Levítico 13:46 - Li Santil hu

⁴⁶ Muxbil ru ta̱cana̱k toj nak ta̱qꞌuira̱k. Teꞌxqꞌue chi cua̱nc xjunes toj chirix li naꞌajej li cuanqueb cuiꞌ lix muheba̱leb.

Q'eqchi Bible

⁴⁶ Jo' najtil wanq li saqlep chirix, taakanaaq chi tz'ajn ru li xtib'el ut tento wanq xjunes, toj chirix li na'ajej wankeb' wi' xmuheb'aaleb' li tenamit.

Levítico 13:46 ပူးပေါင်းရင်းမြစ်များ

2 Reyes 7:3

Cuanqueb ca̱hib li cui̱nk saklep rixeb chire li oqueba̱l re li tenamit. Queꞌxye chi ribileb rib: —¿Cꞌaꞌut nak cuanco arin roybeninquil kacamic?

2 Reyes 15:5

Li Ka̱cuaꞌ Dios quixqꞌue jun li yajel saklep chirix li rey Azarías. Joꞌcan nak quicuan xjunes saꞌ rochoch toj chalen nak quicam. Ut laj Jotam li ralal quicuan saꞌ li palacio ut quitaklan saꞌ xbe̱neb li tenamit.

2 Crónicas 26:21

Ut li rey Uzías quicuan chi saklep rix toj retal quicam. Quicuan xjunes saꞌ jun li cab joꞌ eb chixjunileb li saklep rix. Incꞌaꞌ chic quiru chi oc saꞌ lix templo li Ka̱cuaꞌ. Ut laj Jotam, li ralal, qui-oc chi takla̱nc saꞌ xbe̱neb li tenamit chokꞌ ru̱chil.

Apocalipsis 22:15

Abanan li incꞌaꞌ useb xnaꞌleb incꞌaꞌ ta̱ru̱k teꞌoc saꞌ li tenamit aꞌan, chi moco laj tu̱l, chi moco laj coꞌbe̱t laj yumbe̱t, chi moco li nequeꞌxcamsi ras ri̱tzꞌineb ut eb li nequeꞌlokꞌonin jalanil dios joꞌqueb ajcuiꞌ li nequeꞌcuulac chiru balakꞌic ut ticꞌtiꞌic.

Apocalipsis 21:27

Li ani cuanqueb xma̱c incꞌaꞌ ta̱ru̱k teꞌoc aran. Eb li nequeꞌxba̱nu ma̱usilal chi moco li nequeꞌticꞌtiꞌic, teꞌoc saꞌ li tenamit aꞌan. Li ani teꞌoc aran, caꞌaj cuiꞌ li tzꞌi̱banbileb xcꞌabaꞌ saꞌ lix hu li Jun li chanchan carner, li hu li tzꞌi̱banbil cuiꞌ xcꞌabaꞌeb li cuanqueb xyuꞌam chi junelic.

1 Timoteo 6:5

Eb li cui̱nk aꞌin, junes cuechꞌi̱nc nequeꞌxba̱nu. Moco tuktu ta xcꞌaꞌuxeb ut moco ya̱l ta li nequeꞌxye. Nequeꞌxcꞌoxla nak riqꞌuin lix pa̱ba̱leb teꞌxtau xtumineb. Ma̱junaji a̱cuib riqꞌuineb aꞌan.

2 Ts 3:14

Cui ut cuan junak saꞌ e̱ya̱nk incꞌaꞌ naraj xpa̱banquil li a̱tin aꞌin li xkatzꞌi̱ba e̱re saꞌ li hu aꞌin, cheqꞌuehak retal aꞌan. Ut me̱rochbeni e̱rib riqꞌuin re nak ta̱xuta̱na̱k.

2 Ts 3:6

Ut nakajultica che̱ru ex herma̱n, saꞌ xcꞌabaꞌ li Jesucristo nak cherisi e̱rib riqꞌuineb li herma̱n li yal subuc cutan nequeꞌxba̱nu ut incꞌaꞌ nequeꞌxpa̱b le̱ tijbal qꞌuebil e̱re kaban.

1 Corintios 5:5

Isihomak li cui̱nk aꞌan saꞌ e̱ya̱nk. Nak cua̱nk chic saꞌ rukꞌ laj tza tixcꞌul li raylal ut riqꞌuin li raylal tixcꞌul, tixcanab taxak xba̱nunquil li ma̱usilal re nak naru ta̱colekꞌ nak tol-e̱lk cuiꞌchic li Jesucristo.

San Lucas 17:12

Nak yo̱ chi cuulac saꞌ jun li cꞌaleba̱l, queꞌchal chixcꞌulbal laje̱b li cui̱nk saklep rixeb. Eb aꞌan najt queꞌxakli riqꞌuin li Jesús.

Lamentaciones 1:8

Kꞌaxal cuiꞌchic numtajenak li ma̱c queꞌxba̱nu eb laj Jerusalén. Xban li ma̱usilal queꞌxba̱nu incꞌaꞌ chic nequeꞌqꞌueheꞌ xlokꞌal. Eb li queꞌqꞌuehoc xlokꞌaleb laj Jerusalén junxil, anakcuan nequeꞌxtzꞌekta̱na xban nak xeꞌxqꞌue retal li ma̱usilal queꞌxba̱nu. Joꞌcan nak yo̱queb chi ya̱bac ut nequeꞌxuta̱na̱c eb laj Jerusalén.

Lamentaciones 1:1

Tokꞌob xak ru li tenamit Jerusalén. Ma̱cꞌaꞌ chic cuan chi saꞌ. Nimla tenamit nak quicuan, abanan anakcuan chanchan aj chic jun xma̱lcaꞌan xcana. Junxil li tenamit Jerusalén kꞌaxal nim saꞌ xya̱nkeb chixjunileb li tenamit ut aꞌan nataklan saꞌ xbe̱neb. Abanan anakcuan aꞌan chic li natakla̱c.

Proverbios 30:12

Cuanqueb li nequeꞌxcꞌoxla nak tzꞌakal re ru lix yuꞌameb, abanan toj ma̱jiꞌ cuybil sachbil lix ma̱queb.

Levítico 13:47

Cui ta̱moꞌo̱nk junak li akꞌej, usta lana usta lino, malaj ut ta̱moꞌo̱nk li cꞌaꞌak re ru yi̱banbil riqꞌuin lana malaj lino,

Levítico 14:3

Laj tij ta̱xic toj chirix lix naꞌaj lix muheba̱leb chirilbal ma ac xqꞌuira li saklep chirix.

Levítico 23:29

Li ani incꞌaꞌ tixba̱nu lix ayu̱n saꞌ li cutan aꞌan, li jun aꞌan ta̱isi̱k saꞌ xya̱nkeb laj Israel.

2 Samuel 3:29

Chicana̱k ta li ma̱c aꞌin saꞌ xbe̱n laj Joab ut saꞌ xbe̱neb li ralal xcꞌajol. Saꞌ xya̱nkeb li ralal xcꞌajol junelic ta̱cua̱nk li raylal. Ta̱cua̱nk li xox li naxyaꞌali rib, ut li saklep rix. Ta̱cua̱nk li ye̱k rok. Ta̱cua̱nk li teꞌcamsi̱k saꞌ ple̱t, malaj ut incꞌaꞌ ta̱tzꞌaklok lix tzacae̱mkeb, chan laj David.

Lamentaciones 4:15

Nequeꞌxye reheb: —Elenkex chiku. Muxbil e̱ru. Ayukex. Incꞌaꞌ tojilok e̱riqꞌuin, chanqueb li tenamit reheb. Queꞌe̱lelic ut queꞌco̱eb yalak bar saꞌ jalan tenamit. Ut eb li tenamit aꞌan queꞌxye: —Ma̱ jokꞌe naru teꞌcua̱nk saꞌ kaya̱nk.—