Levítico 11:39 - Li Santil hu

³⁹ Cui junak li xul ta̱ca̱mk xcomoneb li nequetiu, li ani ta̱chꞌeꞌok re tixmux rib. Ut muxbilak ru ta̱cana̱k toj ta̱oc li kꞌojyi̱n.

Q'eqchi Bible

³⁹ “Wi taakamq junaq xul xkomoneb' li neketiw, ani taach'e'oq re li kamenaq xul a'an, taakanaaq chi muxb'il toj reetal taa'ok li q'oqyink.

Levítico 11:39 ပူးပေါင်းရင်းမြစ်များ

Números 19:16

Ut muxbilak ajcuiꞌ ru li ani ta̱chꞌeꞌok re junak camenak saꞌ cꞌaleba̱l, usta quicamsi̱c chi chꞌi̱chꞌ, malaj ut yal nacam chi joꞌcan. Ut muxbilak ru li ani ta̱chꞌeꞌok re xbakel li camenak malaj ut junak li mukleba̱l. Muxbil ru ta̱cana̱k chiru cuukub cutan.

Números 19:11

Li ani tixchꞌeꞌ junak camenak muxbil ru ta̱cana̱k chiru cuukub cutan.

Levítico 15:7

Li ani ta̱chꞌeꞌok re junak li cui̱nk yo̱ chi e̱lc xyaꞌal lix tzꞌejcual, tento nak ta̱ati̱nk ut tixpuchꞌ li rakꞌ ut muxbilak ru ta̱cana̱k toj ta̱oc li kꞌojyi̱n.

Levítico 15:5

Ut muxbilak ru li ani ta̱chꞌeꞌok re li cuarib aꞌan. Tento nak ta̱ati̱nk ut tixpuchꞌ li rakꞌ ut muxbil ru ta̱cana̱k toj ta̱oc li kꞌojyi̱n.

Levítico 11:40

Ut cui junak tixtiu xtibel li camenak xul, li jun aꞌan tento nak tixpuchꞌ li rakꞌ. Abanan muxbilak ru ta̱cana̱k toj ta̱oc li kꞌojyi̱n. Ut li ani tixpako li camenak xul tixmux rib. Tento nak tixpuchꞌ li rakꞌ ut muxbilak ru ta̱cana̱k toj ta̱oc li kꞌojyi̱n.

Levítico 11:31

Aꞌaneb aꞌin li xul li incꞌaꞌ naru te̱tzaca xcomoneb li nequeꞌbe̱c saꞌ chꞌochꞌ. Li ani ta̱chꞌeꞌok re jun li camenak xul xcomoneb aꞌan muxbil chic ru ta̱cana̱k toj ta̱oc li kꞌojyi̱n.

Levítico 11:28

Li ani tixcuaclesi junak li camenak xul xcomoneb aꞌan, tento nak tixpuchꞌ li rakꞌ ut li jun aꞌan muxbil chic ru ta̱cana̱k toj ta̱oc li kꞌojyi̱n.

Levítico 11:24

Cuanqueb li xul camenak incꞌaꞌ naru te̱chꞌeꞌ. Cui te̱chꞌeꞌ, te̱mux e̱rib ut muxbil chic ru texcana̱k toj ta̱oc li kꞌojyi̱n.

Levítico 11:38

Abanan cui ac qꞌuebil saꞌ haꞌ li iyaj nak li camenak xul ta̱tꞌanekꞌ saꞌ xbe̱n, li iyaj aꞌan muxbil chic ru ta̱cana̱k.

Levítico 22:4

Ma̱ jun reheb li ralal xcꞌajol laj Aarón li cuan li yajel saklep chirix malaj ut na-el xyaꞌal lix tzꞌejcual naru tixtzaca li lokꞌlaj mayej chi toj ma̱jiꞌ xsantobresi rib. Joꞌcan ajcuiꞌ li tixmux rib riqꞌuin xchꞌeꞌbal li cꞌaꞌru quinak camenak chiru malaj ut cui xchꞌeꞌ li ani yo̱ chi e̱lc xyaꞌal lix tzꞌejcual.

Levítico 22:8

Incꞌaꞌ naru tixtzaca xtibel li xul li yal xcam chi joꞌcan, chi moco tixtzaca xtibel li xul li quicamsi̱c xban joskꞌ aj xul. Cui tixtzaca, tixmux rib. La̱in li Ka̱cuaꞌ ninyehoc re aꞌin.

Levítico 14:46

Yalak ani ta̱oc saꞌ li cab nak tzꞌaptzꞌo̱k, aꞌan muxbilak chic ru toj ta̱oc li kꞌojyi̱n.

Levítico 15:15

Ut laj tij tixmayejaheb. Li jun tixmayeja re xtzꞌa̱manquil xcuybal xma̱c li cui̱nk. Ut li jun chic tixmayeja re lix cꞌatbil mayej. Joꞌcaꞌin tixba̱nu laj tij re nak li cui̱nk ta̱santobresi̱k chiru li Ka̱cuaꞌ riqꞌuin lix yajel.

Levítico 16:26

Ut li cui̱nk li ta̱cꞌamok re li chiba̱t saꞌ li chaki chꞌochꞌ bar ma̱cꞌaꞌ cristian, tento nak tixpuchꞌ li rakꞌ ut ta̱ati̱nk. Tojoꞌnak ta̱oc cuiꞌchic saꞌ li naꞌajej li cuanqueb cuiꞌ lix muheba̱leb laj Israel.

Levítico 17:15

Cui junak naxtzaca xtibel li xul li yal nacam xjunes malaj ut quicamsi̱c xban joskꞌ aj xul, li jun aꞌan xmux rib, usta aj Israel usta jalan xtenamit. Tento nak ta̱ati̱nk ut tixpuchꞌ li rakꞌ. Ut muxbil ru ta̱cana̱k toj ta̱oc li kꞌojyi̱n. Riqꞌuin aꞌan santobresinbilak chic.

Levítico 22:6

Cui junak laj tij tixchꞌeꞌ li cꞌaꞌru muxbil ru, li jun aꞌan muxbil ru ta̱cana̱k toj ta̱oc li kꞌojyi̱n. Ut incꞌaꞌ naru tixtzaca li mayejanbil tzacae̱mk toj ta̱ati̱nk.

Números 19:7

Chirix aꞌan laj tij tixpuchꞌ li rakꞌ ut ta̱ati̱nk. Ut ta̱oc cuiꞌchic saꞌ li naꞌajej li cuan cuiꞌ lix muheba̱leb. Abanan muxbilak ru nak toj ta̱ecuu̱k.

Ezequiel 4:14

Ut la̱in quinye: —At Ka̱cuaꞌ, at inDios, la̱in ma̱ jun sut quinmux cuib. Chalen saꞌ incaꞌchꞌinal ut toj chalen anakcuan ma̱ jun cua xintzaca lix tibel li xul li yal quicam xjunes, chi moco li camsinbil xban joskꞌ aj xul. Ma̱ jun cua xintzaca li tzacae̱mk muxbil, chanquin.