Levítico 14:32 - Li Santil hu

³² Aꞌan aꞌin li chakꞌrab li tinqꞌue reheb li nebaꞌ li nequeꞌxyajeni li yajel saklep ut incꞌaꞌ nequeꞌxcuy xtzꞌak li jun chꞌol chic li mayej re nak ta̱qꞌuira̱k.

Q'eqchi Bible

³² A'an a'in li chaq'rab' chirixeb' li saqlep rixeb' ut ink'a' neke'ruhank xk'eeb'al junaq li xmayejeb' terto xtz'aq re xch'ajob'resinkileb'.

Levítico 14:32 ပူးပေါင်းရင်းမြစ်များ

Levítico 14:21

Cui nebaꞌ li cristian li ac xqꞌuira ut incꞌaꞌ naxcuy xtzꞌak naru tixcꞌam jun ajcuiꞌ li carner te̱lom toj sa̱j re xtojbal rix lix ma̱c. Tixcꞌam ajcuiꞌ caꞌchꞌin ma̱ o̱b libra li cha̱bil cꞌaj junajinbil riqꞌuin aceite re lix mayej ut mero litro li aceite.

Levítico 14:10

Saꞌ xcuakxak li cutan li cristian li ac xqꞌuira tixcꞌam saꞌ li tabernáculo cuib li cha̱bil carner te̱lom toj sa̱j ut li tzꞌakal re ru. Tixcꞌam ajcuiꞌ jun li ixki carner jun chihab cuan re ut tzꞌakal re ru. Tixcꞌam ajcuiꞌ numenak ca̱laju libra li cha̱bil cꞌaj rochben aceite re lix mayej. Tixcꞌam ajcuiꞌ mero botella li aceite.

San Mateo 11:5

Yehomak re nak eb li mutzꞌ nequeꞌiloc chic; eb li ye̱k rok nequeꞌbe̱c chic; eb li saklep rix xeꞌqꞌuirtesi̱c; eb li tzꞌap xic nequeꞌabin chic; eb li camenak nequeꞌcuaclesi̱c cuiꞌchic chi yoꞌyo; ut eb li nebaꞌ yo̱queb chirabinquil resil li usilal, chaꞌkex re.

Salmos 136:23

Aꞌan li natenkꞌan ke nak cuanco saꞌ raylal xban nak kꞌaxal nim li ruxta̱n saꞌ kabe̱n junelic.

Levítico 14:2

—Aꞌan aꞌin li chakꞌrab li tixba̱nu li saklep rix nak acak xqꞌuira. Ta̱cꞌamekꞌ riqꞌuin laj tij.

Levítico 13:59

Aꞌan aꞌin li chakꞌrab li tinqꞌue chirix li moꞌ li nanak chiru le̱ rakꞌ lana malaj ut lino, ut chiru li quembil tꞌicr malaj ut chiru li yi̱banbil riqꞌuin tzꞌu̱m. Yo̱quin chixyebal aꞌin e̱re re nak naru te̱qꞌue retal ma muxbil ru malaj ut incꞌaꞌ muxbil ru, chan li Dios.

Levítico 13:2

—Cui junak cristian cua̱nk junak li ra chiru xtibel, malaj ut xox chirix, malaj ut ta̱si̱po̱kꞌ lix tibel, li jun aꞌan tento ta̱cꞌamekꞌ riqꞌuin laj Aarón laj tij malaj ut riqꞌuin jun li ralal xcomoneb laj tij.

Levítico 14:31

Jun tixmayeja re xtzꞌa̱manquil xcuybal lix ma̱c ut li jun chic tixmayeja re li cꞌatbil mayej rochben lix mayej cꞌaj. Chi joꞌcan tixba̱nu laj tij re xtojbal rix lix ma̱c li xqꞌuira.

Levítico 14:33

Li Ka̱cuaꞌ quia̱tinac riqꞌuineb laj Moisés ut laj Aarón ut quixye reheb: