Levítico 16:13 - Li Santil hu

¹³ Tixqꞌue li incienso saꞌ li ru xam ut tixcꞌat chiru li Ka̱cuaꞌ. Lix sibel li incienso ta̱ramok re lix tzꞌapbal re li Lokꞌlaj Ca̱x li nacuyeꞌ cuiꞌ li ma̱c, li cuan cuiꞌ li chakꞌrab, re nak laj Aarón incꞌaꞌ ta̱ca̱mk.

Q'eqchi Bible

¹³ tixk'e li k'ajpom sa' ru xam chiru li Qaawa', ut li xsib'el taanujaq chirix li xtz'apb'al xb'een li Loq'laj Kaax re naq ink'a' taakamq.

Levítico 16:13 ပူးပေါင်းရင်းမြစ်များ

Éxodo 25:21

Te̱tzꞌap li ca̱x riqꞌuin lix tzꞌapbal re li xeyi̱b. Ut saꞌ li Lokꞌlaj Ca̱x aꞌan, te̱xoc li chakꞌrab li tinqꞌue e̱re.

Éxodo 30:1

Ut te̱yi̱b ajcuiꞌ jun li artal riqꞌuin li cheꞌ acacia re te̱cꞌat cuiꞌ li incienso.

Hebreos 9:24

Li Cristo incꞌaꞌ nacꞌanjelac saꞌ junak tabernáculo yi̱banbil xbaneb li cui̱nk. Nacꞌanjelac ban saꞌ choxa. Li tabernáculo quicuan, aꞌan yal retalil li choxa. Li Jesucristo co̱ saꞌ choxa ut anakcuan aran yo̱ chi jaloc a̱tin chikix chiru li Dios.

Hebreos 7:25

Li Jesucristo aꞌan tzꞌakal ta̱colok reheb chixjunileb li nequeꞌpa̱ban re li Dios saꞌ xcꞌabaꞌ aꞌan. Li Jesucristo yoꞌyo chi junelic ut naa̱tinac chirixeb chiru li Dios.

Números 16:46

Ut laj Moisés quixye re laj Aarón: —Cꞌam la̱ sansar chiru li artal ut ta̱qꞌue li ru xam chi saꞌ ut ta̱qꞌue ajcuiꞌ li pom. Ut ta̱cꞌam chi junpa̱t cuanqueb cuiꞌ li tenamit ut ta̱santobresiheb. Xnumta lix joskꞌil li Dios saꞌ xbe̱neb ut ac xticla li caki yajel, chan.

Números 16:18

Ut chixjunileb queꞌxqꞌue li xam saꞌ lix sansar ut queꞌxqꞌue ajcuiꞌ li pom ut queꞌxakli chiru li oqueba̱l re li tabernáculo rochbeneb laj Moisés ut laj Aarón.

Números 16:7

Ut cuulaj te̱cꞌat li pom chiru li Ka̱cuaꞌ. Li ani ta̱siqꞌuekꞌ ru cuulaj xban li Ka̱cuaꞌ, aꞌanak li santobresinbil. La̱ex aj levita, la̱ex li incꞌaꞌ yo̱quex chixba̱nunquil li us.—

Levítico 22:9

Chixjunileb laj tij teꞌxba̱nu li chakꞌrab li quinqꞌue reheb. Cui incꞌaꞌ teꞌxba̱nu teꞌma̱cobk ut teꞌca̱mk xban nak teꞌxkꞌet li chakꞌrab. La̱in li Ka̱cuaꞌ. La̱in ninsantobresin reheb.

Éxodo 28:43

Rajlal teꞌxqꞌue li rakꞌeb aꞌan chirixeb nak teꞌoc saꞌ li tabernáculo ut nak teꞌoc chi cꞌanjelac saꞌ li artal li cuan saꞌ li Santil Naꞌajej re nak incꞌaꞌ teꞌpaltok chicuu la̱in li Ka̱cuaꞌ. Tento teꞌxba̱nu aꞌan re nak incꞌaꞌ teꞌca̱mk laj Aarón rochbeneb li ralal. Li chakꞌrab aꞌan tenebanbil chi junelic saꞌ xbe̱neb laj Aarón ut eb li ralal xcꞌajol li teꞌcua̱nk mokon.

Números 4:15

Nak ac oc reheb chixjalbal lix naꞌajeb, laj Aarón ut eb li ralal teꞌxlan chixjunil li cꞌaꞌak re ru li nacꞌanjelac saꞌ li tabernáculo ut teꞌcha̱lk li ralal xcꞌajol laj Coat chixpakonquil. Abanan incꞌaꞌ naru teꞌxchꞌeꞌ li cꞌaꞌru kꞌaxtesinbil re li Ka̱cuaꞌ re nak incꞌaꞌ teꞌca̱mk. Aꞌan aꞌin lix cꞌanjeleb li ralal xcꞌajol laj Coat saꞌ li tabernáculo.

Números 4:20

Eb li ralal xcꞌajol laj Coat incꞌaꞌ naru nequeꞌoc saꞌ li Santil Naꞌajej chirilbal li cꞌaꞌru santobresinbil nak yo̱keb chixlanbal re nak incꞌaꞌ teꞌca̱mk, chan li Dios.

Deuteronomio 33:10

Eb aꞌan nequeꞌxcꞌut li chakꞌrab chiruheb laj Israel, li ralal xcꞌajol laj Jacob. Nequeꞌxcꞌat li incienso cha̱cuu ut nequeꞌxcꞌat ajcuiꞌ li mayej saꞌ la̱ artal.