re ajcuiꞌ xtojbal rix lix ma̱queb li tenamit.

Q'eqchi Bible

²⁴ Aran ajwi', sa' li Santil Na'ajej, taa'atinq ut naq ak xjalok, taaxik chi xmayejankil li xk'atb'il xul jo'wi' li tento tixyeechi'i sa' xk'ab'a' li tenamit. Chi jo'kan tixtoj rix li xmaak jo'wi' li xmaakeb' li tenamit.

Levítico 16:24 ပူးပေါင်းရင်းမြစ်များ

Hebreos 9:10

Saꞌ lix pa̱ba̱leb junxil cuan li chakꞌrab chirix li cꞌaꞌru teꞌxtzaca ut cꞌaꞌru teꞌrucꞌ joꞌ ajcuiꞌ chanru nak teꞌchꞌajok re xsantobresinquileb rib. Usta incꞌaꞌ quijala lix naꞌlebeb, aban tento queꞌxba̱nu li chakꞌrab aꞌan toj quicuulac xkꞌehil nak li Dios quixjal nak quixqꞌue li acꞌ naꞌleb.

Levítico 22:6

Cui junak laj tij tixchꞌeꞌ li cꞌaꞌru muxbil ru, li jun aꞌan muxbil ru ta̱cana̱k toj ta̱oc li kꞌojyi̱n. Ut incꞌaꞌ naru tixtzaca li mayejanbil tzacae̱mk toj ta̱ati̱nk.

Levítico 14:9

Saꞌ xcuuk li cutan tixbes cuiꞌchic chixjunil li rismal. Tixjo rib ut ta̱risi lix ma̱tz ru. Tixpuchꞌ li rakꞌ ut ta̱ati̱nk. Ut riqꞌuin aꞌan ta̱yema̱nk nak moco muxbil ta chic ru.

Éxodo 28:40

Ut te̱yi̱b ajcuiꞌ li túnica ut lix bacꞌbal saꞌ joꞌ ajcuiꞌ li mitra reheb li ralal laj Aarón re xcꞌutbal xlokꞌal li cꞌanjel teꞌxba̱nu.

Éxodo 28:41

Ta̱qꞌue li rakꞌ chirix laj Aarón la̱ cuas joꞌqueb ajcuiꞌ li ralal. Ut ta̱qꞌue li aceite saꞌ xjolomeb re xxakabanquileb chokꞌ aj tij. Ta̱kꞌaxtesiheb chicuu re nak santobresinbilakeb re teꞌcꞌanjelak chicuu.

Levítico 16:25

Ut tixcꞌat saꞌ li artal lix xe̱bul lix mayejeb re xtzꞌa̱manquil xcuybal lix ma̱queb.

Levítico 9:7

Ut laj Moisés quixye re laj Aarón: —Jilon chak riqꞌuin li artal ut ta̱qꞌue la̱ mayej re xtzꞌa̱manquil xcuybal la̱ ma̱c ut ta̱qꞌue li cꞌatbil mayej re xtojbal rix la̱ ma̱c ut lix ma̱queb li tenamit. Ta̱qꞌue lix mayejeb li tenamit re xtzꞌa̱manquil xcuybal lix ma̱queb joꞌ quixye li Ka̱cuaꞌ, chan.

Ezequiel 42:14

Nak eb laj tij teꞌoc saꞌ li templo, incꞌaꞌ naru teꞌxic saꞌ li neba̱l li cuan chirix cui incꞌaꞌ teꞌrisi li rakꞌ li cuan chirixeb nak teꞌcꞌanjelak chiru li Dios saꞌ li Santil Naꞌajej. Teꞌxcanab li rakꞌ saꞌ li naꞌajej aꞌan xban nak li rakꞌ aꞌan santobresinbil. Teꞌxqꞌue jalan rakꞌeb chirix nak teꞌxic saꞌ li neba̱l li cuanqueb cuiꞌ li cristian, chan li cui̱nk.