Levítico 14:22 - Li Santil hu

²² Tixcꞌam cuib li mucuy. Abanan cui ma̱cꞌaꞌ xtumin re xlokꞌbal aꞌan, naru tixcꞌam cuib li paloma toj sa̱j. Jun ta̱cꞌanjelak re xpatzꞌbal xcuybal lix ma̱c ut li jun chic ta̱cꞌanjelak re lix cꞌatbil mayej.

Q'eqchi Bible

²² wiib'aq mukuy malaj wiib'aq k'ook'ob' (a' yaal naxye ma wank chiru ut malaj ink'a'): jun taamayejamanq chirix li maak ut li jun chik a'anaq k'atb'il mayej.

Levítico 14:22 ပူးပေါင်းရင်းမြစ်များ

Ezequiel 7:16

Cuanqueb li teꞌe̱lelik saꞌ eb li tzu̱l re xcolbal ribeb joꞌ li mucuy li nequeꞌcuan saꞌ li ru takꞌa. Chixjunileb yo̱keb chi ya̱bac xban li ma̱usilal queꞌxba̱nu.

Jeremías 48:28

Canabomak le̱ tenamit ut texxic chi cua̱nc saꞌ xya̱nkeb li pec, la̱ex li cuanquex Moab. Chanchanakex chic li mucuy li naxyi̱b xsoc saꞌ li oqueba̱l re li ochoch pec.

Isaías 59:11

Nakajap ke. Chanchano li joskꞌ aj xul oso. Ut nocoya̱bac joꞌ li mucuy. Nakaj raj cua̱nc saꞌ ti̱quilal, abanan incꞌaꞌ naru. Nakaj raj nak li Dios toxcol, abanan aꞌan incꞌaꞌ nocoxtenkꞌa.

Isaías 38:14

Ma̱cꞌaꞌ chic inmetzꞌe̱u ut moco cau ta chic lix ya̱b lin cux. Ninya̱bac chanchan nak nequeꞌya̱bac li cuilix malaj ut chanchan nak nequeꞌya̱bac li mucuy. Nin-iloc saꞌ choxa. At Ka̱cuaꞌ, cꞌajoꞌ li raylal yo̱quin chixcꞌulbal. China̱tenkꞌa.

Cantares 2:14

La̱at chanchanat jun li mucuy li naxmuk rib saꞌ eb li sako̱nac ut saꞌ eb li naꞌajej chꞌaꞌaj xtaubal. China̱canab chirilbal la̱ cuu. China̱canab chirabinquil lix ya̱b la̱ cux. Cꞌajoꞌ xchꞌinaꞌusal la̱ cuu. Ut cꞌajoꞌ nak nacuulac chicuu rabinquil xya̱b la̱ cux.

Salmos 68:13

Usta la̱ex xexcanaba̱c chi mukmu saꞌ cab e̱rochben le̱ rucꞌal, abanan chanchanakex jun li paloma. Nalemtzꞌun li xicꞌ joꞌ li plata ut li rix nalemtzꞌun joꞌ li oro.

Levítico 5:7

Cui incꞌaꞌ tzꞌakal lix tumin re xlokꞌbal junak li sa̱j carner re xtzꞌa̱manquil xcuybal lix ma̱c chiru li Dios, tento nak tixqꞌue cuibak li mucuy malaj ut cuibak li paloma toj sa̱jeb. Jun tixqꞌue re xtojbal rix lix ma̱c ut jun tixqꞌue re ta̱cꞌatekꞌ.

Levítico 14:21

Cui nebaꞌ li cristian li ac xqꞌuira ut incꞌaꞌ naxcuy xtzꞌak naru tixcꞌam jun ajcuiꞌ li carner te̱lom toj sa̱j re xtojbal rix lix ma̱c. Tixcꞌam ajcuiꞌ caꞌchꞌin ma̱ o̱b libra li cha̱bil cꞌaj junajinbil riqꞌuin aceite re lix mayej ut mero litro li aceite.

Levítico 14:24

Laj tij tixchap li carner li toj sa̱j li ta̱mayeja̱k re xtojbal rix lix ma̱c li cristian li ac xqꞌuira ut tixchap ajcuiꞌ li aceite ut tixtaksiheb saꞌ rukꞌ chiru li Ka̱cuaꞌ.

Levítico 15:14

Saꞌ xcuakxak li cutan tixcꞌam cuib li mucuy malaj cuib li paloma toj sa̱jeb. Tixcꞌam li xul chiru li Ka̱cuaꞌ chiru li oqueba̱l re li tabernáculo ut tixkꞌaxtesi re laj tij.

Números 6:10

Saꞌ xcuakxak li cutan tixcꞌam cuib li paloma malaj ut cuib li mucuy ut tixqꞌue re laj tij saꞌ li oqueba̱l re li tabernáculo.