Levítico 11:3 - Li Santil hu

³ Naru nequetiu xtibeleb li xul li jun xxa̱la rok ut cuib rixiꞌijeb, li nequeꞌxhab xcuaheb xcaꞌ sut.

Q'eqchi Bible

³ li neke'xhab'le xka'sutil li xwaheb' ut eb' li xalxo rixi'ijeb' li roqeb'.

Levítico 11:3 ပူးပေါင်းရင်းမြစ်များ

2 Corintios 6:17

Ut li Ka̱cuaꞌ quixye cuiꞌchic chi joꞌcaꞌin: Joꞌcan utan chex-e̱lk saꞌ xya̱nkeb li nequeꞌxlokꞌoni li yi̱banbil dios. Me̱ba̱nu chic li nequeꞌxba̱nu li jun chꞌol chic nak nequeꞌxlokꞌoni li yi̱banbil dios. Checanabak chi junaj cua ut la̱in texincꞌul chi sa saꞌ inchꞌo̱l.

1 Timoteo 4:15

Qꞌue a̱chꞌo̱l chixba̱nunquil chixjunil li xinye a̱cue re nak chixjunileb teꞌxqꞌue retal nak ti̱c la̱ yuꞌam ut teꞌxqꞌue ajcuiꞌ retal nak us yo̱ chi e̱lc li cꞌanjel yo̱cat chixba̱nunquil.

Hechos 17:11

Eb li cuanqueb aran Berea kꞌaxal kꞌuneb xchꞌo̱l chiruheb li cuanqueb Tesalónica. Queꞌxcꞌul chi sa saꞌ xchꞌo̱leb li ra̱tin li Dios li yo̱ chixyebal laj Pablo. Ut rajlal cutan queꞌxtzol saꞌ li Santil Hu re rilbal ma joꞌcan tana naxye.

Proverbios 9:6

Chetauhak le̱ naꞌleb ut chesicꞌak li us. Canabomak li to̱ntil naꞌleb re nak cua̱nk e̱yuꞌam, chanquex.

Proverbios 2:10

Se̱bak chic a̱chꞌo̱l xban nak cua̱nk chic a̱naꞌleb ut sahak chic a̱chꞌo̱l.

Levítico 11:2

—Yehomak chi joꞌcaꞌin reheb laj Israel. Saꞌ xya̱nkeb li xul li cuanqueb saꞌ ruchichꞌochꞌ sicꞌbil ru li naru te̱tiu xtibel.

Levítico 11:4

Abanan, eb li xul li incꞌaꞌ nequeꞌxhab xcuaheb xcaꞌ sut ut eb li ma̱cꞌaꞌ cuib rixiꞌij incꞌaꞌ naru nequetzaca. Incꞌaꞌ naru nequetzaca li camello xban nak usta naxhab xcua xcaꞌ sut, moco cuib ta rixiꞌij.

Levítico 11:5

Incꞌaꞌ naru nequetzaca li xul tejón xcꞌabaꞌ xban nak usta naxhab xcua xcaꞌ sut, abanan moco jun ta xxa̱la rok. Aꞌan jun li xul incꞌaꞌ us te̱tzaca.

Levítico 11:6

Joꞌcan ajcuiꞌ li imul. Incꞌaꞌ naru nequetzaca xban nak usta naxhab xcua xcaꞌ sut, abanan moco jun ta xxa̱la rok. Aꞌan jun li xul incꞌaꞌ us te̱tzaca.

Levítico 11:7

Joꞌcan ajcuiꞌ li a̱k. Incꞌaꞌ naru nequetzaca xban nak usta jun ajcuiꞌ lix xa̱la rok, abanan incꞌaꞌ naxhab xcua xcaꞌ sut. Aꞌan jun li xul incꞌaꞌ us chokꞌ e̱re.

Levítico 11:26

Aꞌaneb aꞌin li xul aꞌin: eb li xul li cuanqueb cuib li rixiꞌij, abanan ma̱cꞌaꞌ xxa̱la li rok ut eb li incꞌaꞌ nequeꞌxhab xcuaheb xcaꞌ sut. Muxbil ru ta̱cana̱k li ani ta̱chꞌeꞌok re li camenak xul xcomoneb aꞌan.

Deuteronomio 14:6

Naru te̱tzaca xtibel li xul li jun ajcuiꞌ lix xa̱la rok ut cuib rixiꞌij, li nequeꞌxhab xcuaheb xcaꞌ sut.

Deuteronomio 14:8

Joꞌcan ajcuiꞌ li a̱k. Incꞌaꞌ naru nequetzaca xban nak usta cuib li rixiꞌij, abanan incꞌaꞌ nequeꞌxhab xcuaheb xcaꞌ sut. Incꞌaꞌ naru te̱tzaca xtibel chi moco naru te̱chꞌeꞌ cui camenak.