Levítico 13:29 - Li Santil hu

²⁹ Cui junak ixk malaj ut junak cui̱nk cuan li xox saꞌ xjolom malaj ut saꞌ xmach,

Q'eqchi Bible

²⁹ “Naq junaq winq malaj junaq ixq wan xox sa' xjolom malaj ut chi xmach,

Levítico 13:29 ပူးပေါင်းရင်းမြစ်များ

San Mateo 6:23

Cui ut incꞌaꞌ saken na-iloc li xnakꞌ e̱ru, cuanquex saꞌ kꞌojyi̱n. Ut joꞌcan ajcuiꞌ le̱ naꞌleb. Cui incꞌaꞌ cha̱bil le̱ naꞌleb, cuanquex saꞌ xkꞌojyi̱nal ru li ma̱c.

Miqueas 3:11

Eb laj rakol a̱tin nequeꞌtumina̱c ruheb nak nequeꞌrakoc a̱tin. Ut eb laj tij tojbileb nak nequeꞌxcꞌut li chakꞌrab chiruheb li tenamit. Ut eb li profeta nequeꞌyehoc ra̱tin profeta re nak teꞌxcꞌul lix tumineb. Ut chixjunileb nequeꞌxcꞌojob xchꞌo̱l chixyebal: —Li Ka̱cuaꞌ cuan kiqꞌuin. La̱o ma̱cꞌaꞌ raylal takacꞌul, chanqueb.

Isaías 9:15

Eb li nequeꞌcꞌamoc be ut eb li cuanqueb xcuanquil, aꞌaneb li queꞌjuntakꞌe̱ta̱c riqꞌuin lix jolom li xul. Ut eb li queꞌjuntakꞌe̱ta̱c riqꞌuin lix ye li xul, aꞌaneb lix profeta li nequeꞌticꞌtiꞌic.

Isaías 5:20

Raylal ta̱cha̱lk saꞌ e̱be̱n la̱ex li nequexyehoc us re li incꞌaꞌ us, ut li us, incꞌaꞌ us nequeye re. Li cutan nequeqꞌue chokꞌ kꞌojyi̱n, ut li kꞌojyi̱n nequeqꞌue chokꞌ cutan. Li quiꞌ nequeye cꞌa re, ut li cꞌa, aꞌan quiꞌ nequeye re.

Isaías 1:5

¿Ma toj te̱raj nak texinqꞌue chixtojbal rix le̱ ma̱c? ¿Cꞌaꞌut nak toj yo̱quex chixba̱nunquil le̱ ma̱usilal? Tochꞌol le̱ jolom ut tacuajenakex xban li raylal yo̱quex chixcꞌulbal.

Salmos 53:4

Li incꞌaꞌ useb xnaꞌleb incꞌaꞌ nequeꞌxtau xya̱lal. Nequeꞌxba̱nu raylal re lin tenamit ut riqꞌuin aꞌan nequeꞌcuaꞌac. Ut incꞌaꞌ niquineꞌxcꞌoxla, chan li Dios.

2 Crónicas 6:29

chacuabi taxak lix tijeb yalak ani li teꞌilok saꞌ xjayal li naꞌajej aꞌin nak teꞌxya̱ba la̱ cꞌabaꞌ. Chacuabi taxak la̱ tenamit Israel nak teꞌxtaksi li rukꞌeb chi tijoc cha̱cuu nak teꞌrecꞌa xrahil li raylal li yo̱keb chixcꞌulbal.

1 Reyes 12:28

Joꞌcan nak laj Jeroboam quixpatzꞌ xnaꞌleb riqꞌuin laj qꞌuehol naꞌleb ut quixba̱nu joꞌ queꞌxye. Quixqꞌue chi yi̱ba̱c cuib li cuacax oro ut quixye reheb li tenamit: —La̱ex aj Israel, nabal sut ac xexcuulac chak Jerusalén chi lokꞌoni̱nc. Joꞌcan nak anakcuan arin chic texlokꞌoni̱nk. Arin cuan le̱ dios. Aꞌaneb aꞌin li xeꞌisin chak e̱re saꞌ li naꞌajej Egipto, chan laj Jeroboam reheb.

1 Reyes 8:38

chacuabi taxak lix tijeb laj Israel nak teꞌcha̱lk chixya̱banquil la̱ cꞌabaꞌ ut chi tijoc cha̱cuu saꞌ li naꞌajej aꞌin. Chacuabi lix tijeb yalak ani li ta̱cha̱lk chi tijoc saꞌ li naꞌajej aꞌin. Ma̱re la̱ tenamit Israel teꞌcha̱lk chi tijoc cha̱cuu nak teꞌrecꞌa xrahil li raylal li yo̱keb chixcꞌulbal. Ut ma̱re teꞌxtaksi li rukꞌeb chi tijoc saꞌ li templo aꞌin.

Levítico 13:28

Cui lix ra incꞌaꞌ xniman ut yo̱ chi qꞌuira̱c, aꞌan yal retalil li cꞌatal yo̱ chi qꞌuira̱c. Ut laj tij tixye nak moco muxbil ta ru.

Levítico 13:30

laj tij ta̱ril lix ra. Cui li ra cham xsaꞌ, ut li rismal xkꞌanoꞌ ut yo̱ chi sachc, laj tij tixye nak aꞌan muxbil ru xban nak cuan saklep saꞌ xjolom malaj ut saꞌ xmach.

Esdras 9:3

Nak quicuabi li a̱tin aꞌan, quinpej li cuakꞌ ut quinmichꞌ li cuismal ut lin mach. Ut quincꞌojla chi kꞌaxal ra saꞌ inchꞌo̱l.

Ezequiel 5:1

Ut quixye cuiꞌchic cue li Ka̱cuaꞌ: —At ralal cui̱nk, sicꞌ junak a̱chꞌi̱chꞌ kꞌes re, re ta̱jo li rismal a̱jolom ut la̱ mach. Ut ta̱sicꞌ ajcuiꞌ junak la̱ bisleb re ta̱cuisi chi oxib jachal la̱ cuismal.