Levítico 1:5 - Li Santil hu

⁵ Nak tixcamsi li toro toj sa̱j li tixqꞌue chokꞌ cꞌatbil mayej, tixxekꞌ chi chꞌi̱chꞌ lix cux chiru li Ka̱cuaꞌ. Ut laj tij, li ralal laj Aarón, tixxoc lix quiqꞌuel ut tixrachrachi chixjun sutam li artal ut saꞌ xbe̱n li artal li cuan chixcꞌatk li oqueba̱l re li tabernáculo.

Q'eqchi Bible

⁵ Tixyok' li xkux li teelom wakax chiru li Qaawa'. Chirix chik a'an eb' li ralal xk'ajol laj Aharón ut eb' laj tij te'xyeechi'i li kik' ut te'xkirkiri chi xsutam li artal li wank sa' rokeb'aal li Loq'laj Muheb'aal.

Levítico 1:5 ပူးပေါင်းရင်းမြစ်များ

Levítico 3:8

Tixqꞌue li rukꞌ saꞌ lix jolom li xul ut tixcamsi chiru li oqueba̱l re li tabernáculo. Ut laj tij tixrachrachi lix quiqꞌuel saꞌ xbe̱n li artal ut chixjun sutam.

Levítico 1:11

Tixcamsi chiru li Ka̱cuaꞌ chixcꞌatk li artal saꞌ li pacꞌal li nacana saꞌ li norte. Ut eb laj tij teꞌxrachrachi lix quiqꞌuel saꞌ xbe̱n li artal ut chixjun sutam.

Levítico 3:2

Li ani tixqꞌue lix mayej cuacax, tento nak tixqꞌue li rukꞌ saꞌ xjolom ut tixcamsi saꞌ li oqueba̱l re li tabernáculo. Ut eb laj tij teꞌxrachrachi lix quiqꞌuel saꞌ xbe̱n li artal ut chixjun sutam.

1 Pedro 1:2

Ac najter kꞌe cutan qui-ala chak saꞌ xchꞌo̱l li Dios Acuabej nak la̱exak li sicꞌbil e̱ru xban. Santobresinbilakex chic xban li Santil Musikꞌej re nak tex-abi̱nk ut texpa̱ba̱nk chiru li Jesucristo. Cuybilak chic le̱ ma̱c xban xquiqꞌuel li Jesucristo. Ut chicua̱nk taxak chi nabal li rusilal li Dios e̱riqꞌuin ut li tuktu̱quilal saꞌ e̱ya̱nk.

Hebreos 12:24

Ut cuanquex chi sum a̱tin riqꞌuin li Ka̱cuaꞌ Jesucristo, li quixakaban xcuanquil li acꞌ contrato. Kꞌaxal nim xcuanquil lix quiqꞌuel li Jesucristo. Riqꞌuin aꞌan cuan xcuybal le̱ ma̱c. Ma̱cuaꞌ joꞌ li quicꞌ li quixmayeja laj Abel najter kꞌe cutan.

2 Crónicas 35:11

Ut queꞌcamsi̱c eb li carner re li ninkꞌe Pascua. Eb laj levita queꞌxnumsi li quicꞌ reheb laj tij ut eb aꞌan queꞌxrachrachi li quicꞌ. Ut eb laj levita li jun chꞌol chic yo̱queb chirisinquil li rixeb li carner li queꞌcamsi̱c.

Levítico 3:13

Tixqꞌue li rukꞌ saꞌ xbe̱n lix jolom li xul ut tixcamsi chiru li oqueba̱l re li tabernáculo. Ut laj tij tixrachrachi lix quiqꞌuel saꞌ xbe̱n li artal ut chixjun sutam.

Éxodo 29:16

Chirix aꞌan ta̱camsi li carner ut ta̱rachrachi lix quiqꞌuel saꞌ xbe̱n li artal joꞌ ajcuiꞌ chixcꞌatk.

Hebreos 10:11

Saꞌ xya̱nkeb laj Israel, chixjunileb laj tij cuulaj cuulaj nequeꞌmayejac ut li mayej aꞌan incꞌaꞌ narisi li ma̱c.

Miqueas 6:6

¿Cꞌaꞌru ta̱ru̱k takaqꞌue re li Ka̱cuaꞌ ut chanru nak takaqꞌue xlokꞌal li nimajcual Dios? ¿Ma ta̱ru̱k takamayeja li cꞌatbil mayej chiru malaj junak li cuacax toj jun chihab cuan re?

Ezequiel 36:25

Chanchan nak texinchꞌajobresi riqꞌuin sak ru haꞌ nak tincuisi li ma̱usilal xeba̱nu nak xemux e̱rib riqꞌuin xlokꞌoninquil li jalanil dios.

Isaías 52:15

Abanan nabaleb li tenamit teꞌsach xchꞌo̱leb xban ut li nequeꞌtaklan saꞌ ruchichꞌochꞌ mem teꞌcana̱k nak teꞌril li ma̱ jun sut rilomeb ut nak teꞌxtau ru lix ya̱lal li ma̱ jun sut rabiomeb, chan li Dios.

Números 18:17

Abanan, incꞌaꞌ naru xtojbal rix li xbe̱n ral li cuacax, li carner ut li chiba̱t. Aꞌan cueheb la̱in. Tento nak teꞌmayeja̱k chicuu. Ta̱rachrachi lix quiqꞌuel chiru li artal ut ta̱cꞌat lix xe̱bul. Ut aꞌanak jun li sununquil cꞌatbil mayej ta̱cuulak chicuu la̱in li Ka̱cuaꞌ.

Levítico 16:15

Ut chirix aꞌan ta̱xic chixcamsinquil li te̱lom chiba̱t re xtzꞌa̱manquil xcuybal lix ma̱queb li tenamit. Tixcꞌam lix quiqꞌuel ut ta̱xic cuiꞌchic jun pacꞌal li nimla tꞌicr saꞌ li naꞌajej li cuan cuiꞌ li Lokꞌlaj Ca̱x. Tixrachrachi li quicꞌ saꞌ xbe̱n lix tzꞌapbal re li Lokꞌlaj Ca̱x joꞌ ajcuiꞌ chiru. Tixba̱nu joꞌ quixba̱nu riqꞌuin lix quiqꞌuel li toro.

Levítico 1:15

Laj tij tixcꞌam ut ta̱risi lix jolom ut tixcꞌat saꞌ li artal. Lix quiqꞌuel ta̱hoyekꞌ chixcꞌatk li artal.

Éxodo 29:11

Ut aran saꞌ li oqueba̱l re li tabernáculo ta̱camsi li toro chicuu la̱in li Ka̱cuaꞌ.

Levítico 4:29

Tixqꞌue li rukꞌ saꞌ xjolom li xul li tixqꞌue chokꞌ xmayej re xtzꞌa̱manquil xcuybal xma̱c, ut tixcamsi saꞌ li naꞌajej li nequeꞌcamsi̱c cuiꞌ li xul li nequeꞌcꞌateꞌ chokꞌ mayej.

Levítico 4:33

Tixqꞌue li rukꞌ saꞌ xjolom li xul li tixmayeja re xtojbal rix lix ma̱c. Ut tixcamsi saꞌ li naꞌajej li nequeꞌcamsi̱c cuiꞌ li xul li teꞌcꞌatekꞌ chokꞌ mayej.

Levítico 17:11

Li quicꞌ, aꞌan xyuꞌam ut xmetzꞌe̱u li tibelej. La̱in xinye nak te̱mayeja li quicꞌ chiru li artal re xtojbal rix le̱ ma̱c. Riqꞌuin quicꞌ te̱toj rix le̱ ma̱c xban nak li quicꞌ, aꞌan li natojoc rix le̱ yuꞌam.

1 Samuel 1:25

Queꞌxcamsi li cuacax ut queꞌxcꞌam li cꞌulaꞌal chiru laj Elí.

Ezequiel 43:18

Ut li cui̱nk quixye cue: —At ralal cui̱nk, joꞌcaꞌin xye li nimajcual Dios: Aꞌan aꞌin le̱ chakꞌrabinquil nak acak xeyi̱b li artal. Nak te̱mayeja le̱ cꞌatbil mayej, te̱rachrachi lix quiqꞌuel li xul saꞌ xbe̱n li artal.

Éxodo 40:6

Li artal re xcꞌatbal li mayej te̱qꞌue chiru li oqueba̱l re li tabernáculo.

Levítico 4:7

Chirix aꞌan tixqꞌue caꞌchꞌinak li quicꞌ saꞌ xbe̱n li xucub li cuanqueb saꞌ li artal li nacꞌateꞌ cuiꞌ li sununquil pom chiru li Ka̱cuaꞌ saꞌ li tabernáculo. Li relaꞌ li quicꞌ tixhoy saꞌ xto̱n li artal re li cꞌatbil mayej li cuan saꞌ li oqueba̱l re li tabernáculo.