Levítico 14:7 - Li Santil hu

⁷ Laj tij tixrach cuukub sut li quicꞌ saꞌ xbe̱n li cristian li ac xqꞌuira. Ut laj tij tixye nak ac xqꞌuira li cristian ut ta̱rachꞌab li tzentzeyul li yoꞌyo.

Q'eqchi Bible

⁷ Toja' naq wuqub' sut tixkirkiri sa' kik' li ani taach'ajob'resimanq chiru li saqlep, ut tixch'olob' naq a'an ink'a' chik muxb'il ru. Ut li yo'yookil xik'anel xul taa'ach'ab'aaq.

Levítico 14:7 ပူးပေါင်းရင်းမြစ်များ

Ezequiel 36:25

Chanchan nak texinchꞌajobresi riqꞌuin sak ru haꞌ nak tincuisi li ma̱usilal xeba̱nu nak xemux e̱rib riqꞌuin xlokꞌoninquil li jalanil dios.

Isaías 52:15

Abanan nabaleb li tenamit teꞌsach xchꞌo̱leb xban ut li nequeꞌtaklan saꞌ ruchichꞌochꞌ mem teꞌcana̱k nak teꞌril li ma̱ jun sut rilomeb ut nak teꞌxtau ru lix ya̱lal li ma̱ jun sut rabiomeb, chan li Dios.

2 Reyes 5:14

Joꞌcan nak laj Naamán co̱ saꞌ li nimaꞌ Jordán ut quixsub rib cuukub sut saꞌ li nimaꞌ joꞌ quiyeheꞌ re xban lix profeta li Dios. Ut quiqꞌuira. Lix tibel kꞌun kꞌun quicana joꞌ xtibel junak sa̱j al.

2 Reyes 5:10

Ut li profeta quixtakla jun lix takl re tixye re laj Naamán nak ta̱xic chi ati̱nc cuukub sut saꞌ li nimaꞌ Jordán re nak ta̱qꞌuira̱k lix tibel.

1 Pedro 1:2

Ac najter kꞌe cutan qui-ala chak saꞌ xchꞌo̱l li Dios Acuabej nak la̱exak li sicꞌbil e̱ru xban. Santobresinbilakex chic xban li Santil Musikꞌej re nak tex-abi̱nk ut texpa̱ba̱nk chiru li Jesucristo. Cuybilak chic le̱ ma̱c xban xquiqꞌuel li Jesucristo. Ut chicua̱nk taxak chi nabal li rusilal li Dios e̱riqꞌuin ut li tuktu̱quilal saꞌ e̱ya̱nk.

Hebreos 9:19

Nak laj Moisés quixye chixjunil li chakꞌrab reheb li tenamit, quixchap li cocꞌ rukꞌ li pim hisopo xcꞌabaꞌ ut caꞌchꞌin li caki lana. Quixtzꞌa saꞌ xquiqꞌuel li chiba̱t ut li ral cuacax yubil riqꞌuin haꞌ. Quixrachrachi li quicꞌ chiru li hu tzꞌi̱banbil cuiꞌ li chakꞌrab ut quixrachrachi ajcuiꞌ saꞌ xbe̱neb li tenamit.

Hebreos 9:13

Saꞌ lix pa̱ba̱leb junxil cuan nak riqꞌuin li cꞌaꞌru nequeꞌxba̱nu laj tij, nequeꞌxmux ru lix cꞌanjel saꞌ li tabernáculo. Ut re xsachbal lix paltileb queꞌxmayeja li chiba̱t ut li toro. Lix quiqꞌuel ut lix chahil li cꞌatbil tukꞌ ixk cuacax narachrachi̱c saꞌ xbe̱neb laj tij.

1 Juan 5:6

Li Jesucristo quicꞌulun saꞌ ruchichꞌochꞌ. Quixcꞌul li cubi haꞌ ut quihoyeꞌ ajcuiꞌ lix quiqꞌuel chiru li cruz. Ma̱cuaꞌ caꞌaj cuiꞌ li cubi haꞌ quixcꞌul. Quihoyeꞌ aj ban cuiꞌ lix quiqꞌuel. Li Santil Musikꞌej naxchꞌolob xya̱lal chiku chirix li Cristo. Ut ya̱l chixjunil li naxcꞌut chiku li Santil Musikꞌej.

Hebreos 12:24

Ut cuanquex chi sum a̱tin riqꞌuin li Ka̱cuaꞌ Jesucristo, li quixakaban xcuanquil li acꞌ contrato. Kꞌaxal nim xcuanquil lix quiqꞌuel li Jesucristo. Riqꞌuin aꞌan cuan xcuybal le̱ ma̱c. Ma̱cuaꞌ joꞌ li quicꞌ li quixmayeja laj Abel najter kꞌe cutan.

Hebreos 10:22

Joꞌcan nak chikaqꞌue kib rubel xcuanquil li Dios chi anchal kachꞌo̱l ut chi ma̱cꞌaꞌak kaxiu xban nak nakecꞌa nak ma̱cꞌaꞌ chic li kama̱c. Chꞌajbil chic li ka̱m xban xquiqꞌuel li Jesucristo ut cubsinbil chic kahaꞌ.

Hebreos 9:26

Cui ta quixmayeja rib nabal sut, nabal sut raj quicam chalen saꞌ xticlajic li ruchichꞌochꞌ. Aban incꞌaꞌ quixba̱nu chi joꞌcan. Li Jesucristo quicꞌulun re xrakbal li xbe̱n contrato ut jun sut ajcuiꞌ quixmayeja rib. Ut riqꞌuin aꞌan cuan xcuybal li ma̱c.

Hebreos 9:21

Ut laj Moisés quixrachrachi li quicꞌ chiru li tabernáculo joꞌ ajcuiꞌ chiru chixjunil li cꞌaꞌak re ru nacꞌanjelac saꞌ li tabernáculo re xlokꞌoninquil li Dios.

San Juan 19:34

Jun li soldado quixhop xcꞌatk xsaꞌ riqꞌuin lix chꞌi̱chꞌ ut saꞌ junpa̱t qui-el li quicꞌ ut qui-el ajcuiꞌ li haꞌ.

Miqueas 7:19

La̱at ta̱cuuxta̱na cuiꞌchic ku ut incꞌaꞌ chic ta̱nak saꞌ a̱chꞌo̱l li kama̱c. Chanchan cutbil saꞌ xchꞌamal li palau ta̱ba̱nu nak ta̱tzꞌekta̱na chi junaj cua li kama̱usilal.

Daniel 9:24

Laje̱b xca̱cꞌa̱l xama̱n teꞌxcꞌul li raylal li ac tenebanbil saꞌ xbe̱n lix santil tenamit li Dios, joꞌ eb ajcuiꞌ li ralal xcꞌajol re nak teꞌxtoj rix lix ma̱queb ut teꞌxcanab xba̱nunquil li ma̱usilal ut re nak teꞌxcanab xba̱nunquil li ma̱c. Nak ta̱xakaba̱k xcuanquil li ti̱quilal, ta̱cꞌulma̱nk li cꞌaꞌru quicꞌutbesi̱c cha̱cuu joꞌ ajcuiꞌ li queꞌxye li profeta ut li santil templo ta̱xakaba̱k cuiꞌchic.

Salmos 51:7

Chati̱cobresi taxak inchꞌo̱l re nak ma̱cꞌaꞌak chic inma̱c. Isi li ma̱c li cuan saꞌ li cua̱m re nak ta̱cana̱k chi sak ru joꞌ li ratzꞌam que.

Salmos 51:2

Chacuisiheb taxak lin ma̱usilal ut chati̱cobresi taxak lin chꞌo̱l re nak ma̱cꞌaꞌak chic inma̱c.

Levítico 16:22

Ut li te̱lom chiba̱t li ta̱rachꞌab chak saꞌ li chaki chꞌochꞌ tixcꞌam chixjunil lix ma̱usilaleb laj Israel saꞌ li naꞌajej li ma̱cꞌaꞌ cuiꞌ cristian.

Levítico 16:19

Ut tixrach li quicꞌ cuukub sut saꞌ xbe̱n li artal riqꞌuin ruꞌuj rukꞌ re nak li Dios tixsantobresi xban nak eb laj Israel nequeꞌxmux ru riqꞌuin li incꞌaꞌ us nequeꞌxba̱nu.

Levítico 16:14

Laj Aarón tixcꞌam caꞌchꞌinak xquiqꞌuel li toro. Riqꞌuin li ruꞌuj rukꞌ tixrach li quicꞌ saꞌ xbe̱n lix tzꞌapbal re li Lokꞌlaj Ca̱x li nacana saꞌ releb sakꞌe ut chiru li Lokꞌlaj Ca̱x tixrach cuukub sut li quicꞌ aꞌan.

Levítico 14:51

Chirix aꞌan tixtzꞌa li tzentzeyul li yoꞌyo saꞌ xquiqꞌuel li tzentzeyul camenak li junajinbil riqꞌuin li haꞌ. Ut tixtzꞌa ajcuiꞌ li tokol li cheꞌ chacalteꞌ, li hisopo, ut li caki nokꞌ. Ut tixrachrachi li quicꞌ chiru li cab cuukub sut.

Levítico 13:17

Laj tij ta̱ril chi us lix ra. Cui xsakoꞌ ru lix ra ut yo̱ chi qꞌuira̱c, laj tij tixye nak xqꞌuira li yaj ut moco muxbil ta chic ru.

Levítico 13:13

laj tij tixye nak moco muxbil ta ru xban nak sak chic ru lix ra.

Levítico 8:11

Cuukub sut quixrachrachi li aceite chiru li artal. Ut quixrachrachi ajcuiꞌ chiru li secꞌ ut li cꞌaꞌru nacꞌanjelac saꞌ li tabernáculo, joꞌ ajcuiꞌ li pila ut lix cꞌochleba̱l re xsantobresinquileb chiru li Ka̱cuaꞌ.

Levítico 4:17

Tixtzꞌa li ruꞌuj rukꞌ saꞌ li quicꞌ ut chiru li Ka̱cuaꞌ tixrach cuukub sut nachꞌ riqꞌuin li tꞌicr li naramoc re li Lokꞌlaj Santil Naꞌajej.

Levítico 4:6

Tixtzꞌa li ruꞌuj rukꞌ saꞌ li quicꞌ ut chiru li Ka̱cuaꞌ tixrach cuukub sut nachꞌ riqꞌuin li tꞌicr li naramoc re li Lokꞌlaj Santil Naꞌajej.

Números 19:12

Saꞌ li rox li cutan ut saꞌ li xcuuk li cutan tento nak tixsantobresi rib riqꞌuin li haꞌ re santobresi̱nc. Abanan cui incꞌaꞌ naxsantobresi rib saꞌ li rox cutan ut saꞌ li xcuuk li cutan, muxbilak ajcuiꞌ ru ta̱cana̱k.