Levítico 15:17 - Li Santil hu

¹⁷ Cui li xyaꞌal xtzꞌejcual nanak chiru tꞌicr, malaj ut chiru li yi̱banbil riqꞌuin tzꞌu̱m, tento xpuchꞌbal. Ut muxbil ru ta̱cana̱k toj ta̱oc li kꞌojyi̱n.

Q'eqchi Bible

¹⁷ “A' yaal k'a' chi t'ikrul malaj tz'uum taat'ane'q wi' b'ayaq li iyaj, tento xch'ajb'al rik'in ha' ut taakanaaq chi muxb'il ru toj reetal taa'ok li q'oqyink.

Levítico 15:17 ပူးပေါင်းရင်းမြစ်များ

Levítico 15:16

Nak junak cui̱nk x-el xyaꞌal lix tzꞌejcual chi ma̱cuaꞌ xban yajel, tento nak ta̱ati̱nk ut muxbil ru ta̱cana̱k toj nak ta̱oc li kꞌojyi̱n.

Levítico 15:18

Cui junak cui̱nk xcuan riqꞌuin junak ixk, tento nak teꞌati̱nk chixcabichaleb ut muxbilakeb chic ruheb toj nak ta̱oc li kꞌojyi̱n.

Levítico 22:4

Ma̱ jun reheb li ralal xcꞌajol laj Aarón li cuan li yajel saklep chirix malaj ut na-el xyaꞌal lix tzꞌejcual naru tixtzaca li lokꞌlaj mayej chi toj ma̱jiꞌ xsantobresi rib. Joꞌcan ajcuiꞌ li tixmux rib riqꞌuin xchꞌeꞌbal li cꞌaꞌru quinak camenak chiru malaj ut cui xchꞌeꞌ li ani yo̱ chi e̱lc xyaꞌal lix tzꞌejcual.

Números 31:23

Chixjunil li chꞌi̱chꞌ ut chixjunil li cꞌa chic re ru li tixcuy cꞌatecꞌ, tento xnumsinquil saꞌ xam re xsantobresinquil. Abanan tento ajcuiꞌ xsantobresinquil riqꞌuin li haꞌ re santobresi̱nc. Ut chixjunil li incꞌaꞌ naru xnumsinquil saꞌ xam ta̱chꞌajekꞌ riqꞌuin li haꞌ re santobresi̱nc.

Deuteronomio 23:11

Nak ta̱ecuu̱k, ta̱ati̱nk ut naru na-oc cuiꞌchic saꞌ li naꞌajej li cua̱nkex cuiꞌ.

San Judas 1:23

Qꞌuehomak le̱ chꞌo̱l chixcolbal e̱ras e̱ri̱tzꞌin. Chanchan li yo̱kex chirisinquileb saꞌ xxamlel li xbalba. Ut li jun chꞌol chic eb laj kꞌetol a̱tin, cheruxta̱naheb ru aban tinye e̱re: cheqꞌuehak retal. Incꞌaꞌ chextzꞌako̱nk riqꞌuineb lix ma̱usilal xban nak numtajenakeb cuiꞌchic lix ma̱usilal. Xicꞌ cheril lix ma̱queb joꞌ junak kꞌel tꞌicr numtajenak xtzꞌajnil ru.