Levítico 13:6 - Li Santil hu

⁶ Ut laj tij ta̱ril cuiꞌchic lix ra saꞌ xcuuk li cutan. Cui lix ra yo̱ chi qꞌuira̱c ut incꞌaꞌ xniman, laj tij tixye nak yo̱ chi qꞌuira̱c lix ra. Yal xox li qui-el chirix ut moco muxbil ta ru. Li yaj tixpuchꞌ li rakꞌ ut moco muxbil ta ru.

Q'eqchi Bible

⁶ Sa' xwuq li kutan taaril wi' chik, ut wi li yajel yo chi sachk ut ink'a' xjek'i rib' chiru xtz'uumal, toja' naq laj tij tixye naq saq chik ru li yaj: a'an yal jun katzkatzil xox chiru li xtz'uumal. Li yaj tixpuch' li raq' ut ch'ajob'resinb'il chik taakanaaq.

Levítico 13:6 ပူးပေါင်းရင်းမြစ်များ

Levítico 11:25

Li ani tixcuaclesi li camenak xul aꞌin, tento nak tixpuchꞌ li rakꞌ ut li jun aꞌan muxbil chic ru ta̱cana̱k toj ta̱oc li kꞌojyi̱n.

Levítico 14:8

Li ac xqꞌuira tixpuchꞌ li rakꞌ. Tixbes chixjunil li rismal ut ta̱ati̱nk re nak incꞌaꞌ chic muxbilak ru. Ta̱oc cuiꞌchic saꞌ li tenamit, aban incꞌaꞌ ta̱oc chi ticto saꞌ lix muheba̱l. Cuukub cutan ta̱cua̱nk chirix lix muheba̱l.

Santiago 3:2

Chikajunilo la̱o nocopaltoꞌ chi cocꞌ aj saꞌ. Cui cuan junak ma̱cꞌaꞌ xpaltil riqꞌuin li ra̱tin, aꞌan tzꞌakal re ru. Li ani naru naxcuy rib riqꞌuin li naxye, naru ajcuiꞌ naxcuy rib riqꞌuin li cꞌaꞌru naraj xba̱nunquil.

Hebreos 10:22

Joꞌcan nak chikaqꞌue kib rubel xcuanquil li Dios chi anchal kachꞌo̱l ut chi ma̱cꞌaꞌak kaxiu xban nak nakecꞌa nak ma̱cꞌaꞌ chic li kama̱c. Chꞌajbil chic li ka̱m xban xquiqꞌuel li Jesucristo ut cubsinbil chic kahaꞌ.

Hebreos 9:10

Saꞌ lix pa̱ba̱leb junxil cuan li chakꞌrab chirix li cꞌaꞌru teꞌxtzaca ut cꞌaꞌru teꞌrucꞌ joꞌ ajcuiꞌ chanru nak teꞌchꞌajok re xsantobresinquileb rib. Usta incꞌaꞌ quijala lix naꞌlebeb, aban tento queꞌxba̱nu li chakꞌrab aꞌan toj quicuulac xkꞌehil nak li Dios quixjal nak quixqꞌue li acꞌ naꞌleb.

2 Corintios 7:1

Joꞌcan ut ex inherma̱n, chixjunil aꞌin yechiꞌinbil ke la̱o. Joꞌcan nak chikacanabak chixjunil li ma̱usilal li namuxuc ru li katibel ut li ka̱m. Xban nak nakaxucua ru li Dios chikaqꞌue kachꞌo̱l chi cua̱nc saꞌ santilal.

Romanos 14:1

Checꞌulakeb chi sa saꞌ e̱chꞌo̱l li toj kꞌuneb xchꞌo̱l saꞌ lix pa̱ba̱leb ut me̱cuechꞌi rix lix cꞌaꞌuxeb.

Isaías 42:3

Incꞌaꞌ tixrahobtesi li tacuajenakeb. Incꞌaꞌ tixchoy xtokbal li caxlan aj li ac tokecꞌ re, chi moco tixchoy xchupbal li ru xam li toj yo̱ chi e̱lc xsibel. Tixxakab lix cuanquil ut ta̱rakok a̱tin saꞌ ti̱quilal.

Eclesiastés 7:20

Relic chi ya̱l ma̱ jun cuan saꞌ ruchichꞌochꞌ li kꞌaxal ta ti̱c xchꞌo̱l chi incꞌaꞌ ta ta̱ma̱cobk.

Proverbios 20:9

Ma̱ ani naru nayehoc re nak tzꞌakal re ru li ra̱m. Incꞌaꞌ naru naxye nak ma̱cꞌaꞌ chic li ma̱c riqꞌuin.

Salmos 19:12

Cuan nak nocoma̱cob chi incꞌaꞌ nakaqꞌue retal. Joꞌcan nak nintzꞌa̱ma cha̱cuu nak ta̱cuy li ma̱c li ninba̱nu chi incꞌaꞌ ninqꞌue retal.

1 Reyes 8:45

Ut la̱at toj saꞌ choxa ta̱cuabi lix tijeb nak tateꞌxya̱ba. Ut la̱at ta̱tenkꞌaheb saꞌ ti̱quilal.

1 Reyes 8:38

chacuabi taxak lix tijeb laj Israel nak teꞌcha̱lk chixya̱banquil la̱ cꞌabaꞌ ut chi tijoc cha̱cuu saꞌ li naꞌajej aꞌin. Chacuabi lix tijeb yalak ani li ta̱cha̱lk chi tijoc saꞌ li naꞌajej aꞌin. Ma̱re la̱ tenamit Israel teꞌcha̱lk chi tijoc cha̱cuu nak teꞌrecꞌa xrahil li raylal li yo̱keb chixcꞌulbal. Ut ma̱re teꞌxtaksi li rukꞌeb chi tijoc saꞌ li templo aꞌin.

Deuteronomio 32:5

La̱ex lix tenamit li Ka̱cuaꞌ queba̱nu li ma̱usilal. Quecꞌut e̱xuta̱n. Moco e̱cꞌulub ta nak la̱ex li ralal xcꞌajol. Nequexma̱cob ut incꞌaꞌ us le̱ naꞌleb.

Levítico 13:2

—Cui junak cristian cua̱nk junak li ra chiru xtibel, malaj ut xox chirix, malaj ut ta̱si̱po̱kꞌ lix tibel, li jun aꞌan tento ta̱cꞌamekꞌ riqꞌuin laj Aarón laj tij malaj ut riqꞌuin jun li ralal xcomoneb laj tij.

Levítico 11:40

Ut cui junak tixtiu xtibel li camenak xul, li jun aꞌan tento nak tixpuchꞌ li rakꞌ. Abanan muxbilak ru ta̱cana̱k toj ta̱oc li kꞌojyi̱n. Ut li ani tixpako li camenak xul tixmux rib. Tento nak tixpuchꞌ li rakꞌ ut muxbilak ru ta̱cana̱k toj ta̱oc li kꞌojyi̱n.

Levítico 11:28

Li ani tixcuaclesi junak li camenak xul xcomoneb aꞌan, tento nak tixpuchꞌ li rakꞌ ut li jun aꞌan muxbil chic ru ta̱cana̱k toj ta̱oc li kꞌojyi̱n.

Levítico 13:5

Ut saꞌ li xcuuk li cutan laj tij ta̱ril cuiꞌchic lix ra li yaj. Cui ta̱ril nak incꞌaꞌ yo̱ chi nima̱nc lix ra, li yaj ta̱cana̱k cuukub cutan chic xjunes.

Levítico 13:7

Abanan cui lix ra yo̱k chi nima̱nc chirix nak laj tij quixye nak moco muxbil ta ru, tento nak tixcꞌut cuiꞌchic lix ra chiru laj tij.