Levítico 14:19 - Li Santil hu

¹⁹ Ut laj tij ta̱mayejak re xtojbal rix lix ma̱c li jun li ac xqꞌuira. Chirix aꞌan tixcamsi li xul re li cꞌatbil mayej.

Q'eqchi Bible

¹⁹ Toja' naq laj tij tixq'axtesi li mayej chirix li maak, ut chi jo'kan taach'ajob'resimanq li muxb'il ru. Chirix chik a'an tixmayeja li xul li taayeechi'imanq jo' k'atb'il mayej.

Levítico 14:19 ပူးပေါင်းရင်းမြစ်များ

Levítico 14:12

Tixchap jun li carner te̱lom laj tij ut tixchap li aceite. Tixtaksi chiru li Ka̱cuaꞌ ut tixmayeja joꞌ li mayej nequeꞌxqꞌue nak nequeꞌxkꞌet lix chakꞌrab li Ka̱cuaꞌ.

2 Corintios 5:21

Li Jesucristo ma̱ jun sut quima̱cob. Abanan li Dios quixqꞌue li kama̱c saꞌ xbe̱n li Cristo re nak saꞌ xcꞌabaꞌ aꞌan, la̱o takatau lix ti̱quilal kachꞌo̱l li naxqꞌue li Dios.

Romanos 8:3

Li najter chakꞌrab incꞌaꞌ naru toxcol chiru li ma̱c ut li ca̱mc. Ma̱cꞌaꞌ xcuanquil re kacolbal xban nak incꞌaꞌ nocoru chixba̱nunquil li naxye. Incꞌaꞌ nocoru chixba̱nunquil li naxye xban nak chalen chak saꞌ kayoꞌlajic la̱o aj ma̱c. Aban li Dios xoxcol chiru li ma̱c. Quixtakla chak li Jesucristo li Ralal chi tzꞌejcualocꞌ saꞌ ruchichꞌochꞌ. Li Ka̱cuaꞌ Jesucristo quixmayeja rib re xsachbal xcuanquil li ma̱c.

Levítico 5:6

Tento nak tixqꞌue chokꞌ xmayej chiru li Ka̱cuaꞌ re xtzꞌa̱manquil xcuybal lix ma̱c jun li ixki carner malaj ut li ixki chiba̱t. Ut laj tij tixmayeja chiru li Ka̱cuaꞌ re xtojbal rix lix ma̱c.

Levítico 5:1

Cui junak ta̱bokekꞌ chokꞌ testigo chirix junak cꞌaꞌak re ru quiril malaj quirabi, ut aꞌan incꞌaꞌ tixye lix ya̱lal, aꞌan cuan xma̱c.

Levítico 14:14

Laj tij tixchap caꞌchꞌinak lix quiqꞌuel li carner ut tixqꞌue saꞌ lix xic li xqꞌuira li cuan saꞌ xnim. Tixqꞌue ajcuiꞌ saꞌ li nimla ruꞌuj rukꞌ, li cuan saꞌ xnim. Ut tixqꞌue ajcuiꞌ saꞌ li nimla ruꞌuj rok li cuan saꞌ xnim.

Levítico 15:15

Ut laj tij tixmayejaheb. Li jun tixmayeja re xtzꞌa̱manquil xcuybal xma̱c li cui̱nk. Ut li jun chic tixmayeja re lix cꞌatbil mayej. Joꞌcaꞌin tixba̱nu laj tij re nak li cui̱nk ta̱santobresi̱k chiru li Ka̱cuaꞌ riqꞌuin lix yajel.