Levítico 16:20 - Li Santil hu

²⁰ Nak laj Aarón ta̱rakekꞌ chixsantobresinquil li Lokꞌlaj Santil Naꞌajej ut li tabernáculo joꞌ ajcuiꞌ li artal, tixtakla xcꞌambal li chiba̱t li yoꞌyo.

Q'eqchi Bible

²⁰ “Naq ak xraqe'k laj Aharón chi xch'ajob'resinkil li Santil Na'ajej, li Loq'laj Muheb'aal ut li artal, tixtaqla xk'amb'al li chib'aat li toj yo'yo,

Levítico 16:20 ပူးပေါင်းရင်းမြစ်များ

Ezequiel 45:20

Saꞌ li xcuuk li cutan re li po ta̱qꞌue cuiꞌchic li mayej re xtzꞌa̱manquil xcuybal lix ma̱queb li teꞌma̱cobk chi incꞌaꞌ xeꞌxqꞌue retal ut chi incꞌaꞌ yal queꞌraj xchꞌo̱l. Riqꞌuin aꞌin santobresinbilak li templo.

Levítico 16:16

Tento nak tixba̱nu chi joꞌcan re nak li Dios tixsantobresi li Lokꞌlaj Santil Naꞌajej ut tixsantobresi ajcuiꞌ li tabernáculo li cuan saꞌ xya̱nkeb xban nak eb laj Israel nequeꞌxmux ru nak nequeꞌxkꞌet lix chakꞌrab ut nequeꞌxmux ru riqꞌuin lix ma̱queb.

Apocalipsis 1:18

La̱in yoꞌyo̱quin. La̱in quincam, abanan yoꞌyo̱quin chic chi junelic kꞌe cutan. La̱in cuan incuanquil saꞌ xbe̱n li ca̱mc. Ut la̱in ajcuiꞌ yal cue saꞌ xbe̱n li naꞌajej li nequeꞌxic cuiꞌ li camenak.

Hebreos 7:25

Li Jesucristo aꞌan tzꞌakal ta̱colok reheb chixjunileb li nequeꞌpa̱ban re li Dios saꞌ xcꞌabaꞌ aꞌan. Li Jesucristo yoꞌyo chi junelic ut naa̱tinac chirixeb chiru li Dios.

Colosenses 1:20

Xban xcamic li Jesucristo, chixjunil li cuan saꞌ choxa joꞌ ajcuiꞌ li cuan saꞌ ruchichꞌochꞌ naru ta̱cua̱nk chi sum a̱tin riqꞌuin li Dios. Ut xban lix quiqꞌuel li quihoyeꞌ chiru li cruz, li Jesucristo quixqꞌue li tuktu̱quil usilal.

2 Corintios 5:19

Aꞌan aꞌin li yo̱quin chixyebal: Li Dios coxcꞌam cuiꞌchic saꞌ usilal riqꞌuin saꞌ xcꞌabaꞌ li Cristo. Ut incꞌaꞌ chic naxqꞌue saꞌ xchꞌo̱l li kama̱c. Li Dios quixkꞌaxtesi ke li cꞌanjel aꞌin re nak takachꞌolob xya̱lal re nak li ani teꞌpa̱ba̱nk teꞌcꞌamekꞌ saꞌ usilal riqꞌuin li Dios.

Romanos 8:34

¿Ani ta̱ru̱k ta̱qꞌuehok reheb laj pa̱banel saꞌ tojba ma̱c? Ma̱ ani xban nak li Jesucristo quicam saꞌ kacꞌabaꞌ ut li Dios quixcuaclesi cuiꞌchic chi yoꞌyo saꞌ xya̱nkeb li camenak. Anakcuan aꞌan cuan saꞌ xnim ukꞌ li Dios ut yo̱ chi a̱tinac chikix chiru li Dios.

Romanos 4:25

Li Jesucristo quixkꞌaxtesi rib chi ca̱mc xban li kama̱c ut quicuacli cuiꞌchic chi yoꞌyo saꞌ xya̱nkeb li camenak re xti̱cobresinquil li kachꞌo̱l chiru li Dios.

Levítico 8:15

Ut laj Moisés quixcamsi li toro. Quixxoc lix quiqꞌuel ut riqꞌuin li ruꞌuj rukꞌ quixqꞌue li quicꞌ chiru li xucub li cuanqueb saꞌ xca̱ xucu̱til li artal re xsantobresinquil chiru li Ka̱cuaꞌ. Ut li quicꞌ li joꞌ qꞌuial chic quicana quixhoy saꞌ xto̱n li artal. Joꞌcaꞌin nak quixkꞌaxtesi li artal chiru li Ka̱cuaꞌ li teꞌmayejak cuiꞌ laj tij.

Levítico 6:30

Incꞌaꞌ naru nequeꞌxtzaca li mayej tib li quicꞌameꞌ lix quiqꞌuel saꞌ li Lokꞌlaj Santil Naꞌajej re xtzꞌa̱manquil xcuybal xma̱queb. Tento nak teꞌxcꞌat chixjunil li mayej aꞌin.

Levítico 16:19

Ut tixrach li quicꞌ cuukub sut saꞌ xbe̱n li artal riqꞌuin ruꞌuj rukꞌ re nak li Dios tixsantobresi xban nak eb laj Israel nequeꞌxmux ru riqꞌuin li incꞌaꞌ us nequeꞌxba̱nu.

Levítico 16:21

Ut tixqꞌue xcabichal li rukꞌ saꞌ xjolom li chiba̱t ut tixye chixjunil li ma̱c ut li ma̱usilal li queꞌxba̱nu eb laj Israel. Tixba̱nu chi joꞌcan re nak ta̱cana̱k chixjunil li ma̱c saꞌ xbe̱n li chiba̱t. Ut jun li cui̱nk xakabanbil li ta̱cꞌamok re, re ta̱rachꞌab chak saꞌ li chaki chꞌochꞌ.