Levítico 14:21 - Li Santil hu

²¹ Cui nebaꞌ li cristian li ac xqꞌuira ut incꞌaꞌ naxcuy xtzꞌak naru tixcꞌam jun ajcuiꞌ li carner te̱lom toj sa̱j re xtojbal rix lix ma̱c. Tixcꞌam ajcuiꞌ caꞌchꞌin ma̱ o̱b libra li cha̱bil cꞌaj junajinbil riqꞌuin aceite re lix mayej ut mero litro li aceite.

Q'eqchi Bible

²¹ “Wi neb'a' li yaj ut maak'a' xtumin re xloq'b'al eb' li mayej a'an, tixchap chaq junaq karneer cho'q xmayej re xtojb'al rix li maak ut tixq'axtesi jo' jun chaab'il mayej re taakuymanq li xmaak, rochb'eenaq kaahib' liib'r li k'aj triiw yoq'lenb'ilaq rik'in aseeyt, jo' jun mayej k'aj triiw, rochb'eenaq ajwi' waqib' liib'r chi aseeyt,

Levítico 14:21 ပူးပေါင်းရင်းမြစ်များ

Levítico 5:7

Cui incꞌaꞌ tzꞌakal lix tumin re xlokꞌbal junak li sa̱j carner re xtzꞌa̱manquil xcuybal lix ma̱c chiru li Dios, tento nak tixqꞌue cuibak li mucuy malaj ut cuibak li paloma toj sa̱jeb. Jun tixqꞌue re xtojbal rix lix ma̱c ut jun tixqꞌue re ta̱cꞌatekꞌ.

Levítico 12:8

Cui li ixk incꞌaꞌ ta̱ru̱k xlokꞌbal li carner, naru tixqꞌue cuib li mucuy malaj ut cuib li paloma toj sa̱jeb. Jun tixqꞌue re li cꞌatbil mayej ut li jun chic tixqꞌue re nak incꞌaꞌ chic muxbil ru. Chi joꞌcaꞌin laj tij tixtoj rix lix ma̱c ut li ixk ta̱santobresi̱k riqꞌuin lix yajel.

Proverbios 17:5

Li ani nequeꞌhoboc reheb li nebaꞌ, aꞌ li Dios li quiyi̱ban reheb nequeꞌxhob. Ut li ani nasahoꞌ saꞌ xchꞌo̱l chirilbal li raylal nequeꞌxcꞌul, aꞌan incꞌaꞌ ta̱cana̱k chi incꞌaꞌ teꞌxtoj xma̱c.

2 Corintios 8:12

Li ani na-ala saꞌ xchꞌo̱l xqꞌuebal xmayej, li Dios naxcꞌul lix mayej aꞌ yal joꞌ nimal cuan chiru. Li Dios incꞌaꞌ naxpatzꞌ li ma̱cꞌaꞌ chiru.

2 Corintios 8:9

La̱ex ac nequenau nak kꞌaxal nim li rusilal li Ka̱cuaꞌ Jesucristo. Aꞌan quixcanab chak lix biomal saꞌ choxa ut quicuan saꞌ nebaꞌil arin saꞌ ruchichꞌochꞌ yal e̱ban la̱ex. Quixba̱nu chi joꞌcaꞌin yal re nak la̱ex te̱cꞌul li biomal li naxqꞌue li Dios.

San Lucas 6:20

Ut li Jesús quirileb lix tzolom ut qui-oc chixyebal: —Us xak e̱re la̱ex li nebaꞌex, xban nak cuanquex chic rubel xcuanquil li Dios.

Proverbios 22:2

Li biom ut li nebaꞌ juntakꞌe̱teb xban nak li Dios quiyi̱ban reheb.

Li xHu LAJ JOB 34:19

Li Dios incꞌaꞌ naxsicꞌ ruheb li ani tixra. Juntakꞌe̱t ban narileb li rey ut eb li biom joꞌ ajcuiꞌ eb li nebaꞌ. ¿Ma ma̱cuaꞌ ta biꞌ aꞌan li quiyoꞌobtesin reheb chixjunileb?

1 Samuel 2:8

Aꞌan narisiheb li nebaꞌ saꞌ nebaꞌil ut aꞌan ajcuiꞌ na-isin reheb saꞌ nebaꞌil li nequeꞌxtzꞌa̱ma xcua chire cablal. Naxqꞌueheb chi cua̱nc saꞌ xya̱nkeb li cuanqueb xcuanquil ut naxqꞌueheb saꞌ jun li naꞌajej kꞌaxal lokꞌ. Naxba̱nu chi joꞌcan xban nak aꞌan ya̱l re saꞌ xbe̱n li nacu̱tun re li ruchichꞌochꞌ, ut aꞌan ajcuiꞌ li quiqꞌuehoc re li ruchichꞌochꞌ saꞌ xnaꞌaj.

Levítico 14:22

Tixcꞌam cuib li mucuy. Abanan cui ma̱cꞌaꞌ xtumin re xlokꞌbal aꞌan, naru tixcꞌam cuib li paloma toj sa̱j. Jun ta̱cꞌanjelak re xpatzꞌbal xcuybal lix ma̱c ut li jun chic ta̱cꞌanjelak re lix cꞌatbil mayej.

Levítico 5:11

Abanan cui li ani ta̱ma̱cobk incꞌaꞌ tzꞌakal lix tumin re tixlokꞌ cuibak li mucuy malaj ut cuibak li paloma sa̱jeb, tento nak tixqꞌue chokꞌ xmayej re xtzꞌa̱manquil xcuybal lix ma̱c ca̱hib libra riqꞌuin media li cha̱bil cꞌaj. Incꞌaꞌ tixqꞌue li aceite saꞌ xbe̱n chi moco tixqꞌue li incienso xban nak li mayej aꞌan re xtzꞌa̱manquil xcuybal lix ma̱c.

Levítico 1:14

Cui tixmayeja chokꞌ xcꞌatbil mayej jun li xul narupupic, tento nak mucuy malaj ut jun li paloma li toj sa̱j li tixmayeja.

Levítico 14:10

Saꞌ xcuakxak li cutan li cristian li ac xqꞌuira tixcꞌam saꞌ li tabernáculo cuib li cha̱bil carner te̱lom toj sa̱j ut li tzꞌakal re ru. Tixcꞌam ajcuiꞌ jun li ixki carner jun chihab cuan re ut tzꞌakal re ru. Tixcꞌam ajcuiꞌ numenak ca̱laju libra li cha̱bil cꞌaj rochben aceite re lix mayej. Tixcꞌam ajcuiꞌ mero botella li aceite.

Levítico 27:8

Ut cui li quiyechiꞌin re li Ka̱cuaꞌ nebaꞌ ut incꞌaꞌ tixcuy xtojbal, tento nak ta̱cꞌamekꞌ riqꞌuin laj tij. Ut laj tij, aꞌan li yal re saꞌ xbe̱n joꞌ nimal naru tixtoj.

Ezequiel 46:7

Nak tixqꞌue li toro tixqꞌue ajcuiꞌ junmay litro li cꞌaj. Ut tixqꞌue junmay litro rochben li carner te̱lom. Ut tixqꞌue li joꞌ qꞌuial na-ala saꞌ xchꞌo̱l rochbeneb li cocꞌ carner. Ut tixqꞌue ajcuiꞌ oxib litro riqꞌuin media litro li aceite rochben li ju̱nkmay litro li cꞌaj.