Levítico 16:21 - Li Santil hu

²¹ Ut tixqꞌue xcabichal li rukꞌ saꞌ xjolom li chiba̱t ut tixye chixjunil li ma̱c ut li ma̱usilal li queꞌxba̱nu eb laj Israel. Tixba̱nu chi joꞌcan re nak ta̱cana̱k chixjunil li ma̱c saꞌ xbe̱n li chiba̱t. Ut jun li cui̱nk xakabanbil li ta̱cꞌamok re, re ta̱rachꞌab chak saꞌ li chaki chꞌochꞌ.

Q'eqchi Bible

²¹ tixk'e li ruq' sa' xb'een xjolom li xul ut tixxooto chixjunil li xmaakeb' laj Israel, chixjunil li xyib'aleb' ru xna'leb' ut li xnimob'resinkil rib'eb'. Chi jo'kan tixk'eheb' li maak sa' xb'een xjolom li chib'aat, ut tixxaqab' jun poyanam re xk'amb'al ut xkoq'b'al sa' li chaqich'och'.

Levítico 16:21 ပူးပေါင်းရင်းမြစ်များ

2 Corintios 5:21

Li Jesucristo ma̱ jun sut quima̱cob. Abanan li Dios quixqꞌue li kama̱c saꞌ xbe̱n li Cristo re nak saꞌ xcꞌabaꞌ aꞌan, la̱o takatau lix ti̱quilal kachꞌo̱l li naxqꞌue li Dios.

Isaías 53:6

La̱o xkasach kib kajunes saꞌ li ma̱c. Chanchano li carner li nequeꞌxchaꞌchaꞌi ribeb. Ac kabe kabe xkachap chikaju̱nkal. Abanan li xtojbal rix li kama̱usilal li Ka̱cuaꞌ Dios quixqꞌue saꞌ xbe̱n aꞌan.

Salmos 51:3

Ninnau nak la̱in aj kꞌetol a̱tin cha̱cuu. Ut junelic nayotꞌeꞌ inchꞌo̱l xban li ma̱c xinba̱nu.

Esdras 10:1

Nak yo̱ chi tijoc laj Esdras, cuikꞌcuo chiru lix templo li Dios. Yo̱ chi ya̱bac ut yo̱ chixpatzꞌbal xcuybal xma̱queb li tenamit. Queꞌcuulac riqꞌuin jun chꞌu̱taleb laj Israel, joꞌ cui̱nk, joꞌ ixk, joꞌ cocꞌal. Yo̱queb chi ya̱bac chi cꞌajoꞌ xrahil xchꞌo̱leb.

Romanos 10:10

Li ani naxpa̱b li Cristo chi anchal xchꞌo̱l ut naxchꞌolob xya̱lal riqꞌuin xtzꞌu̱mal re, aꞌan nati̱coꞌ xchꞌo̱l chiru li Dios ut ta̱colekꞌ.

Proverbios 28:13

Li ani naxmuk lix ma̱c, incꞌaꞌ us ta̱e̱lk. Abanan li ani tixpatzꞌ xcuybal xma̱c ut tixcanab xba̱nunquil li ma̱usilal, ta̱uxta̱na̱k ru.

Salmos 32:5

Tinye lin ma̱c re li Ka̱cuaꞌ, chanquin. Joꞌcan ut nak xinpatzꞌ incuybal cha̱cuu, at Ka̱cuaꞌ, ut ma̱cꞌaꞌ xinmuk cha̱cuu. Ut la̱at xacuy xasach lin ma̱c.

Levítico 26:40

La̱ex ta̱yotꞌekꞌ e̱chꞌo̱l xban li ma̱c queba̱nu ut xban li ma̱c queꞌxba̱nu chak le̱ naꞌ e̱yucuaꞌ nak quineꞌxtzꞌekta̱na ut queꞌxkꞌet lin chakꞌrab.

Éxodo 29:10

Chirix aꞌan ta̱cꞌam li toro li toj sa̱j chiru li tabernáculo. Ut laj Aarón joꞌqueb ajcuiꞌ li ralal teꞌxqꞌue li rukꞌeb saꞌ xjolom li toro.

Levítico 5:5

Nak junak ta̱ma̱cobk riqꞌuin li cꞌaꞌak re ru aꞌin, tento nak tixye cꞌaꞌru lix ma̱c.

Levítico 1:4

Li ani tixqꞌue lix cꞌatbil mayej tixqꞌue li rukꞌ saꞌ xbe̱n lix jolom li xul li tixcꞌat re nak li Ka̱cuaꞌ tixcꞌul chokꞌ re xtojbal rix lix ma̱c.

Levítico 16:20

Nak laj Aarón ta̱rakekꞌ chixsantobresinquil li Lokꞌlaj Santil Naꞌajej ut li tabernáculo joꞌ ajcuiꞌ li artal, tixtakla xcꞌambal li chiba̱t li yoꞌyo.

Levítico 16:22

Ut li te̱lom chiba̱t li ta̱rachꞌab chak saꞌ li chaki chꞌochꞌ tixcꞌam chixjunil lix ma̱usilaleb laj Israel saꞌ li naꞌajej li ma̱cꞌaꞌ cuiꞌ cristian.