Levítico 16:22 - Li Santil hu

²² Ut li te̱lom chiba̱t li ta̱rachꞌab chak saꞌ li chaki chꞌochꞌ tixcꞌam chixjunil lix ma̱usilaleb laj Israel saꞌ li naꞌajej li ma̱cꞌaꞌ cuiꞌ cristian.

Q'eqchi Bible

²² Chi jo'kan li chib'aat tixk'am chixjunil li xyib'al ru xna'leb'eb' sa' junesal na'ajej, b'arwi' taa'ach'ab'aaq xb'aan li poyanam.

Levítico 16:22 ပူးပေါင်းရင်းမြစ်များ

1 Pedro 2:24

Relic chi ya̱l nak li Cristo, aꞌan li quixcꞌul li raylal nak quicam chiru li cruz re xtojbal rix li kama̱c la̱o. Aꞌan aj e nak quicam re nak incꞌaꞌ chic texma̱cobk. Texcua̱nk ban saꞌ ti̱quilal. Li Cristo quixcꞌul li yoqꞌuecꞌ saꞌ kacꞌabaꞌ la̱o aj ma̱c. Ut riqꞌuin li raylal li quixcꞌul xexqꞌuirtesi̱c.

Hebreos 9:28

Joꞌcan nak li Jesucristo jun sut ajcuiꞌ quixmayeja rib re risinquil lix ma̱queb li qꞌuila tenamit. Mokon tol-e̱lk cuiꞌchic, aban ma̱cuaꞌ chic re cuyuc ma̱c ta̱cha̱lk. Tol-e̱lk ban li Jesucristo re xtzꞌakobresinquil li kacolbal chikajunil li yo̱co chi yoꞌoni̱nc re.

San Juan 1:29

Joꞌ cuulajak chic laj Juan quiril li Jesús yo̱ chak chi cha̱lc riqꞌuin ut quixye: —Ilomak. Cueꞌ chak li Cristo, li taklanbil chak xban li Dios. Chanchan jun li carner. Ta̱camsi̱k re xtojbal rix lix ma̱queb li cuanqueb saꞌ ruchichꞌochꞌ.

Gálatas 3:13

Abanan li Jesucristo coxcol chiru li tojba ma̱c li tenebanbil saꞌ kabe̱n xban li chakꞌrab. Aꞌan quicoloc ke nak quixqꞌue rib chi ca̱mc re xtojbal rix li kama̱c. Joꞌcaꞌin tzꞌi̱banbil saꞌ li Santil Hu: Tzꞌekta̱nanbileb chixjunileb li nequeꞌcamsi̱c chi tꞌuytꞌu chiru li cheꞌ. (Deut. 21:23)

Miqueas 7:19

La̱at ta̱cuuxta̱na cuiꞌchic ku ut incꞌaꞌ chic ta̱nak saꞌ a̱chꞌo̱l li kama̱c. Chanchan cutbil saꞌ xchꞌamal li palau ta̱ba̱nu nak ta̱tzꞌekta̱na chi junaj cua li kama̱usilal.

Salmos 103:12

Quirisi li kama̱c. Chanchan nak quixtzꞌek chak chi najt. Joꞌ xnajtil li na-el cuiꞌ chak li sakꞌe riqꞌuin li na-oc cuiꞌ, chanchan joꞌcan xnajtil li quixtzꞌek cuiꞌ li kama̱c.

Salmos 103:10

Moco xba̱nu ta ke joꞌ chanru kacꞌulub xban li ma̱usilal xkaba̱nu. Chi moco coxqꞌue chixtojbal rix li kama̱c joꞌ kacꞌulub.

Ezequiel 18:22

Chixjunil li ma̱c li quixba̱nu chak junxil incꞌaꞌ ta̱julticokꞌ re li Dios ut incꞌaꞌ ta̱camsi̱k xban nak quixjal xnaꞌleb ut quixba̱nu li us.

Levítico 16:21

Ut tixqꞌue xcabichal li rukꞌ saꞌ xjolom li chiba̱t ut tixye chixjunil li ma̱c ut li ma̱usilal li queꞌxba̱nu eb laj Israel. Tixba̱nu chi joꞌcan re nak ta̱cana̱k chixjunil li ma̱c saꞌ xbe̱n li chiba̱t. Ut jun li cui̱nk xakabanbil li ta̱cꞌamok re, re ta̱rachꞌab chak saꞌ li chaki chꞌochꞌ.

Levítico 16:23

Ut chirix aꞌan, ta̱oc laj Aarón saꞌ li tabernáculo. Ta̱risi li rakꞌ lino li quixqꞌue chirix nak qui-oc saꞌ li Lokꞌlaj Santil Naꞌajej ut tixcanab aran.

Ezequiel 4:4

Ut la̱at tatyocla̱k saꞌ xbe̱n la̱ tzꞌe. Jarub cutan yocyo̱kat, aꞌan retalil li raylal li teꞌxcꞌul eb laj Israel.

Levítico 14:7

Laj tij tixrach cuukub sut li quicꞌ saꞌ xbe̱n li cristian li ac xqꞌuira. Ut laj tij tixye nak ac xqꞌuira li cristian ut ta̱rachꞌab li tzentzeyul li yoꞌyo.