Levítico 10:9 - Li Santil hu

⁹ —La̱at ut eb la̱ cualal incꞌaꞌ ta̱ru̱k tex-oc saꞌ li tabernáculo cui yo̱quex chi ucꞌac vino malaj ut li haꞌ li nacaltesin re nak incꞌaꞌ texca̱mk. Aꞌin jun li chakꞌrab tento te̱ba̱nu la̱ex ut tento ajcuiꞌ teꞌxba̱nu eb le̱ ralal e̱cꞌajol li teꞌcua̱nk mokon.

Q'eqchi Bible

⁹ “Naq laa'at malaj eb' laawalal tex'ok sa' li Loq'laj Muheb'aal, ink'a' tex'uk'uq b'iin chi moko ha' nakaltesink. Mare wachik texkamq. A'an jun chaq'rab' li wank xwankil chi junelik, li tento teepaab' laa'ex ut eb' leeralal eek'ajol toj chaalel.

Levítico 10:9 ပူးပေါင်းရင်းမြစ်များ

San Lucas 1:15

La̱ cualal li ta̱yoꞌla̱k ta̱qꞌuehekꞌ xcuanquil xban li Dios. Aꞌan incꞌaꞌ ta̱ucꞌak vino chi moco li haꞌ li nacaltesin. Ut ac cua̱nk chak li Santil Musikꞌej riqꞌuin nak toj ma̱jiꞌak nayoꞌla.

1 Timoteo 3:3

Laj cꞌamol be ma̱cuaꞌak aj calajenak ut ma̱cuaꞌak aj sicꞌol ple̱t. Ma̱cuaꞌak aj rahol ru tumin. Tu̱lanak ban ut cua̱nk saꞌ xya̱lal.

Tito 1:7

Li ani nacꞌamoc be chiruheb laj pa̱banel, li jun aꞌan aj cꞌanjel chiru li Dios. Joꞌcan nak tento nak ti̱cak xchꞌo̱l re nak ma̱ ani ta̱a̱tinak chirix. Moco kꞌetkꞌetak ta ut moco chꞌinpoꞌak ta, chi moco ta̱cala̱k, chi moco ta̱pletik. Ut ma̱cuaꞌak aj rahol ru biomal, chi moco tixsicꞌ xtumin riqꞌuin balakꞌic.

Efesios 5:18

Mexcala chic xban nak napoꞌoc chꞌo̱lej. Chinujak ban le̱ chꞌo̱l riqꞌuin li Santil Musikꞌej.

Ezequiel 44:21

Eb laj tij incꞌaꞌ teꞌrucꞌ li vino nak teꞌoc saꞌ li neba̱l li cuan toj chi saꞌ.

Isaías 28:7

Eb li profeta ut eb laj tij yo̱queb chi cala̱c ut nequeꞌtacloc. Cꞌajoꞌ li vino ut li haꞌ li nacaltesin queꞌrucꞌ toj retal queꞌxsach xnaꞌleb. Eb li profeta incꞌaꞌ chic nequeꞌxtau ru li visión li naxcꞌut chiruheb li Ka̱cuaꞌ. Ut eb laj tij incꞌaꞌ chic nequeꞌru xqꞌuebal xnaꞌlebeb li tenamit.

1 Timoteo 3:8

Ut joꞌcan ajcuiꞌ li nequeꞌcꞌanjelac saꞌ xya̱nkeb laj pa̱banel. Tento nak ti̱cakeb xchꞌo̱l. Ut li cꞌaꞌru teꞌxye teꞌxba̱nu, cheꞌxba̱nuhak ajcuiꞌ. Ma̱cuaꞌakeb aj calajenak. Ut incꞌaꞌ teꞌxsicꞌ xtumineb riqꞌuin balakꞌi̱nc.

Números 6:3

li jun aꞌan incꞌaꞌ naru ta̱rucꞌ li vino chi moco li haꞌ li nacaltesin, chi moco li vinagre. Incꞌaꞌ naru ta̱rucꞌ xyaꞌal li uvas. Ut incꞌaꞌ naru tixtzaca li uvas chi moco li chaki.

1 Timoteo 5:23

Xban nak cuan xyajel la̱ saꞌ, ma̱cuucꞌ junes haꞌ. Naru ta̱cuucꞌ caꞌchꞌinak li vino re xbanbal.

Oseas 4:11

Ut quixye ajcuiꞌ li Ka̱cuaꞌ: —Yo̱ chi sachc xnaꞌlebeb lin tenamit xban li cala̱c ut li ucꞌac vino ut xban li coꞌbe̱tac yumbe̱tac nequeꞌxba̱nu.

Proverbios 20:1

Li na-ucꞌac vino nayiboꞌ ru lix naꞌleb. Ut li na-ucꞌac re li haꞌ li nacaltesin nasach xnaꞌleb. Li ani naba̱nun re chi joꞌcan, aꞌan ma̱cꞌaꞌ xnaꞌleb.

Números 6:20

Chirix aꞌan laj tij tixchap cuiꞌchic li mayej ut tixtaksiheb saꞌ rukꞌ chiru li Ka̱cuaꞌ. Aꞌan jun li mayej santo ut re laj tij rochben li re xchꞌo̱l ut li rukꞌ jun chic. Chirix aꞌan laj nazareo ta̱ru̱k ta̱rucꞌ cuiꞌchic li vino.

Levítico 3:17

Incꞌaꞌ te̱tzaca lix xe̱bul li xul chi moco lix quiqꞌuel. Aꞌin jun li chakꞌrab cua̱nk xcuanquil junelic. Yalak bar cua̱nkex la̱ex li naꞌbej yucuaꞌbej te̱ba̱nu li chakꞌrab aꞌin, joꞌ eb ajcuiꞌ le̱ ralal e̱cꞌajol li teꞌcua̱nk mokon.

Levítico 10:8

Li Ka̱cuaꞌ Dios quia̱tinac riqꞌuin laj Aarón ut quixye re:

Éxodo 27:21

Laj Aarón rochbeneb li ralal, aꞌaneb li teꞌilok re li candelero li cuan saꞌ li Santil Naꞌajej, li cuan chiru li tas li naramoc re li Lokꞌlaj Santil Naꞌajej, li cuan cuiꞌ li Lokꞌlaj Ca̱x. Teꞌril nak junelic lochlo̱k chiru li Ka̱cuaꞌ lix xamlel li candelero. Li chakꞌrab aꞌin tenebanbil saꞌ xbe̱neb laj Israel joꞌqueb ajcuiꞌ li ralal xcꞌajoleb re nak joꞌcan teꞌxba̱nu junelic.