Levítico 12:6 - Li Santil hu

⁶ Nak ac xeꞌnumeꞌ li cutan re xsantobresinquil rib chirix lix yoꞌlajic lix cꞌulaꞌal, usta te̱lom, usta chꞌina xkaꞌal, li ixk ta̱xic chixqꞌuebal lix mayej re laj tij chiru li oqueba̱l re li tabernáculo. Tixqꞌue jun li carner aj jun chihab chokꞌ re lix cꞌatbil mayej ut tixqꞌue ajcuiꞌ jun li paloma toj sa̱j malaj ut jun li mucuy re nak incꞌaꞌ chic muxbilak ru.

Q'eqchi Bible

⁶ “Naq akaq xe'nume'k chixjunileb' li kutan re xch'ajob'resinkil rib' chirix xyo'lajik li k'uula'al, us ta teelom malaj ch'ina ixqa'al, li na'b'ej tento tixk'am sa' rokeb'aal li Loq'laj Muheb'aal jun karneer aj jun chihab', re taayeechi'imanq cho'q k'atb'il mayej, ut jun mukuy malaj jun k'ook'ob' cho'q mayej chirix li maak. Tixq'axtesiheb' re laj tij,

Levítico 12:6 ပူးပေါင်းရင်းမြစ်များ

San Lucas 2:22

Lix María quixba̱nu joꞌ naxye saꞌ lix chakꞌrab laj Moisés. Nak ac xnumeꞌ caꞌcꞌa̱l cutan, lix María rochben laj José queꞌxcꞌam li cꞌulaꞌal Jerusalén ut queꞌxkꞌaxtesi chiru li Ka̱cuaꞌ.

Hebreos 7:26

Li Ka̱cuaꞌ Jesucristo, aꞌan li tzꞌakal xyucuaꞌil aj tij. Ut aꞌan li natenkꞌan ke chi tzꞌakal. Moco juntakꞌe̱t ta lix yuꞌam riqꞌuineb laj ma̱c. Li Jesucristo santo ut ma̱cꞌaꞌ xma̱c. Aꞌan co̱ saꞌ choxa ut aran quiqꞌueheꞌ xnimal xlokꞌal.

2 Corintios 5:21

Li Jesucristo ma̱ jun sut quima̱cob. Abanan li Dios quixqꞌue li kama̱c saꞌ xbe̱n li Cristo re nak saꞌ xcꞌabaꞌ aꞌan, la̱o takatau lix ti̱quilal kachꞌo̱l li naxqꞌue li Dios.

San Juan 1:29

Joꞌ cuulajak chic laj Juan quiril li Jesús yo̱ chak chi cha̱lc riqꞌuin ut quixye: —Ilomak. Cueꞌ chak li Cristo, li taklanbil chak xban li Dios. Chanchan jun li carner. Ta̱camsi̱k re xtojbal rix lix ma̱queb li cuanqueb saꞌ ruchichꞌochꞌ.

Levítico 15:29

Saꞌ xcuakxak li cutan li ixk tixcꞌam cuib li mucuy malaj ut cuib li paloma toj sa̱j ut tixqꞌue re laj tij chiru li oqueba̱l re li tabernáculo.

Números 6:10

Saꞌ xcuakxak li cutan tixcꞌam cuib li paloma malaj ut cuib li mucuy ut tixqꞌue re laj tij saꞌ li oqueba̱l re li tabernáculo.

Levítico 15:14

Saꞌ xcuakxak li cutan tixcꞌam cuib li mucuy malaj cuib li paloma toj sa̱jeb. Tixcꞌam li xul chiru li Ka̱cuaꞌ chiru li oqueba̱l re li tabernáculo ut tixkꞌaxtesi re laj tij.

Levítico 14:22

Tixcꞌam cuib li mucuy. Abanan cui ma̱cꞌaꞌ xtumin re xlokꞌbal aꞌan, naru tixcꞌam cuib li paloma toj sa̱j. Jun ta̱cꞌanjelak re xpatzꞌbal xcuybal lix ma̱c ut li jun chic ta̱cꞌanjelak re lix cꞌatbil mayej.

Levítico 12:2

—Joꞌcaꞌin ta̱ye reheb laj Israel: Nak ta̱yoꞌla̱k xcꞌulaꞌal te̱lom junak li ixk, muxbilak ru ta̱cana̱k chiru cuukub cutan joꞌ naxba̱nu nak naxcꞌul xyajel re li po.

Génesis 15:9

Ut li Dios quixye re laj Abram: —La̱in tinba̱nu jun li contrato a̱cuiqꞌuin. Ta̱cꞌameb chak li xul li tinye a̱cue. Ta̱cꞌam chak jun li chꞌina ba̱c oxib chihab cuan re, ut jun li ixki chiba̱t oxib chihab cuan re, ut jun li te̱lom carner oxib chihab cuan re. Ut ta̱cꞌam ajcuiꞌ chak junak li chꞌina mucuy joꞌ ajcuiꞌ junak chꞌina paloma, chan li Dios.

Levítico 12:5

Cui ut ta̱yoꞌla̱k junak xcꞌulaꞌal chꞌina xkaꞌal, li ixk aꞌan muxbilak ru chiru cuib xama̱n joꞌ naxba̱nu nak naxcꞌul xyajel re li po. Ut nak ac xnumeꞌ cuakib xca̱cꞌa̱l (66) cutan, ta̱tzꞌaklok li cutan nak tixsantobresi rib.

Levítico 12:7

Ut laj tij tixmayejaheb li xul chiru li Ka̱cuaꞌ re nak incꞌaꞌ chic muxbilak ru li ixk. Ut chirix aꞌan santobresinbil chic ta̱cana̱k li ixk riqꞌuin lix yajel. Aꞌan aꞌin li chakꞌrab reheb li ixk chirix lix yoꞌlajic lix cꞌulaꞌal, usta te̱lom usta xkaꞌal li ta̱yoꞌla̱k.