Levítico 12:2 - Li Santil hu

² —Joꞌcaꞌin ta̱ye reheb laj Israel: Nak ta̱yoꞌla̱k xcꞌulaꞌal te̱lom junak li ixk, muxbilak ru ta̱cana̱k chiru cuukub cutan joꞌ naxba̱nu nak naxcꞌul xyajel re li po.

Q'eqchi Bible

² “Ye reheb' laj Israel: Naq junaq ixq taakanaaq sa' yu'am ut taayo'laaq junaq xch'ina teelom, a'an jun tz'ajnil ixq chiru wuqub' kutan, jo' naq naxk'ul li xpuch'unik rajlal po.

Levítico 12:2 ပူးပေါင်းရင်းမြစ်များ

San Lucas 2:22

Lix María quixba̱nu joꞌ naxye saꞌ lix chakꞌrab laj Moisés. Nak ac xnumeꞌ caꞌcꞌa̱l cutan, lix María rochben laj José queꞌxcꞌam li cꞌulaꞌal Jerusalén ut queꞌxkꞌaxtesi chiru li Ka̱cuaꞌ.

Levítico 15:19

Cui junak ixk yo̱k xyajel re lix po, muxbil ru chiru cuukub cutan. Ut li ani ta̱chꞌeꞌok re li ixk muxbilak ru toj ta̱oc li kꞌojyi̱n.

Li xHu LAJ JOB 25:4

¿Chanru nak tixti̱cobresi xchꞌo̱l junak cui̱nk chiru aꞌan nak nequecꞌoxla la̱ex? Ut, ¿chanru nak tzꞌakalak re ru lix yuꞌam li cui̱nk li nayoꞌla saꞌ ruchichꞌochꞌ?

Li xHu LAJ JOB 15:14

Ma̱ jun cristian tzꞌakal ta re ru lix yuꞌam ut ma̱cꞌaꞌ ta xma̱c.

Li xHu LAJ JOB 14:4

¿Ma naru ta biꞌ nacuan li us riqꞌuineb li incꞌaꞌ useb xnaꞌleb? Ma̱ jokꞌe.

Levítico 18:19

Junak cui̱nk incꞌaꞌ naru naxchꞌic rib riqꞌuin junak ixk cui yo̱ xcꞌulbal xyajel re li po.

Salmos 51:5

Relic chi ya̱l chalen saꞌ inyoꞌlajic ac la̱in chak aj ma̱c. Saꞌ ma̱c quinyoꞌla chak.

Génesis 3:16

Ut li Dios quixye re li ixk: —Kꞌaxal cuiꞌchic nabal li raylal tinqꞌue saꞌ a̱be̱n nak cua̱nkat chi yaj aj ixk. Riqꞌuin raylal teꞌyoꞌla̱k la̱ cocꞌal. Ut ta̱cuaj nak cua̱nk la̱ be̱lom a̱cuiqꞌuin ut aꞌan ta̱takla̱nk a̱cue.

Génesis 1:28

Li Dios quirosobtesiheb aꞌan ut quixye reheb: —Chicua̱nk le̱ cocꞌal ut chexqꞌuia̱nk toj retal nak ta̱nujak li ruchichꞌochꞌ. La̱ex textakla̱nk saꞌ xbe̱n chixjunil li cꞌaꞌru cuan. Textakla̱nk saꞌ xbe̱neb chixjunil li xul li cuanqueb saꞌ li haꞌ joꞌ ajcuiꞌ li cuanqueb chiru choxa ut li cuanqueb saꞌ ruchichꞌochꞌ, chan.

Levítico 12:1

Li Ka̱cuaꞌ Dios quia̱tinac riqꞌuin laj Moisés ut quixye re:

2 Samuel 11:4

Laj David quixtakla xbokbal li ixk aꞌan. Nak quicuulac lix Betsabé, laj David quicuan riqꞌuin. Ut lix Betsabé quisukꞌi saꞌ rochoch. (Tojeꞌ quirakeꞌ chixsantobresinquil rib li ixk aꞌan riqꞌuin lix yajel re li po, joꞌ cꞌaynakeb xba̱nunquil.)

Levítico 5:3

Tixmux rib li ani tixchꞌeꞌ li cꞌaꞌak re ru muxbil ru xban junak cristian, usta incꞌaꞌ quixqꞌue retal nak incꞌaꞌ us xba̱nu. Ut cui mokon tixqꞌue retal nak incꞌaꞌ us xba̱nu, cuan xma̱c.

Levítico 12:5

Cui ut ta̱yoꞌla̱k junak xcꞌulaꞌal chꞌina xkaꞌal, li ixk aꞌan muxbilak ru chiru cuib xama̱n joꞌ naxba̱nu nak naxcꞌul xyajel re li po. Ut nak ac xnumeꞌ cuakib xca̱cꞌa̱l (66) cutan, ta̱tzꞌaklok li cutan nak tixsantobresi rib.