Levítico 11:8 - Li Santil hu

⁸ Incꞌaꞌ naru nequetiu xtibeleb li xul aꞌin ut incꞌaꞌ ajcuiꞌ naru nequechꞌeꞌ nak camenakeb xban nak cui nequechꞌeꞌ, muxbil chic e̱ru texcana̱k.

Q'eqchi Bible

⁸ “Ink'a' naru teetiw xtib'eleb' li xul a'in chi moko teech'e' li xb'aqeleb'. A'anaqeb' yib' aj xuleb' cho'q eere.

Levítico 11:8 ပူးပေါင်းရင်းမြစ်များ

Hebreos 9:10

Saꞌ lix pa̱ba̱leb junxil cuan li chakꞌrab chirix li cꞌaꞌru teꞌxtzaca ut cꞌaꞌru teꞌrucꞌ joꞌ ajcuiꞌ chanru nak teꞌchꞌajok re xsantobresinquileb rib. Usta incꞌaꞌ quijala lix naꞌlebeb, aban tento queꞌxba̱nu li chakꞌrab aꞌan toj quicuulac xkꞌehil nak li Dios quixjal nak quixqꞌue li acꞌ naꞌleb.

Colosenses 2:16

Michꞌinan e̱chꞌo̱l cui ani nacuechꞌin e̱re riqꞌuin li cꞌaꞌru nequetzaca ut li cꞌaꞌru nequerucꞌ. Chi moco ta̱chꞌina̱nk e̱chꞌo̱l cui ani nacuechꞌin e̱re xban nak incꞌaꞌ nequeninkꞌei lix ninkꞌeheb. Cuan li nequeꞌxninkꞌei lix yoꞌlajic li po ut li hiloba̱l cutan.

Oseas 9:3

La̱ex incꞌaꞌ texcana̱k arin saꞌ li naꞌajej li qꞌuebil e̱re xban li Dios. La̱ex ralal xcꞌajol laj Efraín, texcana̱k rubel xtakl laj Asiria. Chanchan nak quexcuan chak Egipto. Ut te̱tzaca li tzacae̱mk li yebil e̱re nak incꞌaꞌ us te̱tzaca.

Isaías 52:11

Joꞌcan nak elenkex che̱junilex la̱ex. Tex-e̱lk Babilonia. Ut me̱chꞌeꞌ li cꞌaꞌak re ru li cuan aran xban nak incꞌaꞌ us. Ut me̱mux e̱rib la̱ex li texcꞌamok re li cꞌaꞌru nacꞌanjelac saꞌ lix templo li Ka̱cuaꞌ.

Levítico 5:2

Joꞌcan ajcuiꞌ junak li cristian tixchꞌeꞌ li camenak xul xcomoneb li xul li quixye li Dios nak incꞌaꞌ teꞌxtzaca, usta joskꞌ aj xul usta incꞌaꞌ, malaj ut xcomoneb li nequeꞌxquelo rib saꞌ chꞌochꞌ. Cui tixchꞌeꞌ li xul aꞌan usta incꞌaꞌ naxnau nak incꞌaꞌ us xba̱nu, tixmux rib ut cua̱nk xma̱c.

Efesios 5:11

Me̱junaji chic e̱rib riqꞌuineb li incꞌaꞌ nequeꞌxnau xya̱lal ut nequeꞌxba̱nu li cꞌaꞌak re ru ma̱cꞌaꞌ na-oc cuiꞌ. La̱ex ban chic texchꞌoloba̱nk re lix ya̱lal chiruheb nak incꞌaꞌ us yo̱queb.

Efesios 5:7

Me̱junaji e̱rib riqꞌuineb aꞌan xban nak incꞌaꞌ useb xnaꞌleb.

2 Corintios 6:17

Ut li Ka̱cuaꞌ quixye cuiꞌchic chi joꞌcaꞌin: Joꞌcan utan chex-e̱lk saꞌ xya̱nkeb li nequeꞌxlokꞌoni li yi̱banbil dios. Me̱ba̱nu chic li nequeꞌxba̱nu li jun chꞌol chic nak nequeꞌxlokꞌoni li yi̱banbil dios. Checanabak chi junaj cua ut la̱in texincꞌul chi sa saꞌ inchꞌo̱l.

1 Corintios 8:8

Moco xban ta li katzacae̱mk nak tocua̱nk chi sum a̱tin riqꞌuin li Dios. Li tzacae̱mk incꞌaꞌ naxnimobresi xcuanquil li kapa̱ba̱l chi moco naxpoꞌ li kapa̱ba̱l.

Romanos 14:21

Li us xba̱nunquil, aꞌan aꞌin: cui nachꞌinan xchꞌo̱l la̱ herma̱n xban nak nacattiꞌoc tib ut nacat-ucꞌac vino, mattiꞌoc tib ut mat-ucꞌac vino. Incꞌaꞌ ta̱ba̱nu li cꞌaꞌak re ru ta̱chꞌina̱nk cuiꞌ xchꞌo̱l la̱ herma̱n re nak incꞌaꞌ ta̱ma̱cobk a̱ban.

Hechos 15:29

Incꞌaꞌ te̱tzaca li tzacae̱mk mayejanbil chiru li yi̱banbil dios chi moco te̱tzaca li quicꞌ chi moco te̱tzaca xtibel li yatzꞌbil xul. Ut incꞌaꞌ te̱mux e̱rib riqꞌuin coꞌbe̱tac yumbe̱tac. Cui te̱col e̱rib chiru chixjunil aꞌin, us te̱ba̱nu. Cherilak e̱rib, chan laj Jacobo.

Hechos 10:28

Laj Pedro quixye reheb: —La̱ex nequenau nak lix chakꞌrabeb laj judío naxye nak incꞌaꞌ naru takajunaji kib riqꞌuineb li ma̱cuaꞌeb aj judío chi moco ta̱ru̱k to-oc saꞌ rochocheb. Abanan xcꞌut chicuu li Ka̱cuaꞌ Dios nak ma̱ jun li cristian tintzꞌekta̱na chi moco tinye nak incꞌaꞌ us a̱tinac riqꞌuineb.

San Marcos 7:18

Ut li Jesús quixye reheb: —¿Ma incꞌaꞌ ajcuiꞌ xetau ru la̱ex li xinye? ¿Ma incꞌaꞌ nequenau nak ma̱cuaꞌ li cꞌaꞌru naxtzaca junak nama̱coꞌ cuiꞌ?

San Marcos 7:15

Ma̱cuaꞌ li cꞌaꞌru naxtzaca li cui̱nk nama̱coꞌ cuiꞌ; aban li cꞌaꞌru incꞌaꞌ us naxcꞌoxla, aꞌan nama̱coꞌ cuiꞌ.

San Marcos 7:2

Ut eb aꞌan queꞌxqꞌue retal nak cuan lix tzolom li Jesús queꞌcuaꞌac chi incꞌaꞌ queꞌxchꞌaj li rukꞌeb chi tzꞌakal joꞌ cꞌaynakeb chixba̱nunquil laj fariseo.

San Mateo 15:20

Chixjunil li ma̱us aj naꞌleb aꞌin saꞌ xchꞌo̱l junak nachal chak, ut aꞌan li nama̱coꞌ cuiꞌ li junju̱nk. Ut li cuaꞌac chi incꞌaꞌ chꞌajbil li ukꞌej, ma̱cuaꞌ aꞌan li nama̱coꞌ cuiꞌ li cui̱nk, chan.

San Mateo 15:11

Ma̱cuaꞌ li cꞌaꞌru naxtzaca li cui̱nk nama̱coꞌ cuiꞌ; aban li cꞌaꞌru incꞌaꞌ us naxcꞌoxla saꞌ xchꞌo̱l, aꞌan li nama̱coꞌ cuiꞌ.—

Levítico 11:7

Joꞌcan ajcuiꞌ li a̱k. Incꞌaꞌ naru nequetzaca xban nak usta jun ajcuiꞌ lix xa̱la rok, abanan incꞌaꞌ naxhab xcua xcaꞌ sut. Aꞌan jun li xul incꞌaꞌ us chokꞌ e̱re.

Levítico 11:9

Saꞌ xya̱nkeb chixjunileb li xul li cuanqueb saꞌ li palau ut saꞌ eb li nimaꞌ naru nequetzaca eb li car li cuan xxicꞌ ut li cuan xta rix.