Levítico 11:33 - Li Santil hu

³³ Cui jun li camenak xul ta̱tꞌanekꞌ chi saꞌ li chꞌochꞌ ucꞌal, muxbil chic ru ta̱cana̱k li ucꞌal joꞌ ajcuiꞌ li cuan chi saꞌ. Tento nak te̱jor li ucꞌal aꞌan.

Q'eqchi Bible

³³ “Wi junaq kamenaq xul xkomoneb' a'an taat'ane'q sa' junaq ch'och' uk'al, chixjunil li k'aru wank chisa' li uk'al a'an taakanaaq chi muxb'il ut tento xjorb'al li uk'al a'an.

Levítico 11:33 ပူးပေါင်းရင်းမြစ်များ

Levítico 15:12

Cui li cui̱nk li yo̱ chi e̱lc xyaꞌal lix tzꞌejcual tixchꞌeꞌ junak li chꞌochꞌ ucꞌal, tento nak teꞌxjor li chꞌochꞌ ucꞌal ut cui tixchꞌeꞌ li cꞌaꞌak re ru yi̱banbil riqꞌuin cheꞌ tento nak teꞌxchꞌaj.

Levítico 6:28

Cui saꞌ chꞌochꞌ ucꞌal teꞌxchik li mayej tib, tento nak teꞌxjor li ucꞌal aꞌan. Abanan cui teꞌxchik li tib saꞌ junak ucꞌal chꞌi̱chꞌ, tento nak teꞌxjiꞌ xsaꞌ chi us ut teꞌxchꞌaj.

Filipenses 3:21

Aꞌan kꞌaxal nim xcuanquil saꞌ xbe̱n chixjunil li cꞌaꞌak re ru. Riqꞌuin lix nimal xcuanquilal, li Jesucristo tixjal li katibel li ma̱cꞌaꞌ xcuanquil ut tixqꞌue ke jun chic kꞌaxal lokꞌ joꞌ li re aꞌan.

Jeremías 48:38

Yalak bar yo̱queb chi ya̱bac xban nak la̱in xinsach ru li naꞌajej Moab. Yo̱queb chi ya̱bac saꞌ xbe̱neb li cab ut saꞌ eb li cꞌayil. Li tenamit chanchan jun li cuc li xjoreꞌ ut ma̱ ani na-ajoc re, chan li Dios.

Levítico 14:45

Tixtakla xjucꞌbal li cab. Ut li pec, li cheꞌ ut chixjunil li tzꞌac teꞌcꞌamekꞌ chirix li naꞌajej li cuanqueb cuiꞌ lix muheba̱leb saꞌ li naꞌajej li natzꞌekman cuiꞌ li cꞌaꞌak re ru muxbil ru.

Levítico 11:35

Aꞌ yal cꞌaꞌru ta̱nak cuiꞌ li camenak xul muxbil chic ru ta̱cana̱k ut lix naꞌaj li xam malaj ut li horno yi̱banbil riqꞌuin chꞌochꞌ muxbileb chic ru ut tento te̱jucꞌ.

Levítico 11:34

Ut cui li haꞌ li cuan saꞌ li ucꞌal aꞌan ta̱nak saꞌ li tzacae̱mk, muxbil chic ru ta̱cana̱k li tzacae̱mk. Ut chixjunil li haꞌ li cuan saꞌ li ucꞌal aꞌan, muxbil chic ru ta̱cana̱k.

Levítico 6:21

Teꞌxqꞌue saꞌ xartin li caxlan cua aꞌin li qꞌuebil aceite riqꞌuin. Ut nak acak xchakꞌak te̱cꞌam chi pedasinbil chokꞌ e̱mayej ut te̱qꞌue chiru li Ka̱cuaꞌ. Ut aꞌanak jun sununquil mayej chiru.

Levítico 13:52

Laj tij tento nak tixcꞌat li tꞌicr lino ut lana malaj ut li cꞌaꞌak re ru yi̱banbil riqꞌuin tzꞌu̱m. Tixcꞌat re nak tixsach ru li moꞌ aꞌan xban nak naxbon rib.

Números 19:15

Ut chixjunil li cuc, malaj ut li ucꞌal li ma̱cꞌaꞌ xtzꞌapbal re ut li incꞌaꞌ tzꞌaptzꞌo chi us muxbileb ru.