Levítico 16:16 - Li Santil hu

¹⁶ Tento nak tixba̱nu chi joꞌcan re nak li Dios tixsantobresi li Lokꞌlaj Santil Naꞌajej ut tixsantobresi ajcuiꞌ li tabernáculo li cuan saꞌ xya̱nkeb xban nak eb laj Israel nequeꞌxmux ru nak nequeꞌxkꞌet lix chakꞌrab ut nequeꞌxmux ru riqꞌuin lix ma̱queb.

Q'eqchi Bible

¹⁶ Chi jo'kan tixsaab'esi li Santil Na'ajej, taarisi chixjunil li tz'ajn, q'etb'a aatin ut xmaakeb' laj Israel. Jo'kan ajwi' tixb'aanu rik'in li Loq'laj Muheb'aal li wank sa' xyanqeb', sa' chixjunil li xtz'ajnileb'.

Levítico 16:16 ပူးပေါင်းရင်းမြစ်များ

Levítico 16:18

Nak ta̱e̱lk chak laj Aarón, ta̱xic chixqꞌuebal lix quiqꞌuel li toro ut li chiba̱t saꞌ xbe̱n lix artal li Ka̱cuaꞌ bar nequeꞌxcꞌat cuiꞌ li mayej re xsantobresinquil. Tixyul li quicꞌ chiru li xucub li cuan saꞌ xca̱ xucu̱til.

Levítico 8:15

Ut laj Moisés quixcamsi li toro. Quixxoc lix quiqꞌuel ut riqꞌuin li ruꞌuj rukꞌ quixqꞌue li quicꞌ chiru li xucub li cuanqueb saꞌ xca̱ xucu̱til li artal re xsantobresinquil chiru li Ka̱cuaꞌ. Ut li quicꞌ li joꞌ qꞌuial chic quicana quixhoy saꞌ xto̱n li artal. Joꞌcaꞌin nak quixkꞌaxtesi li artal chiru li Ka̱cuaꞌ li teꞌmayejak cuiꞌ laj tij.

San Juan 14:3

Nak ac xya̱loꞌ le̱ naꞌaj, tincha̱lk cuiꞌchic ut texincꞌam cuiqꞌuin re nak bar cua̱nkin la̱in, aran ajcuiꞌ cua̱nkex la̱ex.

Hebreos 2:17

Xban nak li Jesucristo quicꞌulun chixtenkꞌanquileb li cuanqueb saꞌ ruchichꞌochꞌ tento nak quitzꞌejcualoꞌ joꞌ eb lix herma̱n. Chi ya̱l nak quitzꞌejcualoꞌ re nak ta̱ruxta̱na ku ut tixtoj rix li kama̱c. Li Jesucristo aꞌan lix yucuaꞌil aj tij chi cꞌanjelac chiru li Dios.

Éxodo 30:10

Li artal aꞌin kꞌaxtesinbilak chi junaj cua chicuu nak laj Aarón tixqꞌue caꞌchꞌinak lix quiqꞌuel li xul li ta̱mayeja̱k re xtzꞌa̱manquil xcuybal xma̱queb laj Israel chiru li xucub li cuan saꞌ xca̱ xucu̱til li artal. Aꞌan tixba̱nu jun sut chiru li chihab. Joꞌcan ajcuiꞌ teꞌxba̱nu rajlal chihab li ralal xcꞌajol li teꞌcua̱nk mokon re xsantobresinquil li artal.

Levítico 16:17

Nak laj Aarón cua̱nk chak saꞌ li Lokꞌlaj Santil Naꞌajej chixqꞌuebal lix mayej re xtojbal rix lix ma̱c aꞌan ut eb li cuanqueb saꞌ li rochoch joꞌ eb ajcuiꞌ lix ma̱queb li tenamit, ma̱ ani naru na-oc saꞌ li tabernáculo toj ta̱e̱lk chak saꞌ li Lokꞌlaj Santil Naꞌajej.

Levítico 23:27

—Saꞌ li laje̱b xbe li xcuuk po, aꞌan li cutan nak te̱qꞌue le̱ mayej re xtojbal rix le̱ ma̱c. Te̱chꞌutub e̱rib ut te̱ba̱nu li lokꞌlaj ninkꞌe. Te̱ba̱nu le̱ ayu̱n ut te̱cꞌat le̱ mayej re xqꞌuebal xlokꞌal li Ka̱cuaꞌ.

Números 17:11

Ut laj Moisés quixba̱nu joꞌ quixye li Ka̱cuaꞌ re.

Números 28:15

Ut teꞌxqꞌue ajcuiꞌ jun li chiba̱t rochben li cꞌatbil mayej li nequeꞌxqꞌue rajlal cutan. Li chiba̱t aꞌan ta̱cꞌatma̱nk re xtzꞌa̱manquil xcuybal li ma̱c.