Levítico 11:24 - Li Santil hu

²⁴ Cuanqueb li xul camenak incꞌaꞌ naru te̱chꞌeꞌ. Cui te̱chꞌeꞌ, te̱mux e̱rib ut muxbil chic ru texcana̱k toj ta̱oc li kꞌojyi̱n.

Q'eqchi Bible

²⁴ “Rik'ineb' li xul a'in laa'ex teetz'ajni eerib': ani tixch'e' junaq kamenaq xul, a' yaal b'arwan reheb' li xul a'in, taakanaaq chi muxb'il toj reetal taa'ok li q'oqyink.

Levítico 11:24 ပူးပေါင်းရင်းမြစ်များ

1 Juan 1:7

Ut cui nakaba̱nu li cꞌaꞌru naraj li Dios, joꞌ naxcꞌutbesi chiku li Cristo, cuanco chic chi sum a̱tin chi kibil kib. Ut lix quiqꞌuel li Jesucristo li Ralal li Dios naxchꞌajobresi li ka̱m ut narisi chixjunil li kama̱c.

Hebreos 9:26

Cui ta quixmayeja rib nabal sut, nabal sut raj quicam chalen saꞌ xticlajic li ruchichꞌochꞌ. Aban incꞌaꞌ quixba̱nu chi joꞌcan. Li Jesucristo quicꞌulun re xrakbal li xbe̱n contrato ut jun sut ajcuiꞌ quixmayeja rib. Ut riqꞌuin aꞌan cuan xcuybal li ma̱c.

Colosenses 2:20

Chanchan nak quexcam e̱rochben li Cristo nak xexpa̱ban. Acꞌ chic le̱ yuꞌam ut li cꞌaꞌru tzolbilex cuiꞌ chak junxil saꞌ ruchichꞌochꞌ ma̱cꞌaꞌ chic xcuanquil saꞌ e̱be̱n. ¿Cꞌaꞌut nak toj nequeqꞌue e̱rib chi balakꞌi̱c ut chixba̱nunquil le̱ najter naꞌleb?

Efesios 5:11

Me̱junaji chic e̱rib riqꞌuineb li incꞌaꞌ nequeꞌxnau xya̱lal ut nequeꞌxba̱nu li cꞌaꞌak re ru ma̱cꞌaꞌ na-oc cuiꞌ. La̱ex ban chic texchꞌoloba̱nk re lix ya̱lal chiruheb nak incꞌaꞌ us yo̱queb.

2 Corintios 6:17

Ut li Ka̱cuaꞌ quixye cuiꞌchic chi joꞌcaꞌin: Joꞌcan utan chex-e̱lk saꞌ xya̱nkeb li nequeꞌxlokꞌoni li yi̱banbil dios. Me̱ba̱nu chic li nequeꞌxba̱nu li jun chꞌol chic nak nequeꞌxlokꞌoni li yi̱banbil dios. Checanabak chi junaj cua ut la̱in texincꞌul chi sa saꞌ inchꞌo̱l.

1 Corintios 15:33

Me̱qꞌue e̱rib chi balakꞌi̱c xbaneb li nequeꞌa̱tinac chi joꞌcan. Me̱junaji e̱rib riqꞌuineb li incꞌaꞌ useb xnaꞌleb xban nak li incꞌaꞌ useb xnaꞌleb nequeꞌxpoꞌ xchꞌo̱leb li cha̱bileb xnaꞌleb.

Isaías 22:14

Ut li Ka̱cuaꞌ li nimajcual Dios quia̱tinac cuiqꞌuin ut quixye cue: —Li ma̱c aꞌin li xeba̱nu la̱ex aj Jerusalén incꞌaꞌ tincuy toj retal nak texca̱mk. La̱in li nimajcual Dios xinyehoc re aꞌin, chan.

Levítico 11:31

Aꞌaneb aꞌin li xul li incꞌaꞌ naru te̱tzaca xcomoneb li nequeꞌbe̱c saꞌ chꞌochꞌ. Li ani ta̱chꞌeꞌok re jun li camenak xul xcomoneb aꞌan muxbil chic ru ta̱cana̱k toj ta̱oc li kꞌojyi̱n.

Levítico 11:8

Incꞌaꞌ naru nequetiu xtibeleb li xul aꞌin ut incꞌaꞌ ajcuiꞌ naru nequechꞌeꞌ nak camenakeb xban nak cui nequechꞌeꞌ, muxbil chic e̱ru texcana̱k.

Levítico 11:23

Abanan incꞌaꞌ naru te̱tzaca li jun chꞌol chic li xul li cuanqueb xxicꞌ ut cuanqueb ca̱hib rok. Tzꞌekta̱nanbilak e̱ban.

Levítico 11:25

Li ani tixcuaclesi li camenak xul aꞌin, tento nak tixpuchꞌ li rakꞌ ut li jun aꞌan muxbil chic ru ta̱cana̱k toj ta̱oc li kꞌojyi̱n.

Levítico 22:4

Ma̱ jun reheb li ralal xcꞌajol laj Aarón li cuan li yajel saklep chirix malaj ut na-el xyaꞌal lix tzꞌejcual naru tixtzaca li lokꞌlaj mayej chi toj ma̱jiꞌ xsantobresi rib. Joꞌcan ajcuiꞌ li tixmux rib riqꞌuin xchꞌeꞌbal li cꞌaꞌru quinak camenak chiru malaj ut cui xchꞌeꞌ li ani yo̱ chi e̱lc xyaꞌal lix tzꞌejcual.

Levítico 5:2

Joꞌcan ajcuiꞌ junak li cristian tixchꞌeꞌ li camenak xul xcomoneb li xul li quixye li Dios nak incꞌaꞌ teꞌxtzaca, usta joskꞌ aj xul usta incꞌaꞌ, malaj ut xcomoneb li nequeꞌxquelo rib saꞌ chꞌochꞌ. Cui tixchꞌeꞌ li xul aꞌan usta incꞌaꞌ naxnau nak incꞌaꞌ us xba̱nu, tixmux rib ut cua̱nk xma̱c.

Levítico 7:21

Cui ani tixmux rib riqꞌuin xchꞌeꞌbal li muxbil ru, usta cristian usta xul li tixchꞌeꞌ, ut tixtzaca li tib li mayejanbil re xcꞌambal rib saꞌ usilal riqꞌuin li Dios, li jun aꞌan ta̱isi̱k saꞌ xya̱nkeb li rech aj Israelil.

Levítico 14:46

Yalak ani ta̱oc saꞌ li cab nak tzꞌaptzꞌo̱k, aꞌan muxbilak chic ru toj ta̱oc li kꞌojyi̱n.

Levítico 15:5

Ut muxbilak ru li ani ta̱chꞌeꞌok re li cuarib aꞌan. Tento nak ta̱ati̱nk ut tixpuchꞌ li rakꞌ ut muxbil ru ta̱cana̱k toj ta̱oc li kꞌojyi̱n.

Levítico 15:6

Ut muxbilak ru li ani ta̱cꞌojla̱k saꞌ li naꞌajej li xcꞌojla cuiꞌ li cui̱nk aꞌan. Tento nak ta̱ati̱nk ut tixpuchꞌ li rakꞌ ut muxbil ru ta̱cana̱k toj ta̱oc li kꞌojyi̱n.

Levítico 15:7

Li ani ta̱chꞌeꞌok re junak li cui̱nk yo̱ chi e̱lc xyaꞌal lix tzꞌejcual, tento nak ta̱ati̱nk ut tixpuchꞌ li rakꞌ ut muxbilak ru ta̱cana̱k toj ta̱oc li kꞌojyi̱n.

Levítico 15:8

Ut cui li cui̱nk li yo̱ chi e̱lc xyaꞌal lix tzꞌejcual tixchu̱ba junak, li jun li quichu̱ba̱c muxbilak ru ta̱cana̱k toj ta̱oc li kꞌojyi̱n. Tento nak ta̱ati̱nk ut tixpuchꞌ li rakꞌ.

Levítico 15:10

Cui junak naxchꞌeꞌ li cꞌaꞌak re ru quicuan rubel li cui̱nk aꞌan, li ani xchꞌeꞌoc re muxbil chic ru. Ut muxbil ajcuiꞌ ru li ani ta̱cꞌamok re li cꞌaꞌak re ru aꞌin. Tento nak ta̱ati̱nk ut tixpuchꞌ li rakꞌ ut muxbil ru ta̱cana̱k toj ta̱oc li kꞌojyi̱n.

Levítico 15:11

Cui junak li cui̱nk yo̱ chi e̱lc xyaꞌal lix tzꞌejcual tixchꞌeꞌ junak chi incꞌaꞌ xchꞌaj li rukꞌ xbe̱n cua, li ani li tixchꞌeꞌ muxbil chic ru. Tento nak ta̱ati̱nk ut tixpuchꞌ li rakꞌ. Li jun aꞌan muxbil ru ta̱cana̱k toj ta̱oc li kꞌojyi̱n.

Levítico 15:15

Ut laj tij tixmayejaheb. Li jun tixmayeja re xtzꞌa̱manquil xcuybal xma̱c li cui̱nk. Ut li jun chic tixmayeja re lix cꞌatbil mayej. Joꞌcaꞌin tixba̱nu laj tij re nak li cui̱nk ta̱santobresi̱k chiru li Ka̱cuaꞌ riqꞌuin lix yajel.

Levítico 15:21

Li ani ta̱chꞌeꞌok re lix cuarib li ixk nak yo̱ xyajel re li po, tento nak ta̱ati̱nk ut tixpuchꞌ li rakꞌ ut muxbilak ru toj ta̱oc li kꞌojyi̱n.

Levítico 15:22

Cui junak tixchꞌeꞌ li cꞌaꞌru ta̱cꞌojla̱k cuiꞌ li ixk aꞌan, li ani xchꞌeꞌoc re tento nak ta̱ati̱nk ut tixpuchꞌ li rakꞌ. Ut muxbil chic ru ta̱cana̱k toj ta̱oc li kꞌojyi̱n.

Levítico 15:23

Li ani ta̱chꞌeꞌok re lix cuarib, malaj ut li cꞌaꞌru ta̱cꞌojla̱k cuiꞌ li ixk aꞌan, muxbil ru ta̱cana̱k toj ta̱oc li kꞌojyi̱n.

Levítico 15:27

Ut muxbilak ru li ani ta̱chꞌeꞌok re li cꞌaꞌak re ru aꞌin. Tento nak ta̱ati̱nk ut tixpuchꞌ li rakꞌ. Muxbil ru ta̱cana̱k toj ta̱oc li kꞌojyi̱n.

Levítico 16:26

Ut li cui̱nk li ta̱cꞌamok re li chiba̱t saꞌ li chaki chꞌochꞌ bar ma̱cꞌaꞌ cristian, tento nak tixpuchꞌ li rakꞌ ut ta̱ati̱nk. Tojoꞌnak ta̱oc cuiꞌchic saꞌ li naꞌajej li cuanqueb cuiꞌ lix muheba̱leb laj Israel.

Levítico 16:28

Li ani ta̱cꞌatok reheb lix tibel li xul aꞌan, tento nak ta̱ati̱nk ut tixpuchꞌ li rakꞌ. Chirix aꞌan naru na-oc saꞌ li naꞌajej li cuanqueb cuiꞌ lix muheba̱leb laj Israel.

Levítico 22:5

Ut incꞌaꞌ naru tixtzaca li lokꞌlaj mayej cui xchꞌeꞌ junak li xul xcomoneb li nequeꞌxjucuqui ribeb malaj ut junak li cristian muxbil ru, aꞌ yal cꞌaꞌru li xmux cuiꞌ rib.

Levítico 22:6

Cui junak laj tij tixchꞌeꞌ li cꞌaꞌru muxbil ru, li jun aꞌan muxbil ru ta̱cana̱k toj ta̱oc li kꞌojyi̱n. Ut incꞌaꞌ naru tixtzaca li mayejanbil tzacae̱mk toj ta̱ati̱nk.

Números 19:7

Chirix aꞌan laj tij tixpuchꞌ li rakꞌ ut ta̱ati̱nk. Ut ta̱oc cuiꞌchic saꞌ li naꞌajej li cuan cuiꞌ lix muheba̱leb. Abanan muxbilak ru nak toj ta̱ecuu̱k.