Levítico 15:2 - Li Santil hu

² —Tex-a̱tinak riqꞌuineb laj Israel ut te̱ye reheb chi joꞌcaꞌin: Muxbil ru li cui̱nk li na-el xyaꞌal lix tzꞌejcual xban junak yajel.

Q'eqchi Bible

² “Yehomaq a'in reheb' laj Israel: Naq junaq winq naxya'ali rib' li xtz'ejwal, li xpojkil muxb'ilaq ru.

Levítico 15:2 ပူးပေါင်းရင်းမြစ်များ

2 Samuel 3:29

Chicana̱k ta li ma̱c aꞌin saꞌ xbe̱n laj Joab ut saꞌ xbe̱neb li ralal xcꞌajol. Saꞌ xya̱nkeb li ralal xcꞌajol junelic ta̱cua̱nk li raylal. Ta̱cua̱nk li xox li naxyaꞌali rib, ut li saklep rix. Ta̱cua̱nk li ye̱k rok. Ta̱cua̱nk li teꞌcamsi̱k saꞌ ple̱t, malaj ut incꞌaꞌ ta̱tzꞌaklok lix tzacae̱mkeb, chan laj David.

Levítico 22:4

Ma̱ jun reheb li ralal xcꞌajol laj Aarón li cuan li yajel saklep chirix malaj ut na-el xyaꞌal lix tzꞌejcual naru tixtzaca li lokꞌlaj mayej chi toj ma̱jiꞌ xsantobresi rib. Joꞌcan ajcuiꞌ li tixmux rib riqꞌuin xchꞌeꞌbal li cꞌaꞌru quinak camenak chiru malaj ut cui xchꞌeꞌ li ani yo̱ chi e̱lc xyaꞌal lix tzꞌejcual.

San Mateo 9:20

Ut cuan jun li ixk cablaju chihab xticlajic xyajel. Junelic yo̱ lix yajel li ixk aꞌan ut incꞌaꞌ chic natzꞌap lix quiqꞌuel. Quijiloc chixcꞌatk li Jesús nak yo̱ chi xic, ut quixchꞌeꞌ li rakꞌ.

Romanos 3:2

Li cua̱nc chokꞌ aj judío, aꞌan aꞌin li rusil: nak li Dios quixqꞌue li ra̱tin reheb xbe̱n cua.

San Lucas 8:43

Saꞌ xya̱nkeb cuan jun li ixk cablaju chihab xticlajic xyajel. Junelic yo̱ lix yajel li ixk aꞌan ut incꞌaꞌ chic natzꞌap lix quiqꞌuel. Quixqꞌue rib chi banecꞌ riqꞌuin nabaleb aj banonel ut nabal li tumin quixsach. Abanan ma̱ jun quiru chi banoc re.

San Marcos 5:25

Saꞌ xya̱nkeb cuan jun li ixk cablaju chihab xticlajic xyajel. Junelic yo̱ lix yajel li ixk aꞌan ut incꞌaꞌ chic natzꞌap lix quiqꞌuel.

Salmos 78:5

Quixqꞌue jun li chakꞌrab re laj Jacob ut quixye cꞌaꞌru teꞌxba̱nu eb laj Israel. Ut quixye ajcuiꞌ reheb li kaxeꞌto̱nil yucuaꞌ nak teꞌxcꞌut chiruheb li ralal xcꞌajol li cꞌaꞌru quixye nak tento teꞌxba̱nu.

Levítico 15:1

Li Ka̱cuaꞌ quia̱tinac riqꞌuin laj Moisés ut laj Aarón ut quixye reheb:

Levítico 15:3

Muxbil ru ta̱cana̱k usta yo̱k chi e̱lc xyaꞌal lix tzꞌejcual, usta naxcanab e̱lc.

Levítico 5:3

Tixmux rib li ani tixchꞌeꞌ li cꞌaꞌak re ru muxbil ru xban junak cristian, usta incꞌaꞌ quixqꞌue retal nak incꞌaꞌ us xba̱nu. Ut cui mokon tixqꞌue retal nak incꞌaꞌ us xba̱nu, cuan xma̱c.