Levítico 13:45 - Li Santil hu

⁴⁵ Li ani saklep rix ta̱rocsi li rakꞌ pejel ut incꞌaꞌ tixtzꞌap xjolom. Tixtzꞌap li ru ut tixjap re chixyebal “Saklep cuix. Incꞌaꞌ chic usin.”

Q'eqchi Bible

⁴⁵ “Ani saqlep rix, tento twanq chi q'ichb'ilaq li raq' ut ink'a' lanb'ilaq li xjolom; ka'ajwi' tixtz'ap b'ayaq li xnaq' ru ut tixjap re chi xyeeb'al: «Muxb'ilin! Muxb'ilin!», cha'aq.

Levítico 13:45 ပူးပေါင်းရင်းမြစ်များ

Miqueas 3:7

Quixye ajcuiꞌ laj Miqueas: —Xuta̱nal teꞌxcꞌul li teꞌoc raj xyebal li cꞌaꞌru ta̱cꞌulma̱nk. Ut talajeꞌsachk xnaꞌlebeb laj kꞌe. Ma̱cꞌaꞌ chic ta̱ru̱k teꞌxye xban nak incꞌaꞌ chic teꞌsume̱k xban li Ka̱cuaꞌ Dios.

Levítico 10:6

Laj Aarón cuan rochbeneb laj Eleazar ut laj Itamar li ralal cuib. Laj Moisés quixye reheb: —Me̱risi xbatbal le̱ jolom ut me̱kꞌich le̱ rakꞌ xban xrahil e̱chꞌo̱l re nak incꞌaꞌ texca̱mk ajcuiꞌ la̱ex ut re nak incꞌaꞌ ta̱cha̱lk xjoskꞌil li Ka̱cuaꞌ Dios saꞌ xbe̱neb chixjunileb li tenamit. Aban le̱ rech tenamitil aj Israel teꞌrahokꞌ saꞌ xchꞌo̱leb xban li xam li quixtakla chak li Ka̱cuaꞌ.

Ezequiel 24:17

Incꞌaꞌ ta̱cꞌut nak ra saꞌ a̱chꞌo̱l. Incꞌaꞌ ta̱cuisi li tꞌicr li nacabacꞌ saꞌ a̱jolom, chi moco ta̱cuisi la̱ xa̱b retalil xrahil a̱chꞌo̱l. Incꞌaꞌ ta̱tzꞌap a̱jolom chi moco ta̱tzaca li tzacae̱mk li nequeꞌxtzaca li raheb saꞌ xchꞌo̱l, chan.

Lamentaciones 4:15

Nequeꞌxye reheb: —Elenkex chiku. Muxbil e̱ru. Ayukex. Incꞌaꞌ tojilok e̱riqꞌuin, chanqueb li tenamit reheb. Queꞌe̱lelic ut queꞌco̱eb yalak bar saꞌ jalan tenamit. Ut eb li tenamit aꞌan queꞌxye: —Ma̱ jokꞌe naru teꞌcua̱nk saꞌ kaya̱nk.—

San Lucas 17:12

Nak yo̱ chi cuulac saꞌ jun li cꞌaleba̱l, queꞌchal chixcꞌulbal laje̱b li cui̱nk saklep rixeb. Eb aꞌan najt queꞌxakli riqꞌuin li Jesús.

Ezequiel 24:22

Nak te̱cꞌul aꞌan, la̱ex te̱ba̱nu joꞌ xinba̱nu la̱in. Incꞌaꞌ te̱tzꞌap e̱rib joꞌ nequeꞌxba̱nu li raheb saꞌ xchꞌo̱l, chi moco te̱tzaca li tzacae̱mk li nequeꞌxtzaca li raheb saꞌ xchꞌo̱leb.

Levítico 21:10

Lix yucuaꞌil eb laj tij, aꞌan quiqꞌueheꞌ li aceite saꞌ xjolom. Ut aꞌan kꞌaxtesinbil chirocsinquil li rakꞌeb laj tij. Joꞌcan nak incꞌaꞌ ta̱risi li tꞌicr li bacꞌbo saꞌ jolom ut incꞌaꞌ tixpej li rakꞌ xban xrahil xchꞌo̱l.

San Lucas 5:8

Nak quiril chixjunil aꞌin laj Simón Pedro, quixcuikꞌib rib chiru li Jesús ut quixye re: —Canabin injunes, at Ka̱cuaꞌ. Ma̱cuaꞌ incꞌulub nak cua̱nkat cuiqꞌuin xban nak la̱in jun cui̱nk aj ma̱c, chan.

Isaías 64:6

Chikajunilo xoma̱cob cha̱cuu. Li kati̱quilal, aꞌan chanchan jun li tꞌicr tzꞌaj ru. To-osokꞌ joꞌ nak nachakic li xak kꞌe̱n. Aꞌ ajcuiꞌ li ma̱usilal li nakaba̱nu ta̱sachok ke joꞌ nak nacꞌameꞌ li chaki xak kꞌe̱n xban ikꞌ.

Isaías 6:5

Tojoꞌnak quinye la̱in: —Tokꞌob xak cuu. La̱in jun cui̱nk aj ma̱c ut incꞌaꞌ us li na-el saꞌ xtzꞌu̱mal cue. Ut saꞌ xya̱nkeb li tenamit aj ma̱c cuanquin. Anakcuan tinca̱mk xban nak riqꞌuin xnakꞌ cuu xcuil ru li Rey, li Ka̱cuaꞌ li nimajcual Dios.—

Salmos 51:3

Ninnau nak la̱in aj kꞌetol a̱tin cha̱cuu. Ut junelic nayotꞌeꞌ inchꞌo̱l xban li ma̱c xinba̱nu.

Joel 2:13

Cheyotꞌ e̱chꞌo̱l chiru li Dios ut me̱pej chic le̱ rakꞌ. Jalomak ban e̱cꞌaꞌux ut patzꞌomak e̱cuybal chiru li Ka̱cuaꞌ le̱ Dios xban nak aꞌan na-uxta̱nan u ut nequexra. Aꞌan incꞌaꞌ najoskꞌoꞌ saꞌ junpa̱t. Kꞌaxal nim ban xcuyum ut narahoꞌ saꞌ xchꞌo̱l nak naxqꞌue li tojbal ma̱c saꞌ e̱be̱n.

Jeremías 36:24

Eb li cuanqueb xcuanquil, ut li rey incꞌaꞌ queꞌoc xxiu chi moco queꞌrahoꞌ xchꞌo̱l riqꞌuin li a̱tin queꞌrabi.

Jeremías 3:25

Xban kaxuta̱n sachso kachꞌo̱l xocana. Takacubsi kib xban nak xuta̱nal xo-el. La̱o joꞌ eb ajcuiꞌ li kaxeꞌto̱nil yucuaꞌ, xoma̱cob cha̱cuu, at Ka̱cuaꞌ at kaDios. Chalen saꞌ kasa̱jilal toj anakcuan xkatzꞌekta̱na li chakꞌrab li xaqꞌue ke ut incꞌaꞌ xkaba̱nu li cꞌaꞌru caye ke, chanqueb.

Salmos 51:5

Relic chi ya̱l chalen saꞌ inyoꞌlajic ac la̱in chak aj ma̱c. Saꞌ ma̱c quinyoꞌla chak.

Li xHu LAJ JOB 42:6

Anakcuan la̱in xinqꞌue retal nak incꞌaꞌ us xinye. Joꞌcan nak narahoꞌ inchꞌo̱l. Anakcuan tinjal incꞌaꞌux. Tinchunub cuib saꞌ poks ut saꞌ cha xban xrahil inchꞌo̱l, chan laj Job.

Li xHu LAJ JOB 1:20

Nak quirabi aꞌan, laj Job quicuacli ut quixpej li rakꞌ ut quixbes li rismal retalil lix rahil xchꞌo̱l ut quixcuikꞌib rib saꞌ chꞌochꞌ ut quixlokꞌoni li Dios.

2 Samuel 13:19

Lix Tamar quixqꞌue li cha saꞌ xjolom. Quixpej li rakꞌ. Quixtzꞌap li ru riqꞌuin li rukꞌ ut yo̱ chi ya̱bac nak co̱.

Génesis 37:29

Nak quisukꞌi laj Rubén chirilbal saꞌ li jul, quiril nak ma̱ ani chic laj José. Cꞌajoꞌ nak qui-oc xcꞌaꞌux ut quixkꞌichi li rakꞌ xban xrahil xchꞌo̱l.

Isaías 52:11

Joꞌcan nak elenkex che̱junilex la̱ex. Tex-e̱lk Babilonia. Ut me̱chꞌeꞌ li cꞌaꞌak re ru li cuan aran xban nak incꞌaꞌ us. Ut me̱mux e̱rib la̱ex li texcꞌamok re li cꞌaꞌru nacꞌanjelac saꞌ lix templo li Ka̱cuaꞌ.

Levítico 13:44

Li cui̱nk aꞌan muxbil chic ru. Laj tij tixye nak muxbil ru xban nak saklep cuan saꞌ xjolom.

2 Reyes 7:3

Cuanqueb ca̱hib li cui̱nk saklep rixeb chire li oqueba̱l re li tenamit. Queꞌxye chi ribileb rib: —¿Cꞌaꞌut nak cuanco arin roybeninquil kacamic?