Levítico 10:12 - Li Santil hu

¹² Laj Moisés quia̱tinac riqꞌuineb laj Aarón ut laj Eleazar ut laj Itamar, li cuib chi ralal laj Aarón li incꞌaꞌ queꞌcamsi̱c. Quixye reheb: —Te̱cꞌam li cꞌaj li qui-elaꞌan nak quiqꞌueheꞌ li cꞌatbil mayej cꞌaj. Riqꞌuin aꞌan te̱yi̱b li caxlan cua li ma̱cꞌaꞌ xchꞌamal ut te̱cuaꞌ chixcꞌatk li artal xban nak li mayej aꞌin santo.

Q'eqchi Bible

¹² Chirix a'an laj Moisés kixye reheb' laj Aharón ut laj Elehasar jo'wi' laj Itamar, chi xkab'ichaleb' li ralal laj Aharón li toj wankeb' chiru: —Chapomaq li mayej k'aj, rela' li k'atb'il mayej, ut tzekahomaq chire li artal, chi maak'a'aq xyu, xb'aan naq a'an jwal loq'.

Levítico 10:12 ပူးပေါင်းရင်းမြစ်များ

Levítico 21:22

Naru nequeꞌxtzaca li mayej caxlan cua li kꞌaxal lokꞌ ut li cꞌaꞌak re ru li santobresinbil,

Ezequiel 44:29

Eb aꞌan teꞌxtzaca li ru li acui̱mk li ta̱mayeja̱k, ut teꞌxtzaca li mayej re xtojbal rix lix ma̱queb li tenamit, joꞌ ajcuiꞌ li mayej re xtzꞌa̱manquil xcuybal lix ma̱queb. Chixjunil li kꞌaxtesinbilak cue la̱in, reheb laj tij.

Levítico 7:9

Joꞌcan ajcuiꞌ li mayej caxlan cua li nachakꞌa̱c saꞌ horno, ut li nayaloꞌ saꞌ xartin joꞌ ajcuiꞌ li naqꞌuili̱c, aꞌan re laj tij li ta̱cꞌatok re li mayej.

Éxodo 29:2

Ut te̱yi̱b li caxlan cua li ma̱cꞌaꞌ xchꞌamal riqꞌuin li cha̱bil cꞌaj re li trigo, ut te̱yi̱b li caxlan cua jun chic li cuan aceite chi saꞌ, ut te̱yi̱b ajcuiꞌ li caxlan cua chi jay ut te̱yul li aceite chiru.

Éxodo 6:23

Laj Aarón quixcꞌam chokꞌ rixakil lix Elisabet lix coꞌ lix Aminadab li ri̱tzꞌin laj Naasón. Laj Aarón quicuan ca̱hib li ralal riqꞌuin. Aꞌaneb aꞌin lix cꞌabaꞌ: laj Nadab, laj Abiú, laj Eleazar ut laj Itamar.

Levítico 10:13

La̱at ut eb la̱ cualal te̱cuaꞌ saꞌ jun li naꞌajej santo. Aꞌan li textzꞌak la̱ex nak naqꞌueman li cꞌatbil mayej chiru li Ka̱cuaꞌ xban nak joꞌcan quixye cue li Ka̱cuaꞌ.

Números 3:2

Aꞌaneb aꞌin lix cꞌabaꞌeb li ralal xcꞌajol laj Aarón: laj Nadab li asbej, laj Abiú, laj Eleazar ut laj Itamar.

Éxodo 29:33

Teꞌxtzaca li tib ut li caxlan cua aꞌan li ta̱mayeja̱k re xtzꞌa̱manquil xcuybal xma̱queb nak teꞌxakaba̱k chokꞌ aj tij. Ma̱ ani chic junak jalan ta̱ru̱k tixtzaca li tzacae̱mk aꞌan xban nak ac kꞌaxtesinbilak chicuu la̱in li Ka̱cuaꞌ.

Levítico 24:9

Li caxlan cua aꞌin, aꞌan li teꞌxcꞌul laj Aarón ut eb li ralal. Teꞌxcuaꞌ li caxlan cua saꞌ junak santil naꞌajej xban nak aꞌin jun mayej kꞌaxal santo saꞌ xya̱nkeb li cꞌatbil mayej li naqꞌueheꞌ re li Dios. Aꞌin jun chakꞌrab junelic teꞌxba̱nu.

2 Crónicas 31:14

Laj Coré li ralal laj Imna laj levita, aꞌan li nacꞌacꞌalen saꞌ li oqueba̱l li cuan saꞌ li este, ut aꞌan ajcuiꞌ li quixakaba̱c chixcꞌulbal li mayej li qui-ala saꞌ xchꞌo̱leb xqꞌuebal re li Dios. Ut aꞌan ajcuiꞌ li najeqꞌuin re li mayej li kꞌaxtesinbil re li Dios.

Esdras 7:5

Laj Buqui, aꞌan ralal laj Abisúa. Laj Abisúa, aꞌan ralal laj Finees. Ut laj Finees, aꞌan ralal laj Eleazar. Laj Eleazar, aꞌan ralal laj Aarón, li xbe̱n aj tij.