Levítico 1:3 - Li Santil hu

³ Cui cuacax teꞌxqꞌue chokꞌ xcꞌatbil mayej, tento nak teꞌxqꞌue li toro tzꞌakalak re ru. Ut teꞌxqꞌue joꞌ na-ala saꞌ xchꞌo̱leb. Teꞌxcꞌam lix mayej chiru li Ka̱cuaꞌ saꞌ li oqueba̱l re li tabernáculo li nequeꞌxchꞌutub cuiꞌ ribeb li tenamit chixlokꞌoninquil li Dios.

Q'eqchi Bible

³ “Wi li xul li tixyeechi'i cho'q xk'atb'il mayej, a'an isinb'il chaq sa' xyanqeb' li xwakax, tento naq a'anaq jun teelom wakax li maak'a' reek'. Ut tento tixyeechi'i sa' rokeb'aal li Loq'laj Muheb'aal, re naq k'ulb'ilaq xb'aan li Qaawa',

Levítico 1:3 ပူးပေါင်းရင်းမြစ်များ

Deuteronomio 15:21

Abanan incꞌaꞌ naru te̱qꞌue chokꞌ mayej chiru li Ka̱cuaꞌ junak xul cui cuan re̱cꞌ, malaj ut cui ye̱k rok, malaj ut mutzꞌ li ru. Cui incꞌaꞌ tzꞌakal re ru incꞌaꞌ naru te̱mayeja chiru li Ka̱cuaꞌ le̱ Dios.

Hebreos 9:14

Cui lix quiqꞌuel li xul naru naxsach lix paltileb, kꞌaxal nim cuiꞌchic xcuanquil lix quiqꞌuel li Jesucristo xban nak aꞌan narisi li kama̱c. Li Santil Musikꞌej quixtenkꞌa li Jesucristo nak quixmayeja rib chiru li Dios re xtojbal rix li kama̱c. Li Jesucristo tzꞌakal cha̱bil. Ma̱cꞌaꞌ xma̱c ut lix quiqꞌuel narisi li kama̱c li nacꞌamoc chak re li ca̱mc saꞌ kabe̱n. Naxsakobresi li kacꞌaꞌux re nak caꞌaj cuiꞌ chiru li yoꞌyo̱quil Dios tocꞌanjelak.

Éxodo 12:5

Usta chiba̱t, usta carner li te̱sicꞌ, jun chihab cua̱nk re. Ut tento nak te̱lom li xul ut cha̱bilak. Ma̱cꞌaꞌak xyajel.

Efesios 5:27

Li Cristo quixba̱nu aꞌan re nak tixcꞌuleb li ralal xcꞌajol chi kꞌaxal nim xlokꞌal, chi ma̱cꞌaꞌ xma̱c ut chi ma̱cꞌaꞌ xpaltil chiru.

Deuteronomio 17:1

Me̱mayeja chiru li Ka̱cuaꞌ le̱ Dios li bo̱yx malaj ut li carner li cuanqueb xpaltil. Xicꞌ naril li Ka̱cuaꞌ li mayej li cuan xpaltil.

Hebreos 7:26

Li Ka̱cuaꞌ Jesucristo, aꞌan li tzꞌakal xyucuaꞌil aj tij. Ut aꞌan li natenkꞌan ke chi tzꞌakal. Moco juntakꞌe̱t ta lix yuꞌam riqꞌuineb laj ma̱c. Li Jesucristo santo ut ma̱cꞌaꞌ xma̱c. Aꞌan co̱ saꞌ choxa ut aran quiqꞌueheꞌ xnimal xlokꞌal.

Efesios 2:18

Anakcuan chikajunilo, usta la̱o aj judío usta ma̱cuaꞌo aj judío, naru nococuan chi sum a̱tin riqꞌuin li Yucuaꞌbej Dios saꞌ xcꞌabaꞌ li Cristo. Ut li junaj chi Santil Musikꞌej natenkꞌan ke.

Génesis 22:8

Laj Abraham quixye re: —Matcꞌoxlac, at cualal. Li Dios ta̱qꞌuehok re li carner li takacꞌat chokꞌ re li kamayej, chan. Ut yo̱queb chi xic saꞌ li tzu̱l.

San Juan 1:36

Nak quiril li Jesús yo̱ chi numecꞌ nachꞌ cuanqueb cuiꞌ, laj Juan quixye: —Cueꞌ chak li Cristo, li chanchan carner qꞌuebil chak xban li Dios, chan.

2 Corintios 9:7

Li junju̱nk tixqꞌue li joꞌ qꞌuial ta̱ala̱k saꞌ xchꞌo̱l xqꞌuebal. Incꞌaꞌ tixqꞌue chi ra saꞌ xchꞌo̱l, chi moco minbilak ta ru xban nak li Ka̱cuaꞌ naxra li ani naxqꞌue chi sa saꞌ xchꞌo̱l.

Malaquías 1:14

Tzꞌekta̱nanbilak li ani nabalakꞌin riqꞌuin xyechiꞌinquil jun li cha̱bil xul te̱lom chokꞌ xmayej ut incꞌaꞌ ajcuiꞌ naxqꞌue. Naxmayeja ban li xul li yaj li incꞌaꞌ us. La̱in li tzꞌakal Rey, chan li nimajcual Dios, ut xucuanbilak cuu saꞌ xya̱nkeb li xni̱nkal ru tenamit.

Ezequiel 20:40

Abanan mokon che̱junilex la̱ex aj Israel tine̱lokꞌoni saꞌ lin santil naꞌajej saꞌ li tzu̱l Sión li cuan aran Israel. Ta̱sahokꞌ inchꞌo̱l e̱riqꞌuin xban nak che̱junilex texcꞌanjelak chicuu. La̱in tinye e̱re nak te̱cꞌam le̱ mayej chicuu ut la̱in tincꞌul. Te̱cꞌam chak cue li xbe̱n ru le̱ racui̱mk ut li cꞌaꞌru lokꞌ che̱ru.

Salmos 110:3

Nak la̱at cua̱nkat saꞌ la̱ cuanquil, eb la̱ tenamit teꞌxic saꞌ la̱ santil naꞌaj ut teꞌxyechiꞌi ribeb chi cꞌanjelac cha̱cuu. Li Dios tixqꞌue a̱metzꞌe̱u rajlal joꞌ nak natꞌaneꞌ li xchuꞌque rajlal ekꞌela. Ut chanchanakat jun li sa̱j cui̱nk.

Salmos 40:8

At inDios, nacuulac chicuu xba̱nunquil li cꞌaꞌru nacacuaj. Junelic cuan saꞌ inchꞌo̱l la̱ chakꞌrab.

Números 29:13

Teꞌxqꞌue chokꞌ xcꞌatbil mayej oxlaju li toro toj sa̱jeb, cuib li te̱lom carner, ut ca̱laju li te̱lom carner ju̱nk chihab cua̱nk reheb. Ma̱cꞌaꞌak re̱qꞌueb li xul li teꞌxqꞌue. Ut aꞌanak jun li sununquil cꞌatbil mayej ta̱cuulak chicuu la̱in li Ka̱cuaꞌ.

Levítico 3:1

Cui te̱qꞌue li mayej re xcꞌambal e̱rib saꞌ usilal riqꞌuin li Dios, tento nak te̱mayeja chiru li Dios junak li cuacax tzꞌakal re ru, usta toro, usta ba̱c.

Éxodo 24:5

Laj Moisés quixtaklaheb li sa̱j cui̱nk aj Israel chi mayejac chiru li Dios. Queꞌxcamsi li bo̱yx ut queꞌxcꞌat chokꞌ xmayej chiru li Dios re xpatzꞌbal xcuybal xma̱queb.

Génesis 22:13

Laj Abraham qui-iloc chirix. Ut aran cuan jun li carner tꞌiltꞌo lix xucub saꞌ jun chamal pim. Ut laj Abraham co̱ chixchapbal li carner. Aꞌan li quixmayeja chokꞌ re̱kaj li ralal.

San Juan 10:9

La̱in li oqueba̱l. Chixjunileb li nequeꞌpa̱ban cue la̱in, teꞌcolekꞌ ut la̱in tin-ilok reheb. Chanchaneb li carner li nequeꞌoc ut nequeꞌel ut nequeꞌxtau lix cuaheb.

San Lucas 1:35

Li ángel quixye re: —Riqꞌuin xcuanquil li Santil Musikꞌej tatcana̱k chi yaj aj ixk. Lix cuanquil li nimajcual Dios ta̱cua̱nk a̱cuiqꞌuin. Ut li cꞌulaꞌal li ta̱yoꞌla̱k, aꞌan santo ut tzꞌakal ralal li Dios.

Isaías 1:11

Li Dios quixye: —Ma̱cꞌaꞌ na-oc cuiꞌ cue li qꞌuila mayej nequemayeja chicuu. Xintitzꞌ xban le̱ cꞌatbil mayej. Xintitzꞌ riqꞌuin li cꞌatbil carner ut lix xe̱bul li sa̱j cuacax ni̱nkeb xtibel. Incꞌaꞌ chic nacuulac chicuu lix quiqꞌuel li toro, li carner, ut li chiba̱t.

Éxodo 32:6

Joꞌ cuulajak chic queꞌcuulac ekꞌela ut queꞌmayejac ut queꞌxqꞌue ajcuiꞌ lix cꞌatbil mayej. Ut eb li tenamit queꞌcuaꞌac ut queꞌucꞌac ut quilajeꞌxba̱nu li moco uxc ta naraj.

Éxodo 29:42

Ut chalen anakcuan junelic tatmayejak chicuu la̱at joꞌqueb ajcuiꞌ la̱ cualal a̱cꞌajol. Texmayejak chire li oqueba̱l re li tabernáculo. Ut la̱in tina̱tinak a̱cuiqꞌuin ut tincua̱nk a̱cuiqꞌuin.

Éxodo 29:18

Ut te̱cꞌat chixjunil li carner saꞌ xbe̱n li artal. Li cꞌatbil mayej, aꞌan re inlokꞌoninquil la̱in li Ka̱cuaꞌ. Ut lix bo̱c, aꞌan jun sununquil mayej li ta̱cuulak chicuu.

Génesis 22:2

Li Dios quixye re: —Cꞌam la̱ cualal li jun ajcuiꞌ cha̱cuu. Aꞌan laj Isaac li kꞌaxal raro a̱ban. Ta̱cꞌam aꞌan saꞌ li naꞌajej Moriah saꞌ li tzu̱l li tincꞌut cha̱cuu. Ut aran ta̱qꞌue la̱ cualal chokꞌ jun cꞌatbil mayej chicuu, chan li Dios.

Génesis 8:20

Laj Noé quixyi̱b jun artal riqꞌuin tusbil pec re xlokꞌoninquil li Ka̱cuaꞌ Dios. Ut quixchapeb li xul, li nequeꞌbe̱c joꞌ ajcuiꞌ li nequeꞌrupupic, saꞌ xya̱nkeb li xul li natiꞌeꞌ xtibeleb. Ut quixcꞌateb saꞌ xbe̱n li artal chokꞌ xmayej chiru li Ka̱cuaꞌ Dios.

Zacarías 13:7

Li nimajcual Dios quixye: —Tincanab chi camsi̱c laj ilol reheb li carner. Tinkꞌaxtesi re ca̱mc li natenkꞌan cue. Ta̱camsi̱k laj ilol reheb li carner ut eb li carner teꞌxchaꞌchaꞌi ribeb. Ut tincꞌut injoskꞌil chiruheb li carner.

Números 23:3

Laj Balaam quixye re laj Balac: —Cana̱kat arin chixcꞌatk la̱ mayej. La̱in xic cue. Ma̱re li Ka̱cuaꞌ ta̱a̱tinak cuiqꞌuin. Li cꞌaꞌru tixye cue, la̱in tinye a̱cue, chan. Ut laj Balaam co̱ toj saꞌ xbe̱n jun li tzu̱l ma̱cꞌaꞌ cuan chiru.

2 Corintios 8:12

Li ani na-ala saꞌ xchꞌo̱l xqꞌuebal xmayej, li Dios naxcꞌul lix mayej aꞌ yal joꞌ nimal cuan chiru. Li Dios incꞌaꞌ naxpatzꞌ li ma̱cꞌaꞌ chiru.

San Juan 10:7

Joꞌcan nak li Jesús quixye cuiꞌchic reheb: —Relic chi ya̱l ninye e̱re, La̱in li oqueba̱l reheb li teꞌpa̱ba̱nk cue.

Números 23:19

Li Dios moco cui̱nk ta. Li Dios incꞌaꞌ naticꞌtiꞌic chi moco naxjal xcꞌaꞌux. Junelic naxba̱nu li cꞌaꞌru naxye. Ut junelic naxba̱nu li cꞌaꞌru naxyechiꞌi.

Levítico 17:9

Cui ut incꞌaꞌ tixcꞌam saꞌ li oqueba̱l re li tabernáculo re tixmayeja chiru li Dios, li jun aꞌan ta̱isi̱k saꞌ e̱ya̱nk la̱ex aj Israel.

Levítico 4:23

Ut nak tixqꞌue retal nak ma̱c xba̱nu, tento nak tixqꞌue chokꞌ xmayej junak te̱lom chiba̱t toj sa̱j ut tzꞌakal re ru.

Éxodo 35:5

Te̱xoc jun li mayej chokꞌ re li Ka̱cuaꞌ. Te̱qꞌue chi anchal e̱chꞌo̱l li joꞌ qꞌuial na-ala saꞌ e̱chꞌo̱l xqꞌuebal. Te̱qꞌue li oro, li plata, li bronce,

Éxodo 29:4

Chirix aꞌan ta̱cꞌameb laj Aarón rochben li ralal saꞌ li oqueba̱l re li tabernáculo ut ta̱qꞌueheb chi ati̱nc.

Levítico 17:4

ut cui incꞌaꞌ tixcꞌam chiru li oqueba̱l re li tabernáculo re tixmayeja chiru li Ka̱cuaꞌ, li cui̱nk aꞌan cua̱nk xma̱c xban nak quicamsin. Ta̱cana̱k joꞌ jun aj camsinel. Tento nak ta̱isi̱k saꞌ xya̱nkeb laj Israel xban nak quirisi xquiqꞌuel li xul.

Levítico 16:7

Ut chirix aꞌan tixcꞌam li cuib chi te̱lom chiba̱t ut tixkꞌaxtesi re li Ka̱cuaꞌ chiru li oqueba̱l re li tabernáculo.

Levítico 8:21

Laj Moisés quixchꞌaj lix cꞌamcꞌot ut li rok ut quixcꞌat chixjunil li carner saꞌ li artal. Ut aꞌan jun sununquil mayej quixcꞌat ut quicuulac chiru li Ka̱cuaꞌ. Laj Moisés quixba̱nu joꞌ quiyeheꞌ re xban li Ka̱cuaꞌ.

Levítico 8:18

Chirix aꞌan laj Moisés quixcꞌam chak li carner te̱lom li ta̱qꞌuehekꞌ chokꞌ cꞌatbil mayej. Ut laj Aarón ut eb li ralal queꞌxqꞌue li rukꞌ saꞌ xjolom li carner.

Levítico 7:16

Abanan cui tixqꞌue lix mayej yal xban nak qui-ala saꞌ xchꞌo̱l xqꞌuebal, malaj ut xban nak cuan cꞌaꞌru quixyechiꞌi re li Ka̱cuaꞌ nak tixba̱nu, ta̱tzaca̱k li tib saꞌ li cutan nak ta̱qꞌuehekꞌ lix mayej. Ut li joꞌ qꞌuial na-elaꞌan naru xtzacanquil saꞌ li cutan jun chic.

Éxodo 38:1

Queꞌxyi̱b ajcuiꞌ li artal riqꞌuin li cheꞌ acacia li teꞌxcꞌat cuiꞌ li xul li teꞌxmayeja. Ca̱ xucu̱t nak queꞌxyi̱b. Cuib metro riqꞌuin o̱b xcaꞌcꞌa̱l (25) centímetro xnimal ru ut cuib metro riqꞌuin o̱b xcaꞌcꞌa̱l (25) centímetro li rok. Ut o̱b xcaꞌcꞌa̱l (25) centímetro li xteram.

Éxodo 36:3

Ut laj Moisés quixkꞌaxtesi reheb li mayej li queꞌxqꞌue laj Israel re teꞌxtiquib xyi̱banquil li cꞌaꞌak re ru ta̱cꞌanjelak re li tabernáculo. Ut rajlal cutan eb laj Israel queꞌxcꞌam lix mayejeb joꞌ qui-ala saꞌ xchꞌo̱leb xqꞌuebal.

Éxodo 35:29

Chixjunileb laj Israel joꞌ cui̱nk joꞌ ixk, joꞌ qui-ala saꞌ xchꞌo̱leb tenkꞌa̱nc, queꞌxqꞌue lix mayejeb chi anchal xchꞌo̱leb re nak ta̱uxma̱nk li quixye li Ka̱cuaꞌ re laj Moisés. Joꞌcan nak queꞌxqꞌue lix mayejeb re lix cꞌanjel li Ka̱cuaꞌ.

Éxodo 35:21

Ut chixjunileb li qui-ala saꞌ xchꞌo̱leb, queꞌxqꞌue lix mayejeb re li Ka̱cuaꞌ chi anchaleb xchꞌo̱l re nak ta̱ru̱k teꞌxyi̱b li tabernáculo joꞌ ajcuiꞌ chixjunil li ta̱cꞌanjelak aran joꞌ ajcuiꞌ re xyi̱banquil li rakꞌeb laj tij.

Números 23:30

Laj Balac quixba̱nu joꞌ quixye laj Balaam. Ut quixmayeja jun li toro ut jun li carner saꞌ xbe̱n li junju̱nk chi artal.

Deuteronomio 12:27

Aran saꞌ li naꞌajej li sicꞌbil ru te̱qꞌue li mayej li ta̱cꞌatma̱nk chi jun saꞌ xbe̱n lix artal li Ka̱cuaꞌ. Ut te̱qꞌue ajcuiꞌ li mayej li te̱tzaca xtibel ut te̱mayeja xquiqꞌuel saꞌ xbe̱n lix artal li Ka̱cuaꞌ.

Números 23:27

Laj Balac quixye re laj Balaam: —La̱in nintzꞌa̱ma cha̱cuu nak tatxic chicuix saꞌ jalan chic naꞌajej. Ma̱re saꞌ li naꞌajej aꞌan li Ka̱cuaꞌ Dios tatxcanab chixtzꞌa̱manquil ma̱usilal saꞌ xbe̱neb, chan.

Levítico 1:10

Cui carner malaj ut chiba̱t li tixqꞌue chokꞌ cꞌatbil mayej, tento nak tixqꞌue junak te̱lom tzꞌakalak re ru.

Levítico 4:15

Ut eb li nequeꞌtaklan saꞌ li tenamit teꞌxqꞌue li rukꞌ saꞌ xjolom li toro chiru li Ka̱cuaꞌ ut teꞌxcamsi.

Levítico 6:8

Ut li Ka̱cuaꞌ quia̱tinac riqꞌuin laj Moisés ut quixye re:

Levítico 17:8

Ut ta̱ye ajcuiꞌ reheb nak cui junak le̱ rech aj Israelil malaj ut junak jalan xtenamit cua̱nk saꞌ e̱ya̱nk, tixqꞌue lix cꞌatbil mayej, malaj cꞌaꞌak chic re ru chi mayejil, tento nak tixcꞌam chiru li oqueba̱l re li tabernáculo.

Números 15:3

Te̱qꞌue li cꞌatbil mayej chicuu la̱in li Ka̱cuaꞌ. Te̱sicꞌ ru jun li toro malaj ut junak carner ut te̱cꞌat re xqꞌuebal inlokꞌal ut lix bo̱c ta̱cuulak chicuu joꞌ jun sununquil mayej. Te̱ba̱nu chi joꞌcan re nak ta̱tzꞌaklok ru li xeyechiꞌi cue, malaj ut chokꞌ re le̱ mayej li na-ala saꞌ e̱chꞌo̱l xqꞌuebal, malaj ut chokꞌ re le̱ ninkꞌe re inlokꞌoninquil, chan li Ka̱cuaꞌ.

Números 15:8

Nak te̱qꞌue jun li toro toj sa̱j chokꞌ re e̱cꞌatbil mayej, malaj ut re li mayej re xba̱nunquil li cꞌaꞌru xeyechiꞌi, malaj ut re xcꞌambal e̱rib saꞌ usilal riqꞌuin li Ka̱cuaꞌ,

Ezequiel 40:39

Saꞌ xcaꞌ pacꞌalil li naꞌajej aꞌan cuanqueb caꞌcab li me̱x. Saꞌ xbe̱neb li me̱x aꞌan queꞌxcamsiheb li xul li teꞌcꞌatekꞌ ut eb li teꞌmayeja̱k re xpatzꞌbal xcuybal xma̱queb.

Levítico 4:3

Cui nama̱cob junak li xbe̱nil aj tij, lix ma̱c nacana saꞌ xbe̱neb li tenamit. Tento nak li xbe̱nil aj tij tixmayeja jun li toro toj sa̱j ut tzꞌakal re ru. Joꞌcaꞌin nak tixtoj rix lix ma̱c chiru li Ka̱cuaꞌ.

Levítico 4:32

Cui tixqꞌue junak li sa̱j carner chokꞌ xmayej, tento nak tixqꞌue jun li ixki carner tzꞌakal re ru.

Levítico 5:15

—Nak junak cristian ta̱ma̱cobk chi incꞌaꞌ naxnau nak ma̱c yo̱ chixba̱nunquil xban nak incꞌaꞌ quixqꞌue lix mayej chi tzꞌakal joꞌ naxye lix chakꞌrab li Dios, tento nak tixqꞌue junak lix carner te̱lom tzꞌakal re ru re nak ta̱cuyekꞌ xma̱c. La̱at ta̱bir rix joꞌ nimal xtzꞌak li carner li tixqꞌue chokꞌ xmayej chiru li Dios chokꞌ xtojbal rix lix mayej li incꞌaꞌ xqꞌue. Ta̱bir rix li joꞌ qꞌuial tento xqꞌuebal joꞌ xbisbal li mayej li nequeꞌxqꞌue saꞌ li tabernáculo.

Levítico 5:18

Tixqꞌue re laj tij chokꞌ xmayej re xtzꞌa̱manquil xcuybal lix ma̱c jun li carner te̱lom li quixsicꞌ saꞌ xya̱nk lix queto̱mk. Tzꞌakal re ru li xul. Laj tij tixbir rix lix tzꞌak li xul li tixqꞌue chokꞌ xmayej. Laj tij tixmayeja re xtojbal rix lix ma̱c li ani ta̱ma̱cobk chi incꞌaꞌ naxnau nak ma̱c xba̱nu. Ut ta̱cuyekꞌ lix ma̱c.

Levítico 9:2

Quixye re laj Aarón: —Chap jun li toro toj sa̱j ut ta̱mayeja re xtzꞌa̱manquil xcuybal le̱ ma̱c. Ut ta̱chap jun li te̱lom carner ut ta̱cꞌat re le̱ mayej. Tzꞌakalakeb re ru li ta̱qꞌue.

Levítico 14:10

Saꞌ xcuakxak li cutan li cristian li ac xqꞌuira tixcꞌam saꞌ li tabernáculo cuib li cha̱bil carner te̱lom toj sa̱j ut li tzꞌakal re ru. Tixcꞌam ajcuiꞌ jun li ixki carner jun chihab cuan re ut tzꞌakal re ru. Tixcꞌam ajcuiꞌ numenak ca̱laju libra li cha̱bil cꞌaj rochben aceite re lix mayej. Tixcꞌam ajcuiꞌ mero botella li aceite.

Levítico 23:12

Saꞌ li cutan nak te̱mayeja li xbe̱n ru le̱ racui̱mk, te̱qꞌue ajcuiꞌ jun li carner te̱lom jun chihab cuan re chokꞌ le̱ cꞌatbil mayej. Ut tzꞌakalak re ru li te̱qꞌue.

Levítico 23:18

Rochben li caxlan cua te̱qꞌue cuukub li cocꞌ carner te̱lom jun chihab cua̱nk reheb. Te̱qꞌue ajcuiꞌ jun li toro toj sa̱j ut cuib chic li carner te̱lom. Ma̱cꞌaꞌak re̱qꞌueb. Te̱qꞌue chokꞌ cꞌatbil mayej chiru li Ka̱cuaꞌ rochben li mayej trigo ut li mayej vino. Aꞌanak jun li sununquil mayej ta̱cuulak chiru li Ka̱cuaꞌ.

Números 19:2

—Aꞌin jun li chakꞌrab li yo̱quin chixtenebanquil saꞌ xbe̱neb laj Israel re teꞌxba̱nu. Te̱ye reheb laj Israel chi joꞌcaꞌin. Cꞌamomak chak jun li ba̱c cak rix ut ma̱cꞌaꞌ re̱cꞌ, li ma̱ jun sut qꞌuebil yugo chirix xcux re ta̱trabajik.

Números 28:11

Saꞌ li xbe̱n cutan re li po teꞌxqꞌue li cꞌatbil mayej. Teꞌxqꞌue cuib li toro toj sa̱jeb, jun li te̱lom carner, ut cuukub li te̱lom carner jun chihab cua̱nk reheb ut ma̱cꞌaꞌak re̱qꞌueb chixjunileb.

Números 28:19

Teꞌxqꞌue chokꞌ xmayejeb chicuu la̱in li Ka̱cuaꞌ cuib li toro toj sa̱jeb, jun li te̱lom carner, ut cuukub li te̱lom carner jun chihab cua̱nk reheb. Ut ma̱cꞌaꞌak re̱qꞌueb.

Números 28:31

Teꞌxqꞌueheb li mayej aꞌin ut teꞌxqꞌue ajcuiꞌ li mayej vino joꞌ eb ajcuiꞌ li cꞌatbil mayej li teꞌxqꞌue rajlal. Ma̱cꞌaꞌak re̱qꞌueb li xul li teꞌxmayeja.

Números 29:2

Chokꞌ re lix cꞌatbil mayejeb teꞌxqꞌue jun li toro toj sa̱j, jun li te̱lom carner, ut cuukub li te̱lom carner ju̱nk chihab cua̱nk reheb. Ma̱cꞌaꞌak re̱qꞌueb li xul li teꞌxqꞌue. Ut aꞌanak jun li sununquil cꞌatbil mayej ta̱cuulak chicuu la̱in li Ka̱cuaꞌ.

2 Crónicas 29:32

Aꞌan aꞌin xqꞌuial li xul li queꞌxqꞌue li tenamit chokꞌ xcꞌatbil mayej: laje̱b xca̱cꞌa̱l (70) li bo̱yx, jun ciento (100) li te̱lom carner, ut cuib ciento (200) li cocꞌ carner. Ut queꞌxcꞌat chokꞌ xmayejeb chiru li Ka̱cuaꞌ.

2 Crónicas 35:12

Chirix aꞌan queꞌxjeqꞌui li tib reheb li junju̱nk cabal re nak teꞌxcꞌat chokꞌ xmayej joꞌ tzꞌi̱banbil saꞌ li chakꞌrab li quiqꞌueheꞌ re laj Moisés. Ut joꞌcan ajcuiꞌ queꞌxba̱nu riqꞌuineb li bo̱yx.