Levítico 10:1 - Li Santil hu

¹ Eb li ralal laj Aarón, laj Nadab ut laj Abiú, queꞌxqꞌue li xam chi saꞌ li sansar, abanan li xam aꞌan jalan chiru li quixye li Dios. Queꞌxqꞌue ajcuiꞌ li pom ut queꞌxmayeja chiru li Dios. Incꞌaꞌ queꞌxba̱nu joꞌ quixye li Dios.

Q'eqchi Bible

¹ Laj Nadab ut laj Abihú, ralaleb' laj Aharón, ke'xchap junjunqeb' xsansaar, ke'xk'e xam ut pom chisa' ut ke'xyeechi'i chiru li Qaawa' jun li xam moko xk'ulub' ta li Yos. Ink'a' ke'xb'aanu jo' kixye li Qaawa'.

Levítico 10:1 ပူးပေါင်းရင်းမြစ်များ

Números 26:61

Laj Nadab ut laj Abiú queꞌcam nak queꞌxqꞌue li xam saꞌ li sansar li incꞌaꞌ xye li Dios.

Levítico 16:12

Tixchap li ru xam saꞌ lix artal li Ka̱cuaꞌ ut tixqꞌue saꞌ lix sansar. Tixchap cuib mo̱chꞌ li queꞌbil incienso li sunu̱nc ut tixcꞌam saꞌ rukꞌ nak ta̱xic jun pacꞌal li nimla tꞌicr saꞌ li naꞌajej li cuan cuiꞌ li Lokꞌlaj Ca̱x.

Deuteronomio 12:32

Te̱ba̱nu chixjunil li cꞌaꞌru xinye e̱re. Me̱qꞌue xtzꞌakob li cua̱tin, chi moco te̱cꞌos li cꞌaꞌru xinye e̱re.

Números 16:46

Ut laj Moisés quixye re laj Aarón: —Cꞌam la̱ sansar chiru li artal ut ta̱qꞌue li ru xam chi saꞌ ut ta̱qꞌue ajcuiꞌ li pom. Ut ta̱cꞌam chi junpa̱t cuanqueb cuiꞌ li tenamit ut ta̱santobresiheb. Xnumta lix joskꞌil li Dios saꞌ xbe̱neb ut ac xticla li caki yajel, chan.

Éxodo 24:1

Li Dios quia̱tinac riqꞌuin laj Moisés ut quixye re: —Quimkex. Takenkex chak chiru li tzu̱l bar cuanquin cuiꞌ. Ut teꞌcha̱lk a̱cuochben laj Aarón, laj Nadab, ut laj Abiú. Teꞌcha̱lk ajcuiꞌ laje̱b xca̱cꞌa̱l (70) li cui̱nk li nequeꞌcꞌamoc be chiruheb laj Israel. Ut aran chi najt caꞌchꞌinak tineꞌxlokꞌoni.

Éxodo 6:23

Laj Aarón quixcꞌam chokꞌ rixakil lix Elisabet lix coꞌ lix Aminadab li ri̱tzꞌin laj Naasón. Laj Aarón quicuan ca̱hib li ralal riqꞌuin. Aꞌaneb aꞌin lix cꞌabaꞌ: laj Nadab, laj Abiú, laj Eleazar ut laj Itamar.

Salmos 141:2

Chicuulak taxak a̱cuiqꞌuin lin tij joꞌ nak nacuulac a̱cuiqꞌuin xbo̱c li incienso. La̱in nintaksi li cuukꞌ chi tijoc cha̱cuu. Ta̱cꞌul taxak joꞌ jun li mayej li naqꞌueman chiru li ecuu.

Levítico 22:9

Chixjunileb laj tij teꞌxba̱nu li chakꞌrab li quinqꞌue reheb. Cui incꞌaꞌ teꞌxba̱nu teꞌma̱cobk ut teꞌca̱mk xban nak teꞌxkꞌet li chakꞌrab. La̱in li Ka̱cuaꞌ. La̱in ninsantobresin reheb.

Éxodo 28:1

Saꞌ xya̱nkeb laj Israel ta̱sicꞌ ru la̱ cuas laj Aarón joꞌqueb ajcuiꞌ li ralal. Aꞌaneb laj Nadab, laj Abiú, laj Eleazar ut laj Itamar. Aꞌaneb li ta̱xakabeb chi cꞌanjelac chicuu chokꞌ aj tij.

Éxodo 24:9

Chirix aꞌan, laj Moisés rochbeneb laj Aarón, laj Nadab ut laj Abiú queꞌtakeꞌ chiru li tzu̱l. Quilajeꞌtakeꞌ ajcuiꞌ li laje̱b xca̱cꞌa̱l (70) li cui̱nk li nequeꞌcꞌamoc be chiruheb laj Israel.

Levítico 16:1

Quia̱tinac li Dios riqꞌuin laj Moisés nak ac xeꞌcam li cuib chi ralal laj Aarón nak yo̱queb chixcꞌatbal li pom chiru li Ka̱cuaꞌ.

Levítico 9:24

Ut li Ka̱cuaꞌ quixtakla li xam ut quixcꞌat li mayej ut li xe̱b li cuan saꞌ xbe̱n li artal. Nak eb li tenamit queꞌril li xam queꞌxhupub ribeb saꞌ chꞌochꞌ ut queꞌxlokꞌoni li Dios.

Éxodo 27:3

Chixjunil li cꞌaꞌak re ru li ta̱cꞌanjelak saꞌ li artal re li mayej, aꞌan yi̱banbilak riqꞌuin bronce. Te̱yi̱b li chꞌi̱chꞌ re xxocbal li cha, ut te̱yi̱b li pala, joꞌ ajcuiꞌ li ni̱nki secꞌ re xxocbal li quicꞌ, ut li ganchos re xchapbal li tib joꞌ ajcuiꞌ lix naꞌaj li ru xam.

Hebreos 9:4

Aran cuan jun xcꞌatbal li pom yi̱banbil riqꞌuin oro, ut cuan ajcuiꞌ jun li Lokꞌlaj Ca̱x letzbil oro chirix. Chi saꞌ li Lokꞌlaj Ca̱x aꞌan cuan li xar oro bar cuiꞌ cꞌu̱lanbil li maná. Cꞌu̱lanbil ajcuiꞌ saꞌ li ca̱x lix xukꞌ laj Aarón li quituxmec ut qui-atzꞌumac. Ut cꞌu̱lanbil ajcuiꞌ aran li cuib chi pec ti̱c ru li tzꞌi̱banbil cuiꞌ li laje̱b chi chakꞌrab.

Jeremías 44:15

Chixjunileb li cuanqueb aran queꞌa̱tinac riqꞌuin laj Jeremías. Saꞌ xya̱nkeb aꞌan cuanqueb li cui̱nk li queꞌxnau nak eb li rixakil queꞌmayejac chiruheb li jalanil dios. Cuanqueb nabaleb li ixk chꞌutchꞌu̱queb aran, joꞌ eb ajcuiꞌ chixjunileb laj judío li cuanqueb Patros, xcue̱nt Egipto. Queꞌxye re laj Jeremías:

Jeremías 44:8

¿Cꞌaꞌut nak nequechikꞌ injoskꞌil riqꞌuin xlokꞌoninquileb li dios li xeyi̱b ut riqꞌuin xcꞌatbal le̱ pom chiruheb li dios li cuanqueb arin Egipto li bar xexchal cuiꞌ chi cua̱nc? La̱ex te̱sach e̱rib e̱junes ut texhobekꞌ ut xicꞌ chic tex-ilekꞌ xbaneb chixjunileb li xni̱nkal ru tenamit li cuanqueb saꞌ ruchichꞌochꞌ.

Jeremías 32:35

Queꞌxyi̱b li naꞌajej li najt xteram re teꞌxlokꞌoni cuiꞌ li yi̱banbil dios Baal saꞌ li ru takꞌa re Ben-hinom ut re ajcuiꞌ nak teꞌxcꞌat chokꞌ xmayejeb eb li ralal xcꞌajol chiru lix dios Moloc. La̱in incꞌaꞌ quinye reheb nak teꞌxba̱nu aꞌan, chi moco quincꞌoxla nak teꞌxba̱nu li ma̱usilal aꞌan li kꞌaxal yibru nak queꞌxcꞌam xbeheb laj Judá chi ma̱cobc.

Jeremías 19:5

Queꞌxyi̱beb li naꞌajej li najt xteram re teꞌxlokꞌoni cuiꞌ li yi̱banbil dios Baal ut aran queꞌxcꞌateb li ralal chokꞌ xmayejeb. La̱in incꞌaꞌ quintaklaheb chixba̱nunquil aꞌan, chi moco quebinye reheb nak teꞌxba̱nu. Ma̱ jokꞌe quincꞌoxla nak joꞌcan teꞌxba̱nu.

Jeremías 7:31

Saꞌ li ru takꞌa li cuan Ben-hinom queꞌxyi̱b li artal li najt xteram saꞌ li naꞌajej Tofet ut queꞌxcꞌat chokꞌ xmayejeb li ralal xcꞌajoleb. La̱in incꞌaꞌ quinye reheb nak teꞌxba̱nu chi joꞌcan chi moco quincꞌoxla nak joꞌcan teꞌxba̱nu.

Deuteronomio 17:3

riqꞌuin xlokꞌoninquil li jalanil dios, malaj li sakꞌe, li po ut li chahim chi ac xye e̱re li Ka̱cuaꞌ nak incꞌaꞌ te̱ba̱nu.

Deuteronomio 4:2

Incꞌaꞌ te̱risi junak a̱tin saꞌ xya̱nkeb li tinye e̱re chi moco te̱qꞌue xtzꞌakob. Cheba̱nu chi tzꞌakal li naxye lix chakꞌrab li Ka̱cuaꞌ le̱ Dios, li yo̱quin chixyebal e̱re.

Éxodo 40:27

Ut quixcꞌat li sununquil pom saꞌ xbe̱n joꞌ quixye li Dios.

Éxodo 38:3

Queꞌxyi̱b ajcuiꞌ riqꞌuin bronce chixjunil li cꞌaꞌak re ru li ta̱cꞌanjelak saꞌ li artal re li mayejac. Queꞌxyi̱b li chꞌi̱chꞌ re xxocbal li cha ut li pala. Queꞌxyi̱b ajcuiꞌ li ni̱nki secꞌ re xxocbal li quicꞌ joꞌ ajcuiꞌ li gancho re xchapbal li tib joꞌ ajcuiꞌ lix naꞌaj li ru xam.

Éxodo 37:29

Ut queꞌxyi̱b ajcuiꞌ chi cha̱bil li sununquil aceite li nequeꞌxqꞌue saꞌ xbe̱neb li teꞌkꞌaxtesi̱k chi cꞌanjelac chiru li Ka̱cuaꞌ. Ut queꞌxyi̱b ajcuiꞌ li sununquil incienso. Queꞌxyi̱b chi cha̱bil joꞌ nequeꞌxnau xyi̱banquil li nequeꞌyi̱ban re li sununquil ban aꞌan.

Éxodo 31:11

Teꞌxyi̱b li aceite li ta̱qꞌuehekꞌ saꞌ xbe̱n li teꞌkꞌaxtesi̱k chi cꞌanjelac chicuu. Ut teꞌxyi̱b li sununquil incienso li teꞌxmayeja saꞌ li tabernáculo. Tento teꞌxba̱nu chixjunil chi tzꞌakal joꞌ xinye a̱cue, chan li Ka̱cuaꞌ.

1 Reyes 18:38

Saꞌ li ho̱nal aꞌan li Ka̱cuaꞌ quixtakla chak li xam. Quixcꞌat li mayej, ut quixcꞌat li siꞌ ut li pec joꞌ ajcuiꞌ li poks ut li haꞌ li cuan saꞌ li rok haꞌ, li quixyi̱b chi xjun sutam li artal.

Éxodo 8:27

Tento nak toxic aran saꞌ li chaki chꞌochꞌ oxib cutan chi be. Ut aran tomayejak chiru li kaDios joꞌ xye ke li Ka̱cuaꞌ, chan.

Números 4:18

—Te̱col rixeb li ralal xcꞌajol laj Coat re nak incꞌaꞌ teꞌosokꞌ. Cua̱nkeb ban saꞌ xya̱nkeb li ralal xcꞌajol laj Leví.