Levítico 14:50 - Li Santil hu

⁵⁰ Tixcamsi jun li tzentzeyul saꞌ xbe̱n jun li chꞌochꞌ ucꞌal, cua̱nk haꞌ chi saꞌ, li isinbil saꞌ junak yuꞌam haꞌ.

Q'eqchi Bible

⁵⁰ Tixkamsi junaq ch'ina tz'ik sa' xb'een junaq ch'och' uk'al wanq chaab'il ha' chisa'.

Levítico 14:50 ပူးပေါင်းရင်းမြစ်များ

Levítico 14:49

Laj tij tixtakla xcꞌambal chak cuibak li tzentzeyul. Ut ta̱cꞌamekꞌ ajcuiꞌ chak jun tokolak li cheꞌ chacalteꞌ, jun li caki nokꞌ, ut jun li pim hisopo.

Levítico 14:51

Chirix aꞌan tixtzꞌa li tzentzeyul li yoꞌyo saꞌ xquiqꞌuel li tzentzeyul camenak li junajinbil riqꞌuin li haꞌ. Ut tixtzꞌa ajcuiꞌ li tokol li cheꞌ chacalteꞌ, li hisopo, ut li caki nokꞌ. Ut tixrachrachi li quicꞌ chiru li cab cuukub sut.

Levítico 14:4

Cui ac xqꞌuira li saklep rix, laj tij tixtakla xcꞌambal chak cuibak li tzentzeyul xcomoneb li incꞌaꞌ muxbileb ru re ta̱cꞌanjelak re li ac xqꞌuira. Ta̱cꞌamekꞌ ajcuiꞌ chak jun tokolak li cheꞌ chacalteꞌ, jun li caki nokꞌ, ut jun li pim hisopo xcꞌabaꞌ.

Levítico 14:5

Laj tij tixtakla xcamsinquil jun reheb li tzentzeyul saꞌ xbe̱n jun li chꞌochꞌ ucꞌal cua̱nk haꞌ chi saꞌ li isinbil saꞌ junak yuꞌam haꞌ.

Levítico 14:6

Chirix aꞌan laj tij tixtzꞌa li tzentzeyul li yoꞌyo saꞌ xquiqꞌuel li tzentzeyul li quicamsi̱c saꞌ xbe̱n li chꞌochꞌ ucꞌal li cuan haꞌ chi saꞌ. Ut tixtzꞌa ajcuiꞌ saꞌ li quicꞌ li cheꞌ chacalteꞌ ut li caki nokꞌ ut li hisopo.