Levítico 11:40 - Li Santil hu

⁴⁰ Ut cui junak tixtiu xtibel li camenak xul, li jun aꞌan tento nak tixpuchꞌ li rakꞌ. Abanan muxbilak ru ta̱cana̱k toj ta̱oc li kꞌojyi̱n. Ut li ani tixpako li camenak xul tixmux rib. Tento nak tixpuchꞌ li rakꞌ ut muxbilak ru ta̱cana̱k toj ta̱oc li kꞌojyi̱n.

Q'eqchi Bible

⁴⁰ Ani taatiwoq xtib'el li kamenaq xul, tento tixpuch' li raq' ut taakanaaq chi muxb'il toj reetal taa'ok li q'oqyink; ut ani taa'isinq re li kamenaq xul, tento ajwi' tixpuch' li raq', ut taakanaaq chi muxb'il toj reetal taa'ok li q'oqyink.

Levítico 11:40 ပူးပေါင်းရင်းမြစ်များ

Ezequiel 44:31

Eb laj tij incꞌaꞌ teꞌxtiu xtibel li xul li narupupic malaj ut jalan xul, cui yal camsinbil xban xul malaj ut yal nacam xjunes, chan.

Levítico 22:8

Incꞌaꞌ naru tixtzaca xtibel li xul li yal xcam chi joꞌcan, chi moco tixtzaca xtibel li xul li quicamsi̱c xban joskꞌ aj xul. Cui tixtzaca, tixmux rib. La̱in li Ka̱cuaꞌ ninyehoc re aꞌin.

Deuteronomio 14:21

Incꞌaꞌ naru te̱tzaca xtibel li xul li nacam yal xjunes. Naru te̱qꞌue reheb li jalaneb xtenamit li cuanqueb saꞌ e̱ya̱nk ut eb aꞌan naru teꞌxtzaca. Malaj ut naru te̱cꞌayi reheb li jalan xtenamit li yo̱queb chi numecꞌ saꞌ le̱ naꞌaj. Incꞌaꞌ naru te̱tzaca xtibel li xul aꞌan xban nak la̱ex jun santil tenamit chiru li Ka̱cuaꞌ le̱ Dios. Ut me̱chik xtibel li chꞌina chiba̱t saꞌ xyaꞌal xtuꞌ lix naꞌ.

Ezequiel 4:14

Ut la̱in quinye: —At Ka̱cuaꞌ, at inDios, la̱in ma̱ jun sut quinmux cuib. Chalen saꞌ incaꞌchꞌinal ut toj chalen anakcuan ma̱ jun cua xintzaca lix tibel li xul li yal quicam xjunes, chi moco li camsinbil xban joskꞌ aj xul. Ma̱ jun cua xintzaca li tzacae̱mk muxbil, chanquin.

1 Juan 1:7

Ut cui nakaba̱nu li cꞌaꞌru naraj li Dios, joꞌ naxcꞌutbesi chiku li Cristo, cuanco chic chi sum a̱tin chi kibil kib. Ut lix quiqꞌuel li Jesucristo li Ralal li Dios naxchꞌajobresi li ka̱m ut narisi chixjunil li kama̱c.

1 Corintios 10:21

Incꞌaꞌ naru te̱rucꞌ xsaꞌ li secꞌ re xjulticanquil xcamic li Ka̱cuaꞌ Jesús, ut te̱rucꞌ ajcuiꞌ xsaꞌ li secꞌ re xqꞌuebal xlokꞌal li ma̱us aj musikꞌej. Chi moco naru te̱cuaꞌ li caxlan cua re xjulticanquil xcamic li Ka̱cuaꞌ Jesucristo ut te̱cuaꞌ ajcuiꞌ li cua mayejanbil chiruheb li ma̱us aj musikꞌej.

1 Corintios 6:11

Usta cuanqueb junju̱nk saꞌ e̱ya̱nk joꞌcan queꞌxba̱nu chak, abanan anakcuan cuybil sachbil chic lix ma̱queb. Santobresinbileb chic ut ti̱cobresinbileb chic lix chꞌo̱l saꞌ xcꞌabaꞌ li Ka̱cuaꞌ Jesucristo ut xban li Santil Musikꞌej.

Zacarías 13:1

Saꞌ eb li cutan aꞌan, ta̱yoꞌla̱k jun li Yuꞌam Haꞌ. Ut li Haꞌ aꞌan ta̱chꞌajok re lix ma̱queb ut lix ma̱usilaleb li ralal xcꞌajol laj David joꞌqueb ajcuiꞌ li cuanqueb Jerusalén.

Ezequiel 36:25

Chanchan nak texinchꞌajobresi riqꞌuin sak ru haꞌ nak tincuisi li ma̱usilal xeba̱nu nak xemux e̱rib riqꞌuin xlokꞌoninquil li jalanil dios.

Isaías 1:16

Yi̱bomak le̱ yuꞌam. Ti̱cobresihomak le̱ chꞌo̱l. Canabomak li ma̱cobc. Ut me̱ba̱nu chic li ma̱usilal.

Números 19:19

Li cui̱nk li incꞌaꞌ muxbil ru tixrachrachi li haꞌ saꞌ xbe̱n li muxbil ru saꞌ li rox cutan ut saꞌ li xcuuk li cutan. Saꞌ li xcuuk li cutan ta̱santobresi̱k li muxbil ru. Tento nak tixpuchꞌ li rakꞌ ut ta̱ati̱nk re nak santobresinbilak chic nak ta̱oc li kꞌojyi̱n.

Levítico 16:28

Li ani ta̱cꞌatok reheb lix tibel li xul aꞌan, tento nak ta̱ati̱nk ut tixpuchꞌ li rakꞌ. Chirix aꞌan naru na-oc saꞌ li naꞌajej li cuanqueb cuiꞌ lix muheba̱leb laj Israel.

Levítico 16:26

Ut li cui̱nk li ta̱cꞌamok re li chiba̱t saꞌ li chaki chꞌochꞌ bar ma̱cꞌaꞌ cristian, tento nak tixpuchꞌ li rakꞌ ut ta̱ati̱nk. Tojoꞌnak ta̱oc cuiꞌchic saꞌ li naꞌajej li cuanqueb cuiꞌ lix muheba̱leb laj Israel.

Levítico 15:27

Ut muxbilak ru li ani ta̱chꞌeꞌok re li cꞌaꞌak re ru aꞌin. Tento nak ta̱ati̱nk ut tixpuchꞌ li rakꞌ. Muxbil ru ta̱cana̱k toj ta̱oc li kꞌojyi̱n.

Levítico 11:28

Li ani tixcuaclesi junak li camenak xul xcomoneb aꞌan, tento nak tixpuchꞌ li rakꞌ ut li jun aꞌan muxbil chic ru ta̱cana̱k toj ta̱oc li kꞌojyi̱n.

Levítico 11:25

Li ani tixcuaclesi li camenak xul aꞌin, tento nak tixpuchꞌ li rakꞌ ut li jun aꞌan muxbil chic ru ta̱cana̱k toj ta̱oc li kꞌojyi̱n.

Éxodo 22:31

La̱ex lin tenamit. Joꞌcan nak chexcua̱nk saꞌ santilal ut me̱tiu xtibel li xul li nacamsi̱c xbaneb li joskꞌ aj xul li cuanqueb saꞌ qꞌuicheꞌ. Qꞌuehomak ban chixtiuheb li tzꞌiꞌ.

Levítico 11:39

Cui junak li xul ta̱ca̱mk xcomoneb li nequetiu, li ani ta̱chꞌeꞌok re tixmux rib. Ut muxbilak ru ta̱cana̱k toj ta̱oc li kꞌojyi̱n.

Levítico 14:46

Yalak ani ta̱oc saꞌ li cab nak tzꞌaptzꞌo̱k, aꞌan muxbilak chic ru toj ta̱oc li kꞌojyi̱n.

Levítico 15:15

Ut laj tij tixmayejaheb. Li jun tixmayeja re xtzꞌa̱manquil xcuybal xma̱c li cui̱nk. Ut li jun chic tixmayeja re lix cꞌatbil mayej. Joꞌcaꞌin tixba̱nu laj tij re nak li cui̱nk ta̱santobresi̱k chiru li Ka̱cuaꞌ riqꞌuin lix yajel.

Levítico 22:6

Cui junak laj tij tixchꞌeꞌ li cꞌaꞌru muxbil ru, li jun aꞌan muxbil ru ta̱cana̱k toj ta̱oc li kꞌojyi̱n. Ut incꞌaꞌ naru tixtzaca li mayejanbil tzacae̱mk toj ta̱ati̱nk.