Levítico 12:7 - Li Santil hu

⁷ Ut laj tij tixmayejaheb li xul chiru li Ka̱cuaꞌ re nak incꞌaꞌ chic muxbilak ru li ixk. Ut chirix aꞌan santobresinbil chic ta̱cana̱k li ixk riqꞌuin lix yajel. Aꞌan aꞌin li chakꞌrab reheb li ixk chirix lix yoꞌlajic lix cꞌulaꞌal, usta te̱lom usta xkaꞌal li ta̱yoꞌla̱k.

Q'eqchi Bible

⁷ ut laj tij tixyeechi'iheb' chiru li Qaawa' re xtojb'al rix li xmaak li ixq. Chi jo'kan ch'ajob'resinb'il chik taakanaaq li ixq rik'in li xyajel”. A'an a'in li chaq'rab' chirix xyo'lajikeb' li teelom malaj ixqa'al.

Levítico 12:7 ပူးပေါင်းရင်းမြစ်များ

Gálatas 3:28

Anakcuan ut moco jalan ta chic laj griego chiruheb laj judío, chi moco jalan ta li mo̱s chiru li patrón, chi moco jalan ta li cui̱nk, chi moco jalan ta li ixk. Junaj ban chic ku saꞌ xcꞌabaꞌ li Jesucristo.

1 Corintios 7:14

Us cui incꞌaꞌ teꞌxjach rib. Li be̱lomej li toj ma̱jiꞌ napa̱ban, aꞌan lokꞌ chiru li Dios saꞌ xcꞌabaꞌ li rixakil. Ut li ixakilbej li toj ma̱jiꞌ napa̱ban, aꞌan lokꞌ chiru li Dios saꞌ xcꞌabaꞌ lix be̱lom li napa̱ban. Cui ta incꞌaꞌ joꞌcan, lix cocꞌal eb aꞌan chanchaneb raj lix cocꞌaleb li ma̱cuaꞌeb ralal xcꞌajol li Dios. Abanan cui incꞌaꞌ teꞌxjach rib, lix cocꞌaleb lokꞌ chiru li Dios saꞌ xcꞌabaꞌ li jun li napa̱ban.

Romanos 3:26

Ut anakcuan saꞌ eb li cutan aꞌin, nacꞌutun lix ti̱quilal xchꞌo̱l li Dios riqꞌuin nak naxti̱cobresi xchꞌo̱l li ani napa̱ban saꞌ xcꞌabaꞌ li Jesucristo.

Romanos 3:23

Chixjunileb xeꞌma̱cob ut incꞌaꞌ nequeꞌxcꞌul li lokꞌal li naxqꞌue li Dios.

Li xHu LAJ JOB 14:4

¿Ma naru ta biꞌ nacuan li us riqꞌuineb li incꞌaꞌ useb xnaꞌleb? Ma̱ jokꞌe.

Li xHu LAJ JOB 1:5

Nak nequeꞌrakeꞌ chi ninkꞌei̱c, laj Job naxqꞌue lix cꞌatbil mayej re xsantobresinquileb li ralal xcꞌajol. Nacuacli toj ekꞌela ut naxqꞌue lix mayej aꞌ yal jarub li ralal xcꞌajol cuan. —Ma̱re eb li cualal incꞌajol queꞌma̱cob ut queꞌxmajecua li Dios saꞌ xchꞌo̱leb, chan laj Job. Ut rajlal naxba̱nu chi joꞌcan.

Levítico 4:35

Ut ta̱risi lix xe̱bul li xul joꞌ nak nequeꞌrisi lix xe̱bul li xul li nequeꞌxqꞌue chokꞌ xmayej re xcꞌambaleb rib saꞌ usilal riqꞌuin li Dios. Ut laj tij tixqꞌue saꞌ xbe̱n li artal ut tixcꞌat. Ut aꞌanak jun li cꞌatbil mayej chiru li Ka̱cuaꞌ. Riqꞌuin li mayej li tixcꞌat laj tij, tixtoj rix lix ma̱c li quima̱cob ut ta̱cuyekꞌ xma̱c.

Levítico 4:31

Ut ta̱risi lix xe̱bul joꞌ nak nequeꞌrisi lix xe̱bul li xul li nequeꞌxqꞌue chokꞌ xmayej re xcꞌambaleb rib saꞌ usilal riqꞌuin li Dios. Ut laj tij tixqꞌue saꞌ xbe̱n li artal ut tixcꞌat. Ut aꞌanak jun li sununquil mayej ta̱cuulak chiru li Ka̱cuaꞌ. Riqꞌuin li mayej li tixcꞌat laj tij, tixtoj rix lix ma̱c li xma̱cob ut ta̱cuyekꞌ lix ma̱c.

Levítico 4:26

Tixcꞌat chixjunil lix xe̱bul saꞌ li artal joꞌ nak quixcꞌat lix xe̱bul li xul li queꞌxmayeja re xcꞌambaleb rib saꞌ usilal riqꞌuin li Ka̱cuaꞌ. Riqꞌuin li mayej li tixcꞌat laj tij, tixtoj rix lix ma̱c laj cꞌamol be ut ta̱cuyekꞌ xma̱c.

Levítico 4:20

Juntakꞌe̱t tixba̱nu riqꞌuin li chꞌina toro aꞌin joꞌ quixba̱nu riqꞌuin li toro li quixmayeja re xtzꞌa̱manquil xcuybal lix ma̱c aꞌan. Chi joꞌcaꞌin laj tij tixqꞌue li mayej re xtojbal rix lix ma̱queb li tenamit ut ta̱cuyekꞌ lix ma̱queb.

Levítico 1:4

Li ani tixqꞌue lix cꞌatbil mayej tixqꞌue li rukꞌ saꞌ xbe̱n lix jolom li xul li tixcꞌat re nak li Ka̱cuaꞌ tixcꞌul chokꞌ re xtojbal rix lix ma̱c.

Levítico 12:6

Nak ac xeꞌnumeꞌ li cutan re xsantobresinquil rib chirix lix yoꞌlajic lix cꞌulaꞌal, usta te̱lom, usta chꞌina xkaꞌal, li ixk ta̱xic chixqꞌuebal lix mayej re laj tij chiru li oqueba̱l re li tabernáculo. Tixqꞌue jun li carner aj jun chihab chokꞌ re lix cꞌatbil mayej ut tixqꞌue ajcuiꞌ jun li paloma toj sa̱j malaj ut jun li mucuy re nak incꞌaꞌ chic muxbilak ru.

Levítico 12:8

Cui li ixk incꞌaꞌ ta̱ru̱k xlokꞌbal li carner, naru tixqꞌue cuib li mucuy malaj ut cuib li paloma toj sa̱jeb. Jun tixqꞌue re li cꞌatbil mayej ut li jun chic tixqꞌue re nak incꞌaꞌ chic muxbil ru. Chi joꞌcaꞌin laj tij tixtoj rix lix ma̱c ut li ixk ta̱santobresi̱k riqꞌuin lix yajel.

Levítico 15:15

Ut laj tij tixmayejaheb. Li jun tixmayeja re xtzꞌa̱manquil xcuybal xma̱c li cui̱nk. Ut li jun chic tixmayeja re lix cꞌatbil mayej. Joꞌcaꞌin tixba̱nu laj tij re nak li cui̱nk ta̱santobresi̱k chiru li Ka̱cuaꞌ riqꞌuin lix yajel.