Levítico 14:25 - Li Santil hu

²⁵ Tixcamsi li carner li ta̱mayeja̱k re xtojbal rix li ma̱c. Tixqꞌue caꞌchꞌinak lix quiqꞌuel saꞌ lix xic li jun li ac xqꞌuira, li cuan saꞌ xnim. Tixqꞌue ajcuiꞌ saꞌ li ruꞌuj rukꞌ nim ut saꞌ li ruꞌuj rok nim li cuan saꞌ xnim.

Q'eqchi Bible

²⁵ Tixset xkux li karneer taamayejamanq chirix li maak, tixchap b'ayaq li xkik'el li karneer ut tixyul chi rub'el li xxik li taach'ajob'resiiq, ut chiru ajwi' li xna' ru'uj ruq' ut chiru li xna' ru'uj roq, a' li wankeb' sa' xseeb'al.

Levítico 14:25 ပူးပေါင်းရင်းမြစ်များ

Eclesiastés 5:1

Nak texxic saꞌ lix templo li Dios cheqꞌuehak retal chi us chanru le̱ naꞌleb. Incꞌaꞌ te̱qꞌue e̱chꞌo̱l xqꞌuebal li cꞌatbil mayej joꞌ nequeꞌxba̱nu li ma̱cꞌaꞌeb xnaꞌleb. Eb aꞌan incꞌaꞌ nequeꞌxqꞌue retal nak incꞌaꞌ us yo̱queb xban nak incꞌaꞌ nequeꞌxtau ru lix ya̱lal li yo̱queb chixba̱nunquil. Cheqꞌuehak ban e̱chꞌo̱l chixtzolbal lix ya̱lal.

Salmos 40:6

La̱at incꞌaꞌ nacacuaj nak tomayejak ut incꞌaꞌ nacacuaj nak ta̱cꞌatma̱nk li xul saꞌ xbe̱n li artal. Xacutanobresi ban li kanaꞌleb ut xkaqꞌue retal nak moco riqꞌuin ta li nakamayeja nak ta̱isi̱k li kama̱c.

Éxodo 29:20

Ta̱camsi li carner ut ta̱qꞌue caꞌchꞌinak lix quiqꞌuel chiru lix xic laj Aarón li cuan saꞌ xnim. Joꞌcan ajcuiꞌ ta̱ba̱nu riqꞌuineb li ralal. Ut joꞌcan ajcuiꞌ ta̱ba̱nu riqꞌuin li ruꞌuj rukꞌeb li nim li cuan saꞌ lix nim ukꞌeb. Ut joꞌcan ajcuiꞌ ta̱ba̱nu riqꞌuin li ruꞌuj rokeb li cuan saꞌ xnim rokeb. Ut li quicꞌ li ta̱elaꞌa̱nk ta̱rachrachi saꞌ li artal joꞌ ajcuiꞌ chixcꞌatk.

Levítico 5:7

Cui incꞌaꞌ tzꞌakal lix tumin re xlokꞌbal junak li sa̱j carner re xtzꞌa̱manquil xcuybal lix ma̱c chiru li Dios, tento nak tixqꞌue cuibak li mucuy malaj ut cuibak li paloma toj sa̱jeb. Jun tixqꞌue re xtojbal rix lix ma̱c ut jun tixqꞌue re ta̱cꞌatekꞌ.

Levítico 14:26

Ut laj tij tixqꞌue caꞌchꞌinak li aceite saꞌ lix tzꞌe ukꞌ.

Levítico 8:23

Laj Moisés quixcamsi li carner. Quixxoc lix quiqꞌuel ut quixqꞌue caꞌchꞌin saꞌ lix xic laj Aarón li cuan saꞌ xnim. Ut quixqꞌue ajcuiꞌ saꞌ li ruꞌuj rukꞌ nim li cuan saꞌ xnim ukꞌ ut saꞌ li ruꞌuj rok nim li cuan saꞌ xnim ok.