Levítico 14:8 - Li Santil hu

⁸ Li ac xqꞌuira tixpuchꞌ li rakꞌ. Tixbes chixjunil li rismal ut ta̱ati̱nk re nak incꞌaꞌ chic muxbilak ru. Ta̱oc cuiꞌchic saꞌ li tenamit, aban incꞌaꞌ ta̱oc chi ticto saꞌ lix muheba̱l. Cuukub cutan ta̱cua̱nk chirix lix muheba̱l.

Q'eqchi Bible

⁸ “Ani tixch'ajob'resi rib' tento tixpuch' li raq', tixch'aj rib' xjunes ut tixjo chixjunil li rismal, re naq taakanaaq chi ch'ajob'resinb'il. Chirix chik a'an taaruuq chi ok sa' li tenamit, ab'an toj wuqub' kutan chik tento twanq chirix li xmuheb'aal.

Levítico 14:8 ပူးပေါင်းရင်းမြစ်များ

Levítico 11:25

Li ani tixcuaclesi li camenak xul aꞌin, tento nak tixpuchꞌ li rakꞌ ut li jun aꞌan muxbil chic ru ta̱cana̱k toj ta̱oc li kꞌojyi̱n.

1 Pedro 3:21

Li butꞌi haꞌ, aꞌan retalil li cubi haꞌ colbilex cuiꞌ anakcuan. Li cubi haꞌ, aꞌan ma̱cuaꞌ re risinquil lix tzꞌajnil li katibel. Cuan ban xya̱lal. Aꞌan retalil nak cuybil sachbil chic li kama̱c. Ut nakatzꞌa̱ma chiru li Dios nak cha̱bilak li kacꞌaꞌux. Colbilo xban nak quicuacli cuiꞌchic chi yoꞌyo li Jesucristo.

Números 8:7

Joꞌcaꞌin ta̱ba̱nu re xsantobresinquileb. Ta̱rachrachi saꞌ xbe̱neb li haꞌ li nacꞌanjelac re santobresi̱nc ut ta̱ye reheb nak teꞌxjo li rismaleb ut teꞌxpuchꞌ li rakꞌeb re nak teꞌcana̱k chi santobresinbil.

Apocalipsis 7:14

Ut la̱in quinchakꞌoc ut quinye re: —Ka̱cuaꞌ, la̱at nacatnaꞌoc re.— Ut aꞌan quixye cue: —Aꞌaneb aꞌin li xeꞌcuyuc chak xnumsinquil li nimla raylal xeꞌxcꞌul. Aꞌaneb li cuybil sachbil lix ma̱queb xban nak quihoyeꞌ xquiqꞌuel li Jun li chanchan carner nak quicam saꞌ xcꞌabaꞌeb.

2 Crónicas 26:21

Ut li rey Uzías quicuan chi saklep rix toj retal quicam. Quicuan xjunes saꞌ jun li cab joꞌ eb chixjunileb li saklep rix. Incꞌaꞌ chic quiru chi oc saꞌ lix templo li Ka̱cuaꞌ. Ut laj Jotam, li ralal, qui-oc chi takla̱nc saꞌ xbe̱neb li tenamit chokꞌ ru̱chil.

Levítico 14:20

Ut tixmayeja saꞌ xbe̱n li artal rochben li mayej cꞌaj. Chi joꞌcaꞌin tixtoj rix lix ma̱c ut moco muxbilak ta chic ru.

Levítico 14:9

Saꞌ xcuuk li cutan tixbes cuiꞌchic chixjunil li rismal. Tixjo rib ut ta̱risi lix ma̱tz ru. Tixpuchꞌ li rakꞌ ut ta̱ati̱nk. Ut riqꞌuin aꞌan ta̱yema̱nk nak moco muxbil ta chic ru.

Levítico 8:6

Tojoꞌnak laj Moisés quixcꞌameb chi ubej laj Aarón ut eb li ralal ut quixchꞌajeb re xsantobresinquileb.

Éxodo 19:14

Laj Moisés quicube chak chiru li tzu̱l. Co̱ saꞌ xya̱nkeb li cristian ut quixkꞌaxtesiheb saꞌ rukꞌ li Dios. Ut eb li cristian quilajeꞌxpuchꞌ li rakꞌeb.

Éxodo 19:10

Li Dios quixye re laj Moisés: —Tatxic riqꞌuineb li cristian. Chiru li cutan aꞌin ut cuulaj ta̱kꞌaxtesiheb saꞌ cuukꞌ. Eb aꞌan teꞌxpuchꞌ li rakꞌeb, ut teꞌxti̱cobresi lix yuꞌameb chi tzꞌakal. Teꞌati̱nk ut teꞌxpuchꞌ li rakꞌeb joꞌ retalil nak xeꞌxyi̱b xyuꞌameb.

Levítico 15:13

Nak ac xqꞌuira li cui̱nk ut incꞌaꞌ chic na-el xyaꞌal lix tzꞌejcual, tento ta̱roybeni cuukub cutan. Tento nak ta̱ati̱nk ut tixpuchꞌ li rakꞌ riqꞌuin haꞌ li x-el saꞌ junak li yuꞌam haꞌ re nak incꞌaꞌ chic muxbilak ru.

Números 6:9

Muxbilak chic ru li rismal xjolom junak aj nazareo cui nacam junak chi nachꞌ riqꞌuin chi ma̱cꞌaꞌ saꞌ xchꞌo̱l. Tento nak saꞌ xcuuk li cutan tixsantobresi rib ut tixjo rismal xjolom.

Deuteronomio 21:12

Tixcꞌam li ixk saꞌ rochoch ut tixye re nak tixjo li rismal xjolom ut tixset li rixiꞌij.