Levítico 13:20 - Li Santil hu

²⁰ Laj tij ta̱ril lix ra ut cui cham xsaꞌ ut sak chic li rismal chiru lix ra, laj tij tixye nak muxbil ru li yaj. Xsukꞌi saklep li xox li qui-el chirix.

Q'eqchi Bible

²⁰ Wi laj tij tixk'e reetal naq li ra cham chik x'ok sa' li xtib'el li yaj, ut saq chik li rismal chisa', toja' naq tixye naq muxb'il li poyanam a'an: saqlep li x'elk sa' li xox.

Levítico 13:20 ပူးပေါင်းရင်းမြစ်များ

2 Pedro 2:20

Li ani nequeꞌxpa̱b li Ka̱cuaꞌ Jesucristo, nequeꞌxcanab ajcuiꞌ xmuxbal rib riqꞌuin li cꞌaꞌru cuan saꞌ ruchichꞌochꞌ. Abanan cui teꞌoc cuiꞌchic chi ma̱cobc ut cui ta̱numta̱k cuiꞌchic li ma̱c saꞌ xbe̱neb, kꞌaxal cuiꞌchic yibak ru lix naꞌlebeb chiru nak queꞌcuan junxil nak toj ma̱jiꞌ nequeꞌpa̱ban chak.

San Juan 5:14

Mokon chic li Jesús quixtau cuiꞌchic li cui̱nk saꞌ li templo ut quixye re: —Chaqꞌuehak retal nak xatqꞌuira. Canab xba̱nunquil li incꞌaꞌ us ma̱re anchal ta̱cha̱lk junak chic nimla raylal saꞌ a̱be̱n, chan li Jesús re.

San Mateo 12:45

Ut li ma̱us aj musikꞌej naxsicꞌ cuukub chic chi ma̱us aj musikꞌej kꞌaxal cuiꞌchic numtajenak xma̱usilaleb chiru aꞌan. Nequeꞌoc chi cua̱nc riqꞌuin li cui̱nk. Ut lix naꞌleb li cui̱nk aꞌan numtajenakak chic xyibal ru chiru nak xcuan chak junxil. Ut joꞌcan ajcuiꞌ te̱cꞌul la̱ex li numtajenak le̱ ma̱usilal.

Levítico 13:3

Laj tij ta̱ril chi us li ra. Cui sak chic li rismal chiru lix ra ut cui cham xsaꞌ, aꞌan saklep rix ut laj tij tixye nak muxbil ru.

Levítico 13:2

—Cui junak cristian cua̱nk junak li ra chiru xtibel, malaj ut xox chirix, malaj ut ta̱si̱po̱kꞌ lix tibel, li jun aꞌan tento ta̱cꞌamekꞌ riqꞌuin laj Aarón laj tij malaj ut riqꞌuin jun li ralal xcomoneb laj tij.

Levítico 13:19

abanan cui li xox nasakoꞌ ut nasipoꞌ ut nacakoꞌ ru, tento nak ta̱xic riqꞌuin laj tij chixcꞌutbal lix ra chiru.

Levítico 13:21

Abanan cui laj tij naril lix ra ut naxqꞌue retal nak moco cham ta xsaꞌ ut incꞌaꞌ xsakoꞌ li rismal chiru lix ra, ut yo̱ chi qꞌuira̱c, laj tij tixqꞌue li yaj xjunes chiru cuukub cutan.