Levítico 12:5 - Li Santil hu

⁵ Cui ut ta̱yoꞌla̱k junak xcꞌulaꞌal chꞌina xkaꞌal, li ixk aꞌan muxbilak ru chiru cuib xama̱n joꞌ naxba̱nu nak naxcꞌul xyajel re li po. Ut nak ac xnumeꞌ cuakib xca̱cꞌa̱l (66) cutan, ta̱tzꞌaklok li cutan nak tixsantobresi rib.

Q'eqchi Bible

⁵ Wi ut taayo'laaq junaq ch'ina ixqa'al, tz'ajnaq ru li na'b'ej chiru wiib' xamaan, jo' naxk'ul rajlal po, ut yooq ajwi' chi xsaab'esinkil rib' chiru waqib' xkaak'aal kutan chik.

Levítico 12:5 ပူးပေါင်းရင်းမြစ်များ

Levítico 12:4

Ut li ixk aꞌin ta̱roybeni oxlaju xcaꞌcꞌa̱l (33) cutan toj ta̱numekꞌ xyajel. Incꞌaꞌ naru tixchꞌeꞌ li cꞌaꞌak re ru santobresinbil, chi moco ta̱ru̱k ta̱oc saꞌ li tabernáculo toj ta̱tzꞌaklok li cutan nak tixsantobresi rib.

Levítico 12:2

—Joꞌcaꞌin ta̱ye reheb laj Israel: Nak ta̱yoꞌla̱k xcꞌulaꞌal te̱lom junak li ixk, muxbilak ru ta̱cana̱k chiru cuukub cutan joꞌ naxba̱nu nak naxcꞌul xyajel re li po.

Génesis 3:13

Tojoꞌnak li Ka̱cuaꞌ Dios quixye re li ixk: —¿Cꞌaꞌru xaba̱nu?— Ut quichakꞌoc li ixk ut quixye: —Li cꞌantiꞌ xbalakꞌin cue. Xban aꞌan nak xinlou ru li cheꞌ, chan.

Levítico 12:6

Nak ac xeꞌnumeꞌ li cutan re xsantobresinquil rib chirix lix yoꞌlajic lix cꞌulaꞌal, usta te̱lom, usta chꞌina xkaꞌal, li ixk ta̱xic chixqꞌuebal lix mayej re laj tij chiru li oqueba̱l re li tabernáculo. Tixqꞌue jun li carner aj jun chihab chokꞌ re lix cꞌatbil mayej ut tixqꞌue ajcuiꞌ jun li paloma toj sa̱j malaj ut jun li mucuy re nak incꞌaꞌ chic muxbilak ru.