Levítico 1:2 - Li Santil hu

² Quixye re nak tixye reheb laj Israel chanru teꞌxba̱nu nak teꞌmayejak chiru li Dios. Joꞌcaꞌin quixye re: Nak li tenamit teꞌxmayeja li xul tento nak teꞌxqꞌue jun reheb lix queto̱mk cuacax, malaj ut carner.

Q'eqchi Bible

² “Aatinan rik'ineb' laj Israel ut ye reheb': Wi ani eere tixk'am chaq we xmayej xul, tento tixk'e jun reheb' li xwakax malaj reheb' li xkarneer.

Levítico 1:2 ပူးပေါင်းရင်းမြစ်များ

Romanos 12:6

Jalan jala̱nk li kama̱tan qꞌuebil ke re tocꞌanjelak xban xnimal rusilal li Dios. Chikaqꞌuehak chi cꞌanjelac eb li ma̱tan aꞌin. Li ani qꞌuebil xma̱tan chixchꞌolobanquil xya̱lal li colba-ib, tento tixchꞌolob xya̱lal. Chicꞌanjelak joꞌ naraj lix pa̱ba̱l qꞌuebil re xban li Dios.

Efesios 5:2

Cherahak e̱rib chi ribil e̱rib joꞌ nak coxra la̱o li Cristo ut quixmayeja rib chiru li cruz re kacolbal. Ut li Dios quisahoꞌ xchꞌo̱l riqꞌuin xban nak chanchan li sununquil ban chiru.

1 Crónicas 16:29

Qꞌuehomak xlokꞌal li Ka̱cuaꞌ xban nak xcꞌulub nak te̱qꞌue xlokꞌal. Ut cꞌamomak le̱ mayej saꞌ lix templo. Te̱cuikꞌib e̱rib chiru li Ka̱cuaꞌ xban nak kꞌaxal lokꞌ ut santo.

Génesis 4:5

Abanan incꞌaꞌ quisahoꞌ xchꞌo̱l riqꞌuin laj Caín ut incꞌaꞌ quixcꞌul lix mayej. Cꞌajoꞌ nak quijoskꞌoꞌ laj Caín ut quipoꞌ li ru.

Génesis 4:3

Quicuulac xkꞌehil nak quixqꞌue lix mayej laj Caín chiru li Ka̱cuaꞌ Dios. Lix mayej, aꞌan ru li racui̱mk.

Romanos 12:1

Ex herma̱n, saꞌ xcꞌabaꞌ xnimal ruxta̱n li Dios nintzꞌa̱ma che̱ru nak chekꞌaxtesi e̱rib rubel rok rukꞌ li Ka̱cuaꞌ joꞌ jun yoꞌyo̱quil mayej santobresinbil xban li Dios, ut chi anchal e̱chꞌo̱l chexcꞌanjelak chiru re nak sahak xchꞌo̱l li Ka̱cuaꞌ e̱riqꞌuin. Ut riqꞌuin xba̱nunquil aꞌan, yo̱kex chixlokꞌoninquil li Dios chi tzꞌakal re ru.

San Marcos 7:11

Aꞌut la̱ex nequeye cui cuan junak li cui̱nk incꞌaꞌ naraj xtenkꞌanquil lix naꞌ xyucuaꞌ, aꞌan naru tixye, “Corbán”, chirix li cꞌaꞌak re ru tixtenkꞌa cuiꞌ raj lix naꞌ xyucuaꞌ. Li a̱tin aꞌan naraj naxye “yechiꞌinbil re li Dios”.

Éxodo 20:24

Te̱yi̱b jun li artal chokꞌ cue yi̱banbil riqꞌuin chꞌochꞌ. Ut saꞌ xbe̱n li artal aꞌan te̱qꞌue le̱ cꞌatbil mayej. Aran ajcuiꞌ te̱mayeja chicuu le̱ carner ut le̱ bo̱yx re xtzꞌa̱manquil xcuybal e̱ma̱c. Li bar tinye e̱re, aran te̱yi̱b le̱ artal ut la̱in cua̱nkin e̱riqꞌuin ut aran texcuosobtesi.

Números 15:3

Te̱qꞌue li cꞌatbil mayej chicuu la̱in li Ka̱cuaꞌ. Te̱sicꞌ ru jun li toro malaj ut junak carner ut te̱cꞌat re xqꞌuebal inlokꞌal ut lix bo̱c ta̱cuulak chicuu joꞌ jun sununquil mayej. Te̱ba̱nu chi joꞌcan re nak ta̱tzꞌaklok ru li xeyechiꞌi cue, malaj ut chokꞌ re le̱ mayej li na-ala saꞌ e̱chꞌo̱l xqꞌuebal, malaj ut chokꞌ re le̱ ninkꞌe re inlokꞌoninquil, chan li Ka̱cuaꞌ.

Números 5:15

Nak tixcꞌam li rixakil riqꞌuin laj tij tixcꞌam ajcuiꞌ numenak ca̱hib libra li cꞌaj yi̱banbil riqꞌuin cebada ut tixqꞌue chokꞌ xmayej xban xcakal xchꞌo̱l. Incꞌaꞌ tixjunaji riqꞌuin aceite chi moco riqꞌuin incienso xban nak li mayej aꞌan tixqꞌue xban xcakal xchꞌo̱l ut re ajcuiꞌ nak ta̱cꞌutu̱nk ma cuan xma̱c li ixk malaj ut ma̱cꞌaꞌ.

Números 7:15

Quixqꞌue ajcuiꞌ jun li toro toj sa̱j; jun li te̱lom carner, ut jun li te̱lom carner jun chihab cuan re, re li cꞌatbil mayej.

Esdras 3:5

Ut queꞌmayejac joꞌ nequeꞌxba̱nu junelic ut queꞌmayejac saꞌ xyoꞌlajic li po ut saꞌ eb li cutan joꞌ yebil chak reheb xban li Ka̱cuaꞌ ut cuanqueb ajcuiꞌ li qui-ala saꞌ xchꞌo̱leb xqꞌuebal xmayejeb.